其實呢個世界上得2個字可以形容我依家既心情，就係：無聊！

點解無聊呢？如果你問我，我諗我會答唔知囉，無聊到唔想思考點解會咁無聊．

唉．．．算啦．．．我諗你都係唔明我講咩架啦．

唉．．．唉．．．唉，做咩事都唔開心，玩ｇａｍｅ，看電視，看碟，做功課，沒一樣係想做的！

可能係想逃避，逃避明天要交的功課，咩功課？視藝囉！－＿－

唔係話我唔想做，係因為ｍｉｓｓ逼得我太緊要，比既限期太緊，又諸多要求，我實在冇辦法專心去創作，

攝影，漫畫，雕塑，電話亭，主題，發展，來源，畫圖，整理，佢仲要求我要創新，抽象，力求完美．．．

ＡＲＴ搞到我就黎崩潰，到依家我先至知道，原來我除左素描（畫畫），其他既就乜都唔識喇．．

我只係識照住黎畫，唔識創作，唔識觀察身邊既野，畫出黎既漫畫強差人意，攝影又冇時間／搵唔到人陪我出街影相，雕塑仲未搵到主題，電話亭又唔知邊度可以搵到地區特色．．．

可以話係：冇一樣我係成功的！

就黎要返學喇，我再冇咁多心機去研究視藝，因為除左ＡＲＴ我仲有好多科目要兼顧，我真係想早一日做好，早一日安心，但我唔想逼我自己，我唔要求其整一樣野出黎交比佢，因為我整出黎既作品係要算會考分架，我唔會對我自己唔住，所以．．．

矛盾就係咁樣發生，一方面，為左唔逼自己，我選擇逃避；另一方面，又為左自己既會考分，唔想選擇逃避．．．

唔洗問啦，我今日打左咁多野，已經選擇左逃避，今日，過左１２點就已成過去，唯有：今朝有酒今朝醉，明日愁來明日愁．