|
琴日睇左鐵達尼，係我第一次睇
佢令我好震撼，之前只不過係認為D人跟位潮流先去睇
不過琴日睇完之後令我知道佢咁多年都咁受歡迎唔係冇原因
其實我覺得ROSE個未婚夫好可憐
你睇佢係架船沉GE時候都要去搵ROSE就知啦
而佢平時對ROSE GE 態度好差我覺得佢係係到妒忌LOR
仲有我想知點解有D人連試都唔試下去逃生呢
可能有機會呢
船長就話可以係出於內疚姐
咁那個媽咪、佢兩個女同埋D樂手呢？
D樂手繼續係到彈琴，係咪因為已經知道走唔到
不如留低彈琴令人地開心D，雖然D人都未必有留意到
我覺得D樂手真係好好人LOR
最尾ROSE咪幻想同JACK一齊GE
係那一刻我有喊
雖然係真實世界裡面唔係，但係又有咩緊要呢？
可能係ROSE心中，已經同JACK永遠係埋一齊，不再分開
JACK雖然唔會再影響到ROSE GE日常生活
但係已經永遠埋藏係ROSE GE心底
冇人可以取代到佢係ROSE心裡面GE地位
可能佢對ROSE黎講，係一個冇可能可以擦掉GE回憶
可能當ROSE自己一個GE時候
唔會話要生要死，但係都會默默咁懷念佢
係睇呢套戲GE時候，令我完全代入左個角色到
咁我琴日係電視睇，中間咪有廣告GAMA
每次廣告ge時候我都會係咁係到"索"氣
好似跑完12分鐘咁，好辛苦
另外，首主題曲好好聽，可以去聽下，
個名係"MY HEART WILL GO ON"
|
