今日，我好無聊咁去睇每１個人既日記，睇住佢地每１日都好開心咁過，又諗下自己當時又做緊乜？！我呢幾日好唔開心，１生中最難過既幾日，好難接受到自己既所有朋友全部都無晒，每日仲要扮住開心咁過！！突然好想打呢篇日記，之前覺得無乜事要特別記住，但係今日我好想記住我呢幾個星期既唔開心、痛苦...

或者係你地好開心既時候無留意到有１個人１直都無開心過...我知自己曾經做錯，但係我要做既都做晒，我要彌補既都彌補左，你地個個都認為我自私，但你地有無諗過其實最自私既係你地每１個人！！其實呢件事有無發生，你地都會咁樣對我，係咪呀？由３月份開始，你地根本無留意過我１眼，我唔開心，身為朋友既唔知道，反而１個普通既人可以睇得出...我有諗過你地係咪已經唔再重視我？！我好辛苦呀，你地知唔知呀？或者我太在乎你地，先令自己每１日都難過...你地有無諗過，你地唔開心有人去"乙水"...我呢？我唔開心，甚至喊，你地有無望過我１眼？琪唔開心，你地每１個，甚至肥忠、dicky等等都會去關心佢...鼠鼠唔開心，我地都會係身邊...你地每１個人唔開心都有人關心...我呢？我認我太自私，我好想得到每１個朋友既關心

今日我睇過肥忠既日記，我知道你地每１日都過得好開心，即使唔開心都有人理...而我呢幾日做過咩，你地又知唔知呀？我每日都好難過，我好想彌補我既錯，我好想可以好似以前咁，開開心心咁過１日，而唔係而家難過咁過日子，見到你地咁開心，我發現原來以前係我自己勉強自己要改變，要融入你地，我真係好辛苦呀！！我每日都同你地講笑，嘻嘻哈哈，但你地又有無真正咁了解我呀？我１直想講你地知，我唔中２講笑，但我想你地重視我，留意下我，我真係好（支力）喇！！我真係好想返去小學既時候，只有琪同我２個人，非常好姐妹既時候，起碼發生咩事，你都唔會咁對我！！其他人咁對我，我明白！！但係你，你係我最好既姐妹，有咩事我會同你講，你會同我講...就算係悶，你都會第１時間打俾我...你會幫我...我以為發生咩事，你真係會支持我，陪係我身邊...呢件事之後，我發現原來離我最遠既係你...我同你識左５年喇，５年黎，我知自己對你唔係太好，但係你無嬲我，你無鬧過我，就算嘈完黎，都係你黎（乙水）返我，但我估唔到你咁唔了解我，唔通我地５年既友誼換黎既結果係咁？！我以為呢５年，係咁多人當中，我會係最了解你！！但原來唔係，最重要既係你變左好多！！講真，，我真係好中２以前既你多d...以前，你無論咩事都會信我，幫我...但係今次你竟然揀離開我，我真係好心痛...我地之間既信任係咪已經無左？我１直期待你會明白我所做既野，你會了解我，到頭來，原來係我自己１廂情願...咁多朋友之中，我最在乎你...估唔到而家我既在乎，會令我咁唔開心...而家，謝wing同林wing起碼有同我講野，你竟然係最冷淡既１個...你真係變左好多，變左１個我都唔了解既陌生人呀！！你同我講過友誼永固、發生咩事都有你地呢班朋友，但係原來１切都呃人架，到左最後，你都係揀放棄我...我諗我退出會係１個令你地開心既結果啦...無論點都好，我都當你地係最好既朋友，真架！！...或者你地睇到既話，都唔會當我係你既朋友啦！！

難道我做你愛的玩具 夜來無事想過去
幻想某段情節就流淚 難過到叫誰亦贊許
其實快樂退出不是罪

刊登時間︰2006-04-08 08:02 PM    [ 訪客留言(0) ] [ 編輯日誌 ] [ 分享至FACEBOOK ]