漫長既暑假開始囉~

每日行程如下:

食早餐-->電腦-->午餐-->電腦or電視-->晚餐-->訓陣教-->電腦or電視-->訓教

做人無目標真係好灰...突然感覺到返學比放假好得多

起碼聽老師講書都好過對住部腦發呆 不過一返學我肯定又會想放假..真矛盾

琴日講左分班 3a班既得 朱姐 carol姐 蕉仔同kane哥同我一班(唔知有無漏)...其他都3唔識7

雖然好唔份氣 不過董董講得幾岩 分班一係蛋散班一係就超班(我係蛋散班)

都唔知點解咁多勁人個個都去哂讀理科..文科唔好咩

以後3年都係同同一班人一齊

以前識左咁耐既朋友實會唔會生疏架...

按返以前精英班咁分咪好囉  而家搞到亂哂有乜好

出年無左死人化學同死人物理拖累我...成績應該會有所上升掛...

唉 希望愈大 失望總係愈大 個天始終都係唔肯俾機會我

機不可失 時不再來呀~

講下d無聊野先...

本公子一直以為男仔應該大隻d man d先好...

點知我琴日請教左專家 佢話而家d女仔鐘意男仔瘦d好...

他媽的 咁我食到咁大隻  而家先叫我減肥  擺明整估我姐...

暑假仲有好長既日子 功課都幾多下...而家慢慢做當係消磨時間啦