今日真係恐怖

係咁既..今日偉哥約左我踩單車順便bbq

9點鐘果陣佢地急call我去幫手拎野..明明約左10點..

見到佢地一袋二袋  走唔甩/__\

大佬兵攞最重既炭 好波!!

男子漢就係咁既樣 值得學習

本來billy會黎架 不過佢發燒/o\  伍少本身都話去..不過後尾又話無女唔想去\[]/

偉哥話今日有10個人去(包括本人) 我仲以為今日會好多人玩 好熱鬧tim...

點知得3個我識既...(大佬兵 偉哥 雷十志)

其他既係..大佬兵個妹(1個) 既fd(3個) 既小學同學(2個)

知道之後真係o左嘴....

有個著紅3既女仔好靚^^"...

租單車 咁都70$ 唔好去搶..搞到家貧既小弟差d無錢搭車返歸..

之後踩單車..踩踩踩踩踩踩踩踩踩踩

踩到我差d當場暴斃..對腳軟哂 原來偉哥踩得好q快

到左燒烤場 個太陽猛到咩咁 又人頭湧湧..熱死..

最令我激氣既係包環保炭環保過頭 一係燒唔著 燒得著既一陣變灰.......想打人

搞搞下搞左成個鐘都有...

偉哥呢次真係太失敗啦..買咁少野食..

佢一定係太睇少現今女性既胃口..仲食得多過我地男仔/__\

所以一陣就食哂d野..

踩單車踩到死咁制 透爐透到喊咁制..燒野食燒得一陣....T.T

之後上去水壩度吹下風 臭男人們吹吹水~正^^

天氣不似預期..返歸既半路中竟然落大雨..

平時我鐘意落雨..不過今日例外\[]/

淋到我成隻狗咁...(不過又幾舒服)

紅3靚女因為天雨路滑既關係....仆親/__\睇見都心痛..

膝頭哥損左..都幾多血下=0=..

不過..關我咩事..我又唔識佢.....(好無人情味呀)

又踩到嘔血後~

就搭車返屋企啦~

希望以後有機會再見到紅3靚女啦T.T

以後bbq一定要買多d野食\[]/

今日打住咁多先..886