今日真係...真係好攰呀....不過又幾開心^^"

琴晚鬼死咁夜先訓(大約3點幾) 今日個人唔知做咩野好似傻左咁 8點幾就起左身~真係攞命呀

刷牙洗面後~我望住部腦...部腦而家又好似傻傻地咁 咩game都玩唔到 連喇叭都壞埋 超慘呀!!!!(物似主人形/o\?)

咁我開左個msn同carol傾左一陣(都有幾廿分鐘)佢off之後 打俾佢約左佢下朝打波  第一次成功地約到佢 ~^o^~

無野做無野做...坐係度發白日夢~~~發到10點幾 又有個fd打黎問我下朝係唔係同佢打波 不過佢都幾好笑...

打黎問我係唔係同佢玩...又話下朝通常唔得閒 ....好似有少少玩電話既感覺~\o/~

睇左陣電視(都無野好睇既..)  又食埋個lunch 點幾鐘就打俾carol問佢食完野未~點知佢而家先食 食到2:30分~>.<~仲有d時間

打俾涼亭問佢打唔打乒乓波 佢話搞掂d野就打俾我 我等呀等~等呀等~ 忍唔住打去佢度話[喂~~你搞咩搞咁耐呀/o\]

佢話佢岩岩沖完涼...(吓....而家d人鐘意打波前沖涼=.=")差d想打佢\[]/!!

哇~涼亭打波而家愈來愈勁....打到我好慘 (不過都係我勁d^^") 佢開上旋既姿勢超型呀~!!雖然無咩用.....

打打打打~打到2點20分度carol問我幾時去佢度打波 我話3點鐘度...同涼亭打得好high中..

哎呀...快樂不知時日過....2點50分囉

拿拿聲跑上屋企攞8達通 即刻沖去巴士站 carol話要搭43b既第二個站 等左超耐都唔見架車既蹤影

carol打黎問我搭到車未...仲話唔係往荃灣西站果個43b喎...(差d搭錯車=.=)幸好架43b黎得遲

好無奈地走左去搭44m  等等等等等......架野終於都黎啦!!

禍不單行呢句野講得真係好....我一上車就發緊夢 搭過左站都唔知...去左碼頭~/o\~ 

行返轉頭果陣超慘呀..條路又遠 天氣又熱..行到一半carol又打黎以極唔耐煩既語氣話[我既好同學....你到未呀...]

我話我搭過左站..去左碼頭>< 差d激死佢 佢又話4:30要返屋企 我望下隻錶 3:45 =.=

跑跑跑跑~跑左好耐先到佢果度 跑到我差d嘔~>.<~...一見面就見到佢同佢細路係咁傻笑(完全唔知佢地笑咩...)

終於可以安安樂樂咁打波^^"  不過就完全聽唔明佢同佢細路講d野(咩扮比卡超...係地下畫圈..) 佢地就由頭笑到落尾=.="

carol打波都ok勁架~佢細路就...一係勁細力 一係就打左唔知去邊 都唔知點玩/o\

又同佢細路打左陣入乒乓波 乒乓波佢就好勁=.=

佢細路真係識趣 返屋企先~不過都係得返十幾分鐘同carol打波..

佢打波好大力...打親d波下下都由我頭頂飛過 超難接...

打左一陣就到4:30分好捨不得走~>.<~                                          返歸~沖涼~訓覺

[完]

ps:香港既青少年體力實左太差 好似我咁....跑兩跑 打下波就話攰到攞命..真係失敗=.=