琴日.....有個屎忽鬼差d激到我一拳打爆佢個頭...

本來我地傾傾下計 傾到放假唔知有咩好做..成日係屋企好悶架 

之後佢就話星期四唔好約佢唔得閒 話同我暗戀緊既女仔(某某人)去唔知邊度....

個死剷見我聽完無咩反應就加多兩句:[你唔呷醋既?~^o^~](我知佢都鐘意個女仔 但係駛唔駛咁串呀\[]/)

咁我就話..[無所謂啦....橫掂佢都唔太show我架啦](點會真係無所謂呀!!把口係咁講喳!!~>︿<~)

佢果個幸災樂禍既衰樣.....[咁就真係可惜啦~~^o^~~]呢句激到我...(好彩我平時夠定力  唔係明年琴日係佢死忌啦= =)

你能夠明白到一個我鐘意既女仔同一個男仔玩得鬼死咁開心..而果個男仔竟然唔係自己既果種無力感....(好唔開心中...)

琴晚老天爺一定係feel到我唔開心..所以代我喊左成晚(喊得勁過龍...搞到大家無學返唔好意思^^")

好似..好似某某人真係一次都無試過主動同我講過一句野(唔通我係佢心目中既地位低成咁~>︿<~)

琴晚有老天爺陪我喊我已經好開心....既然我咩都做唔到 只好希望佢地玩得開心啦....../[]\