由擒晚返到黎香港,已經同咗四個人分享自己在北京的得著....
這真是一趟寶貴的旅程,或許會令我一生難忘....
剛剛在msn與人分享完,實在懶得再打日記了,
還是直接copy出來算了......
其實我地每日都有半日度係去探訪唔同既教會既,頭兩日就係探訪大教會,第三日去咗唐山近郊既教會,第四日去咗神學院,第五六日都去咗市區小規模 d既教會...
頭兩日,十分感受到上主係中國既工作,因為兩間大教會都係政府撥錢去建,我d相過咗落人地部腦度,未有得攞返住!但係起得好靚!!!同永光有得揮!
同埋,地下教會已經慢慢少咗,政府批准可以有合法既聚會點,所以有d教會會以某人屋企作聚會點,係好簡陋,或者傳福音既工作有好多限制,但至少政府肯開放,有一間教會直情係政府放咗5千幾萬去起
另外就係,每一間教會好令我感動既係,好多信既人都係一d上咗年紀既人,而佢地展示緊一種頑強既生命力,無論佢地唱詩,祈禱,還是同佢地交談時,佢地個份喜樂既心,感恩既說話,係不其然地感染住你,佢地無時無刻都為一切大小時而感謝神.
唱詩時,我想我在崇拜獻詩中都從來未試過咁真誠的感激主,讚美主.....但當我同佢地一齊係一間簡陋既屋仔入面大聲唱詩,每人只有一處立足之地,望著佢地面容,有的喜極而泣,我就是這樣被佢地感染著,用心的唱詩讚美神
而且又了解過佢地聚會既形式,絕大部份都係非常傳統既聚會,以禱告會,研經,查經,見証會等等,但一間教會仍然可以有5,6千人返黎聚會,實實在在的見証甚麼叫不信的人都被吸引過來,唔係靠聚會,仍是靠靈....不過佢地亦好少有針對少年人事工的聚會,因為中國教會既限制,一來唔俾在會堂以外地方傳福音,仍都因為無咁既資源,同埋社會,政府仍然唔鼓勵18歲以下既人信耶穌....絕大部份都要18.19才信主,可以見到佢地要發展下一代有住一定既艱難
但同時好激勵既一樣嘢係,去到第四日參觀燕京神學院,有好多神學生只是20多歲,我同佢地去傾偈交流,佢地好主動,好想知我地點搞少年人福音事工,而且當佢地講述佢地對少年人事工有承擔有盼望時,我又知道,上主早已看到中國這篇土地的需要,又興起不同的人為佢作工...從他們的眼神,面容,我知道,在那裏少年人既事工有未來...
所以我都問咗佢地攞地址,e-mail個d,希望可以俾d資料佢地,又或者寫下書簽俾佢地一路支持佢地!!!
同埋,我無諗過,我地既到訪會為佢地帶黎信心,成為祝福,但每一次要離開一間教會時,大家彼此拖手,祝福,激勵...
生活有時或許有很多的煩惱,問題,但當我想起他們那一刻的面容時,或許我就能告訴自己,要堅持多一點點,要咬緊牙關一點點,要倚靠神多一點點,因為祂真的活著 活在中國這片黃土中,也活在倚靠祂的人心中....
我覺得有時,我們都太懶惰,太倚賴自己,太多自己了...從他們身上,我卻看到上帝的實在
另外,陳牧師每一次都會介紹永光既發展,架構,制度,奉獻的原則等等,有一個婦女佢同我傾偈時不斷的講,這樣的嚴謹,這樣的制度很激勵佢,佢好羨慕,令佢想到信耶穌就是要這樣的有要求,不隨便 我 到時真的好慚愧,因為如此激勵人心的見証,今天我們卻最不珍惜,甚至最多藉口去逃避...總是覺得lee樣煩,個樣煩,但背後的原因還是因為我們不願意付出,有所保留...
聽過不同教會既故事,與不同的人交流,我有這樣的體會:
不論人有甚麼艱難,都無阻他們信耶穌的堅定;又不論環境有多大的限制,都無阻天國事工的發展,福音的廣傳...
他們真的信耶穌,
那股自然流露的生命力就是見証.
仲有好多好多既人與事都令我好深刻,好似去探訪兒童村,好多小朋友既父母都係囚犯,有d甚至見住爸殺媽媽,或者媽媽殺爸爸,望著佢地天真既面孔,雖然只有短短個幾鐘的相處時間,但感激上主讓愛流動在彼此心中
又有試過去唐山,一個非常簡陋既廁所...係無法想像,我依家諗返都仲係覺得好恐怖,佢地每一日過的生活就是如此 原來我們一直這麼幸福,lee句說話常掛咀邊,但我今天真切體會到了.
又有一晚去咗酒店附近一間盲人按摩按腳,與嗰位師傅交談起黎,雖然談的都是瑣碎事,但又讓我感受到,中國勞動階層的人真的很辛苦,也很艱難,但他們認真地生活,樂天知命的態度卻令我打從心底敬佩......
同行的幾人中,只有按我的那個師傅係盲人,雖然佢眼看不見,但係言談間,一言一語比我們看得見的人也來得真誠,似乎佢所看到的比我更真.
這七天就是這樣過,過得好快,最開心都不是同團友點樣玩樂相處,觀光...最開心的是能遇上不同際遇的人,同佢地傾偈先至係讓我得著最多,感受到熱情,感受到人情味,看到中國的未來,看到上主的帶領...生命應該要為上主過得更認真,更堅定
願中國的事工與我有份...
"就算從來沒有將祖國掛於心
黃土深處始終有我的根
末世無從預計卻在徐徐步近
求主幫我關心那裏蒼生
遼闊的古城內
人民迎著新時代
然而誰人又想到未來
願接受神是愛
唯盼教堂林立
神宏神願她明白
黃河兩臂間千百萬名
盡寫於生命冊"
|
