今日,哈哈...又撻咗q了...晨更每月總有一次係返唔到架噃...我累積次數到五月有五次喇...= ="""
不過每辦法...我已經由sun到thu,持續了五日都係晚睡早起的生活,所以今朝我真係正式宣佈certified了...
考過試後,好像有更多的事情要做...不過,我愛仰望,所以我樂於為她奔跑...
幾日無打日記,不過有很多的感受都想記下來...
22 tuesday
今日考埋最後的一科,比我想像中輕鬆多了,因為有個師姐教路,但我之前幾晚背嘢背到成隻"屐"咁了...真係超痛苦!
中史,雖然你係我國國土珍貴的文化遺產...可惜我同你真的是性格不合...= ="""
份卷,出既嘢我都有溫...不過呢...背就背得好似唔係咁熟了...唉...同其餘十一個year2歷史系人鬥背嘢,我今次實墊屍底了...
哀我GPA呀真係....
考過後,心情十分輕鬆,計劃好今天下畫要去慰勞下親愛既JASON導師,於是出發前還是要醫飽自己個肚,對寶馬山的東東沒甚興趣,心血來潮,咁啱轉車的地方係土瓜灣,於是好想去返以前細個返教會成日食既一間古老餐廳,叫哥登堡...
由細到大都好鍾意飲忌廉湯,我同白湯的情緣就由個度開始的,今次重遊舊地,內裏的裝修,完全無變,人我就沒有印象了,但今次到來,這裡的人每個都好親切呢,我覺得,我係特別偏愛D懷舊既餐廳,好似西貢市中心間SUSANNA,旺角間第尾牛扒同埋LEE間,都有D獨特的情愫...
食飽飽,返到屋企,練下黎緊7月崇拜首國語歌,4點度我就出發了...
由於好耐無見JASON了(見面的話其實都係兩個禮拜既事,不過若連交談,我想真的好久沒有與佢暢談了),於是我決定上慈雲山買佢至愛既小食館去探佢,LEE個男人,忙睇舖,忙結婚,肯定好耐無食過小食館既嘢食了,小小的舖仔,有暖暖的炸彈,希望令你生活不會太孤單吧...^^成功地令佢眼泛淚光!哈哈!
由我屋企上慈雲山,巴士經過的每段路,都係我以前返學會經過的路,鉤起了由F.1至F.5段段回憶...
對於協和,我沒甚情義可言,因為與老師的關係建立得唔深,甚至臨走時仍然有著破口...
不過凝望著校門,眼睛裏好像可以見到很多年前的我...
好像見到盧振聲會同佢班波友同學一齊行出黎...
陳杰星會在校門聚集等埋我同佢D同學去聚坊樓...
軟弱時CELL員在校門默默的等待...
我同盧有同ALAN每日都會分享住上堂的趣事,煩心事...
何偉強總會倚在校門欄杆等我地放LUNCH,或是考完試去玩...
就在紅燈停車的短短一分鐘,這些景象卻一一浮現在眼前
景象是美好的,回憶卻總是耐人尋味...
還有以前喜歡倚在課室窗前的位子上,對著窗前一大片草原發呆,那裡有好寬闊的景象,一大片藍天,草原,望著望著總令我返學的心情變得開朗...
但...現在那裏已經變成密密麻麻的學校村...感覺心中那片曾經可以讓我安心停留的草原被略奪了......
突然有很多的感觸...
待在JASON的舖裏,說著說著,話題總離不開他結婚的事,我盤踞了他的收銀處,係NOTEBOOK度欣賞佢地每一張婚紗相...
他就興奮的說著,"這張有多靚...那張有多白痴...這裡光暗顏色做得好好...那裡他倆在做著甚麼...",新居的佈置又讓佢成個細路仔咁興奮起來,一住聽一住留意著他的神情...他眼神裏那份愉悅,熱衷真是令我既感動又熟悉...
真正的愛情是這樣的吸引身邊的人,從心底裏送上祝福...
所以,小羊,不要輕易拍拖,最美麗的愛情還是等待,接受上主為你預備的那一位好!
沒有上主介入的關係,是沒法這樣感動人又受到祝福的...
之後去睇SAMMI演唱會,感覺沒有想像中的好睇...
雖然由細個開始鍾意SAMMI,不過,好像隨住年齡想法的改變,慢慢她的新歌已無法與我溝通了...
我還是覺得陳綺貞的正好多...或許喜歡的原因是因為在她的歌裡會聽到自己心底裏的聲音...
23 wednesday
今天一早,被兩個女人嘈醒,某程度上,係我唔知醒...^^哈!
p姐同nat姐一直與我探討今天單車之行成唔成事...若果你知我的為人,你就會知,有些我好想好想得到的事情,我是無論如何都會任性地想得到,所以我當然係夠膽死地lur住"著住件雨褸去踩囉,我都ok架..."...哈,係咪開始有d頂我唔順既感覺呢?!^^
最後的結論係,去就去,落雨先算...不過p姐因為渴睡的關係,所以要訓多陣,我就同nat姐約埋一齊入大圍食個正早餐先!!!
豐富,滿足...
食過後p姐都黎join了,我地就開始了單車之旅了...
去的時候慢慢踩,中途食咗舊冰菠蘿,實在是賞心悅事...
一路踩,太陽伯伯就出黎同我地玩了,佢都算不留情面了,話說我今日好興奮地著住件湘北10號櫻木花道件戰衣去架嘛!!!佢把我膊頭手臂,大脾全都曬黑了,曬傷埋添...於是我再次更黑了...不過我無後悔著背心去踩架!!!真係超爽!!!
不過我又好享受咁樣曬,全身出汗,風迎面吹來,踩到筋疲力竭,這些感覺!!!超正!!!考完試第一天就可以咁,感覺真好!!!
踩過吐露港,想起陳綺貞的歌,就有點想飛去台灣的念頭...唉...我今年既台灣大計註定要泡湯了...不過我都相信取而代之的北京之旅會讓我體會更多,開闊屬靈的眼界...
入到大埔,匆匆食過lunch,由於5點要返到永光排團契,我地三人怒衝返大圍交車,回程時只用了1個鐘...我覺得我地好犀利!!!
那種衝的感覺...信仰路上也要如此...
下次我要踩入大尾篤!!!!!!我要踩!!!我一定要踩到入大尾篤!!!!!!
夜晚有點點不愉快...雖然心"慘"哂刺...不過也是用心的教導,也是一種學習黎既...
我想,需要找個時間去排毒了...再這樣下去,我快要中毒了...^^"""...
24 thursday
一朝早起身,要做家務,今日先可以出門口,媽媽不在家,家中的事務已被我擱置了幾天了,亂到九彩...
跟住預備埋團契rehearsal的事,就出去旺角會毛毛...
這樣食下lunch其實都幾開心...我諗我地好耐無試過咁樣食完嘢,一齊返永光的了...真搞笑...
今日影咗隻勁貴的貼紙相!!!但係超級好玩!!!好白痴~~~
毛爛爛,謝謝你的生日禮物,我鍾意呀~~~謝謝你的用心與了解...
下晝,趕住返去書院,因為要幫佢地買飯同埋set嘢個d...
最後ellen都係返唔到黎,因為肚疴...
不過,心裏慶幸,好彩唔係要自己一個跟,好彩仲有腳長,佢真係超級能幹!!!好多決定唔到既嘢佢都會勁快作出意見,雖然某程度上,我同佢總有d意見不合,不過,總之有多個人同工,跟lee個團契都無咁辛苦!!!正!!!
羅文傑,你可以去死的了,真想打死你!!!
雖然當中有些安排,與ellen傾過後都出現錯漏,不過,今次是好好的經驗,學習學習...
又多謝jessica今日的短短慰問,很窩心...
也覺得很犀利,她總是可以感覺這麼遠那麼近地牧養著我...甚至很多人...
謝謝妳...
我們都太習慣解決"問題",
但從來沒有解決到,關顧到人心靈的需要...
我們都擅於與人交談,
但從來沒有與人的心靈對話...
我要學習...重拾那份對耶穌同理心的實踐... |
