唔知點解呢，li種既天氣，令到我個人好冇起勁...

成日都覺得好攰，每日都好冇力氣去做任何野，宜家唯有打blog嘗試將自己內心既感受講出黎..雖然呀wing同我真係好好朋友，但係有時自己既感受成日都要講出黎，我驚會令呀wing覺得好煩，其實我知佢不嬲都唔會覺得我煩，但係成日要講出自己既感受，佢唔覺煩，我都會覺得自己好煩啦..

我..最近唔知點解都有少少掛住「佢」..突然間掛住，我都唔知因為d乜野，我經常諗番起中三下學期間所發生既點點滴滴，li幾日都不斷諗番起，可能係因為一個好sweet既節日就黎來臨，所以好掛住昔日哥種戀愛既感覺..

今日，我同我堂妹去左新港城食KFC，食左個新既餐，都幾好味架...之後，我陪佢搭馬鐵去大圍，因為佢要睇concert，要去kowloon tong，所以我咪陪左佢一陣囉...同佢不斷傾計，講起好多野..佢同我講好想拍番拖，我話我都想，但係有d要黎就黎，根本冇得強求，就算比你強求到，都未必有好既結果..不過，我都有同佢講，我都好掛住哥種拍拖既感覺，但係我冇話一定要同邊個，總之有一個合眼緣既，我都會好想再試下...

不過，戀愛li個word比我既感覺總係好矛盾，有時我會覺得好簡單，有時又覺得好複雜，唔知真真正正既愛情究竟係簡單一話複雜呢?