"我係咪應該去忘記呢??"有時候，我都唔知，我覺得好亂，乜野應該做，乜野唔應該做，我開始有d混淆..

琴日，我同呀映去左烏溪沙行下，坐左一陣，雖然好曬，但係一陣陣海風吹過黎，令到個人好舒服，可以忘記所有既煩惱...

我發覺自己宜家好似中意左一個人，我同呀映都叫佢做"面紅男"，佢真係好得意，好容易會面紅，而且又好好人...不過呀映話好清楚我仲對呀pan有d留戀，佢話覺得我同呀pan好可惜，所以叫我要諗清楚自己想點...我...真係唔知自己仲中唔中意佢呀，其實我對呀pan咁留戀，係因為我同呀pan既分手冇一個結果比我去作肯定，所以我仲好留戀我同佢當時一齊既感覺..呀pan永遠都唔會講出自己想點，佢一直都覺得人地好似明白佢諗緊咩，但係我覺得佢真係好需要知道，冇人會估到佢諗緊d乜野，你唔講人地又點會知呢?我喺msn打既野，雖然我冇指明係同邊個講，其實我係同佢講...我知佢病緊，所以我打"沒事嗎?           沒有人會知道你在想什麼，所以才沒有機會，沒有跨越的機會"..li句就係我喺msn打既野，因為我覺得我同佢冇既就係一個機會，但係我唔會一路等，我冇咁既耐性去等，唔係因為我唔中意佢，係因為我知道佢愛我就唔會想我受到時間既煎熬...

我覺得宜家就係時候要去忘記，我冇理由成世都等佢，我都唔想fix死喺一個人身上，我冇辦法再次為佢等待，li一切既野都係時候結束啦....