今日係番學既第三日，好攰呀...可能今日係第一日番全日，所以好鬼死攰...

今日上每一堂都覺得過得好快，但其實今年只不過係每堂少左5分鐘之嗎，但係我反而覺得好似過快左好多咁..但係我宜家先真真正正發覺自己同Pan既距離真係好遠好遠，特別係因為我上左中四之後，哥種感覺仲強烈。我睇哂我今年哥份時間表，我根本冇一堂係要落三樓上堂既，所以基本上我係冇乜機會見到Pan..(即使同佢係同一間學校)

我都唔知咁樣係好定係唔好，我其實好想成日揾個機會落三樓睇下佢做緊咩，或者見下佢一面都好呀...佢今日上左黎四樓，我唔知點解佢無端端做咩上黎，我咪扮見唔到佢，但係我知佢知我一定見到佢..=3=

可能我之前同佢分手係好事呢，我宜家同佢距離咁遠，我諗更加冇機會再喺番埋一齊.......