merry christmas

24/12平安夜這天的早上去左上水陪winnie食早餐,送佢去同queenie搭火車去羅湖,跟住下午同二家姐去左沙田UA睇電影「投名狀」,雖然好滿座,卡士強勁,可惜劇情一般,戰爭場面又唔夠激烈,所以我覺得麻麻地!到左五點幾其他家人都嚟埋,我哋一齊行沙田D商場,我去左UNlQLO買左1件黑白色的褸,1頂灰色冷帽,我阿媽幫細佬買左件深藍色的毛褸,都唔係好貴,因為减價,所以有好多人睇衫!之後去左冒險樂園同珊珊玩擲金幣,可惜一個都唔中,之後睇埋燈飾就返屋企!

25/12同大舊,Anna,Anson燒烤,都係去屯門龍豉灘的自助BBQ場!真係好開心,from12點幾to7點幾,而且對正節日,所以好多人燒烤,一家大細又有,一對情侶又有,一大堆朋友又有,好熱鬧~我地一面燒野食,一面講笑,anson食得最勁,燒得又快,d野食都唔知熟未,就放入口,真係服左佢啦~日落嗰陣就行去海灘睇,真係幾靚呀,途中見到兩隻好得意的狗仔,D毛毛好柔軟呀!好似棉花咁!行完之後,我地燒多陣就搭巴士去屯門市中心行商場,到左11點幾返歸啦~

  12月我同anna,winnie,大舊去美麗華旅行社報左一個2日一夜團,去嘅地方有長隆動物園,馬戲團,百花園等...!個動物園都幾大,我見到有猴子,猩猩,長頸鹿,大笨象,白老虎,獅子,鶴,天鵝等...而且仲有動物表演!不過個動物園好臭呀!要成日掩住個鼻~最好睇係馬戲團,d表現好精彩,有好多高難度動作呀∼而百花園種滿好多花,有薰衣草,玫瑰,蘭花等,真係好靚,有好多一對對新人映結係度婚相,我地仲比左30蚊去騎左一陣馬,winnie騎得好快,仲好開心!我同大舊就好驚啦!D薰衣草雪糕好難食,好似食左D沐浴露落肚呀!我同大舊食左幾啖就丟左,我地住富特酒店,係白雲機場附近,我最鐘意酒店的浴室,可以一面沖涼,一面睇電視,因為有個自動窗簾,可以升高升低!除左飲食方面,成個旅程我都幾滿意呀

好耐都冇打過日記啦,有3個多月了,因為我太懶~

10月11-14日,係我第一次去旅行,同大舊,ANSON,WINNIE,ANNA一齊台灣,因此我地唔係跟團,所以紅成日?住張地圖周圍去~吒幾日我地去個士林夜市,西華街夜市,饒河街夜市,西門町,五分,九份，淡水等地方,夜市擺滿攤販,大多數都係買野食呀,例如:蚵仔麵線,蚵仔煎,鹽酥雞,烤玉米,臭豆腐,鹵肉飯等...仲有芒果奶刨冰好大碗呀,又唔貴,又好味,可以足夠幾個人一齊食呀~九份睇風景呀,果度買D野比較傳統和樸素,而且長期都會落雨,果日唔記得帶雨傘,所以就買左打橙黃色的雨傘,好得意呀!仲有袖珍博物館值得一去,果度有各地的著名建物和藝術品模形,好華麗呀!我地這幾日住係台灣大飯店,沖完涼就會去酒店附近買宵夜食,有次着住對紙拖鞋行過馬路時,無端端穿窿,差D仆低,而且架車係我面前啱啱停左,嚇死我呀,好彩大舊扶住我咋!我今次的收獲係幾盒「我的美麗日記」面膜,body loion,兩支唇彩和香水,好開心呀!

  今日放假冇出到街,因為冇$呀~yesterday係細佬的20歲生日,我地去左東海堂買cake比左食,而且煮左好多野食~不過我仲未買present比佢,唔知買咩好?

  中秋節嗰日,成家人食完飯就去左樓下平台玩,玩下爉燭,燈籠~之後打電話比bobo,傾左成個鐘,到左11點幾上返屋企食月餅,今年老豆買大班冰皮月餅,上年好似買聖安娜,兩種都幾好味~跟住沖涼訓教,因為第二日要返工~

聽日雖然係中秋節,不過都要返工~而夜晚家姐,姐夫嚟食晚飯~一定有好多餸食啦!

之前去左下沙high-light左個紅色頭,好開心.雖然會好快就退色,不過真係想染好耐啦,下次要high-light紫色先得~

下個月終於可以去台灣旅行啦,好期待呀∼∼＾－＾