前幾日放工,d同事叫我去深圳食乳鴿,一大堆人應該會幾開心就答應左佢地,之後立即返屋企沖涼再出嚟,到等齊人已經6點左右,去到深圳成7 點幾,之後仲要搭車,最初以為佢地有咩好介紹,點知成堆都唔識,最後求其入一間,我唔介意冇咩冷氣,服務又一般,最慘係幾乎叫咩食就冇咩食!連炸饅頭都要等,過左好耐,先知佢地唔記得落單,我地十分不滿,貼士都唔比,立即埋單走人!之後又搭車,本來去按摩,但係佢地話過夜,我點都唔肯，因為我呃屋企人話去同人食晚夜，完全唔知我上深圳,比我老頭知道我講大話,一定打死我!最後同英姐一齊走,沿途又黑又偏僻,幾驚呀!好彩最後返到屋企呀!而佢地係第二日開工前趕返嚟!下次我都係諗清楚先好跟佢地去!~

到左星期三本來係休息,點知打比我,叫我返工,到左6點幾果時,我收緊$,突然聽到阿yan係度喊,同阿倫鬧緊,d客人都望住佢地,最後聽到阿yan好大聲講:我唔做,就走左~冇幾耐,阿倫問我轉唔轉full time,我叫佢比d時間我考慮,心諗宜家對我冇咩野,未來都唔知點對我!到夜晚放工開始唔舒服∼

到左星期四,做緊野果陣,不斷咳,喉嚨又痛,又喉沙,放工之後返屋企探熱,真係發緊燒!好彩星期五放假,有得休息!!

    今日放假,成12黠幾至起身食飯,天氣真係好hot呀,我最憎呀!2點幾果時bobo打電話比我,今日阿輝大發脾氣仲鬧喊阿yan,總之就亂到死!睇嚟今日佢地都過得幾慘呀~~好彩我唔使返工!!!最後bobo話份新工請左佢啦~佢呢幾日內會辭職...唉...同我最熟的,全部走晒,以後點過呀?

   剛好今天係22號，我已經返呢份工四個月,係做得最耐的一份工,不是因為呢份工做得特別開心,只係唔想次次因為比人鬧而做得個一日,我唔想咁冇用!

上星期六同winnie,大舊,佢家姐,佢家姐的朋友,阿珠去左東門行街,買左好多野,衫,鞋,袋,外套,連身裙,褲,CD,咩都有,我用左4百蚊左右,嗚...我真係好大使,每個月的人工都花係衣服上,其餘的交保險,搭車,食野等,幾時到下個月7號呀?仲有16日呀,嗚...

 今天返工不開心...

點解我成日都咁易喊?如果我可以堅強D,做任何事一定會好好多∼

上星期五同ivy,仲有佢朋友去葵芳行街,買衫,而且食泡飯,仲有章魚小丸子-我好happy呀!!

最近返7:30am,變態阿倫放假,煩人+殘雞的Fanny,仲有惡死的阿ring返下午,阿輝返早,早上時間的確好過d,至少耳仔清靜d,不過下午就煩到死啦~本來同阿輝講左今個星期六請假,佢一時扮聽唔到,一時話要我比十個理由佢,傻呀!跟住我話要去深圳東門,佢竟然笑住咁問我係咪去果度做雞?我狂笑咁答我係做鴨,個死賤輝仲答返我:「你真係做鴨啱ｄ呀！」,我聽到之後打左佢一野!其實我好想打多佢幾下,不過我驚佢話比殘雞的女朋友fanny知,而且佢係副經理,都係避忌d好!

     聽日返工返6:30am呀,好早,要5:30am起身先得,而且教我開opening呀~唉...我唔想學,今日成日都比fanny鬧,好煩呀~這份工我已經做左3個月有多.仲可以捱到幾耐?睇住一個又一個同事走,連ivy都話走,最後會唔會得返我一個呀?同d新人又唔熟,唉...