呢幾日返工都比個肥經理鬧,真係衰呀!今日我唔小心「啪，啪，啪」跌左幾個盤，ｄ客人望住我，而且經理出埋?，我幾驚 呀∼好彩佢冇鬧我咋∼而且阿姐同我執返∼之後返入去，有個阿姐叫我執餐，我都唔識，比我自己一個人做，最後整到亂晒，比人話．．．唉

　　今日老豆病左,我同細佬夜晚出去買野食,點知我細佬唔覺意?埋隔離果份,不過佢立刻放返,個死阿嬸係度鬧，出到門口都仲聽到佢把死人聲，雖然成個商場得佢一間茶餐廳，好多人買，但係ｄ服務態度唔可以好ｄ咩，ｄ人一個都唔識笑！

　　飯後，我打爛左個熱水壺，比老豆鬧∼∼

　　今日比人鬧左Ｎ次，真黑！

　　 今日要7.00am返工,我好耐都冇咁早就要起身啦~一返到工,我傻下傻下咁 ,斟到d野錯晒,仲比人話~~~我真係好冇記性,人地教過我地野好快就唔記得...d同事都好無奈咁嘆氣！我再成日做錯，一定比人鬧死∼∼

　　我適合做咩工呀？點解人地做工咁開心，而我．．．．．一份比一份討厭做！ 其實我開始後悔冇做ｌａｂ．．．

      今日第一日返工,10:00am起身,之後刷牙,洗面,返到去啱啱11:00am,我今日的工作係洗下豌,斟下野飲,估唔到野飲 有咁多呀,有椰果賓治, 果物紅茶,薑茶等....仲以前得緣荼同汽水~見到隔離執食物果個係咁比人鬧,都覺得恐怖,到我做佢果個位唔知會點呢?到左4:00左右就放工啦~聽日又要努力!努力啦!~

       聽日就返吉野家,唔知會點呢? 希望我會做得耐啦,我有好多野都想買呀~~~而且出街都要車費!唉~我做d工作,人工可以話一份比一份低 ...都係自己搞成咁呀~冇得賴...唔知以後仲有冇機會搵份人工好d,又有能力做到的工???

　　yerterday係情人節,我同candy去左行街,佢去左旺中買左條short jean,之後去左toliet試下啱唔啱,結果係啱啱好,ｃａｎｄｙ話肥d就會爆鏈啦∼哈哈∼我就買左幾隻耳環！∼跟住就行左去尖咀，沿路上買下串墝食，到左尖咀，唔知點解行行下甩左隻鞋，比ｃａｎｄｙ笑死我，而且後仲有好多路人，好樣衰呀！！！食完ｋｆｃ之後去左海旁行，見到好多一對對情侶拖住手，而且有束花∼好令人羨慕呀∼！嗚∼見到自己一個∼唉．．．不過有個好朋友陪我都好開心呀！到左１１點幾就搭火車走啦∼

ｐｓ：多謝你ｄ金莎呀，ｃａｎｄｙ∼仲有會記住你ｄ口水噴落我隻眼度!!!!DIRTY~~

PS：雖然情人節過左，但係都祝你地 呵呵∼