yesterday放左工之後,就去左西九龍中心同winnie,大舊行下,到左7點左右搵埋qunnie就去左長沙灣游泳池,可能而家唔係太熱,游水的人唔多,我地大多數時間都係d水柱下面沖背脊,可以沖散d脂肪,哈哈,佢地笑我肥左好多,仲叫我個個星期都嚟,我都想,不過要返工呀~唉...游完水之後,去到更衣室，見到d人唔拉浴廉就咁沖涼,有個仲光禿禿走出嚟換衫,由上至下都 比我地見到晒，果個女仔完全冇覺得尷尬,好恐怖...可能我地太out啦....跟住去左m記食野就走啦~

　　 今日訓到12點幾至起身,成身散晒,食完飯之後又再訓過,到左4點幾落街行下∼聽日又要返工啦∼∼∼∼∼

     上星期六同ivy,mini行mong kok,不過大家都冇點買野,因為未出糧,本來今個星期六想同ivy去多次買衫 、袋,但係阿輝經理要我星期六返工呀~嗚...雖然阿him調左去沙田,不過嚟左個比佢更麻煩、奄尖的阿倫!成日都要笑住咁講＜歡迎光臨!＞,仲有＜多謝晒呀!＞講到塊面就快抽根啦∼∼唔笑又比人話似送殯...唉,真難做~

    呢幾日返工都冇咩大問題出現,而且學收銀,要做的,都去做,因為唔想比人話,最重要阿him經理唔係度,間中可以同d同事吹下水~星期五,六都放假,好開心呀,ivy同mini話想星期六去街,唔知係咪真呢?係就好啦!!!!!下星期日就出糧，好期待呀!!!之後想去東門行下~~買下野~^^

       已經有好多日都冇打日記啦~因為每天返工都不太開心,我唔想日日都打d唔開心嘅野呀~我成日諗,自己真係好差嗎?有時好努力咁就好一樣野,但係d人仲係對我不滿,我覺得自己好失敗∼可能一開始比人嘅印像太差,太懶,d人唔再對我有期望...發覺ｄ工作時間越來越少,本來今日女主任叫我開ot,但係個經理唔知同主任講左d咩,跟住主任話唔使你啦,你走得啦~其他人個個都ot,得我唔使,仲要日日都係咁,證明對我好有問題啦~我知我雖然唔識打機,都唔使咁呀~覺得自己好似一舊冇人要嘅垃圾,真係..真係..好唔開心.好想喊.. 我已經好努力捱了兩個月,我不能再捱下去...

點解我做咩都咁失敗呀?

點解人生有咁多煩惱呀?唔可以簡簡單單咁過咩?睇過candy篇日記,知道佢好唔開心,不過我都冇辦法help her,希望佢快d搵到工,同埋搵到一個更好的男仔,仲有冇晒所有煩惱~而我好想冇晒工作上的煩惱,希望日以搵到一份更好的工,~

我地大家都要努力呀!!!