工作是辛苦的。
記得朋友一句講得好岩，一樣工作之所以辛苦，主因唔係因為份工有幾難做，而係有人不斷在施加壓力同痛苦晌你身上。
以學生為例，學生的工作係讀書，有同學讀書係無壓力的，不是因為佢地係天才，而係好多時候自己對自己都無期望，父母又理唔到，所以無人監督既情況下，個人就好hea，完全唔覺得有壓力；相反有壓力既同學又點會只係因為本書好難讀而有壓力呢？壓力永遠係來自人，不是死物。
假若今日有兩份工作晌面前，工作A係悶到甩轆好早起身返10個鐘一日，工作B係每日對住唔同既人返8個鐘一日，其他因素相同的話，我會揀A。
時下最厭惡既工作好多時都要對住人：派傳單、電話訪問、SALES等等，以上所提及既職業，被CUT線，被撞開，被鄙視，被罵晒人時間係不足為奇的。不能不承認企晌街咁多個鐘，又或者一日打咁多電話都會有一定既體力消秏，但訓返一兩晚、申幾句好辛苦、去按摩、去消遣，第二日疲勞盡消，重新開始；反而旁人一時衝動亂講野、亂反應，就會影響一個人的工作士氣，甚至係尊嚴。就以今日為例，晌街搬住四張STACK起既椅都可以有人大聲同朋友講：「睇下佢D椅幾時冧，哈哈！」咩世界？
雖然「職業無分貴賤」呢句說話真係幾廢，但若果大家都覺得工作係有壓力既，咁點解又要將無謂既壓力添加落其他人身上呢？都係果句，大家都係為份工姐。
| 
