今日其實都係幾"充實"下..

因為今朝7點就起身打機喇..

打到9點..唔知點解打打下又o係電腦檯度訓著左..=o="

訓到11點先再起身,,我呀姨仲話我發左個開口夢添呀..

佢話我係咁鬧人..哈..唔知我講左d乜呢?

之後一路食晏一路煲dvd..

睇緊dvd果陣..肥袁無端端打電話緊..

佢話想同林傑同肥湯上我屋企打麻將喎..

全部都係男仔 =o= 我梗係唔制啦..於是收線*

其實我都有dd唔like肥袁..

唔知點解見到佢個樣就好鬼憎佢..唉  >-<"

睇到2點..就死死下去左做Supp,,

嘩..D supp好難呀..有幾題做到我個頭都爆埋..

結果就o係supp之下渡過左4個鐘..做到6點*

本身巳經做到嘔曬泡..仲要俾細妹煩..

我最細果個細妹話屋企無曬朱古力..佢話佢想食..

於是我迫於無奈落左樓下買俾佢食..

落果陣仲順便買左d珍寶珠聽日請下山食添 ^^*

返到屋企..終於可以抖下..聽下歌咁啦*

然之後食飯..嘩..今晚正呀*

有酸甜排骨呀*(不過我淨係食d甜菠蘿 =o=")

食食下..突然覺得好幸福..

諗返起聽日又有得見到d同學仔..忽然好開心添*