今晚去下山屋企...佢地打麻雀..我睇電視..
最尾下山走左去,, 迫我打 @@
之後去左佢間房..下山話俾我知佢覺得我係會溫書果d人..
不過我就覺得自己唔係..
莫講話呀媽..連楊雅琳都可能未見過我溫書個樣..
之後我趁走左果陣問魚蛋..
魚蛋都覺得我唔係溫書果種人..
我一見到d書就會好煩..
好想發脾氣扔曬佢..
可能千魚區先最明白我呢種性格..
因為我一日到黑都同佢打機..
打成個禮拜通宵我都試過..
所以佢都知我用好多時間打機..
我一日三餐都去出面食..
又成日去唱k睇戲..
得閒又去下山屋企玩下咁..
計落計落..除非我識得複製時間啦..
將一日二十四小時變四十八小時..
如果唔係用個腦諗下都知..
"溫習"呢個名詞放唔入我時間表..
試問一個唔做功課ge人有乜可能仲會溫習?
其實如果你問我有無諗過溫習..
其實我有..不過我有心無力囉..
我成日三分鐘熱度..
就算有溫都只係十五分鐘之內就會放棄..
我唔明點解仲有人覺得我好溫書..
講真..我都想做一個勤力的人..
而且我唔介意俾人知我有無溫書..
好似前排我好勤力我會同你地講..
又會周圍補習成日抄筆記..呢d你地都知..
我都唔介意俾你地知..
因為我都好想人讚我勤力..
但係我無溫就話俾你地知我無溫..
呢d野我無必要講大話..
唔通我無溫都要話有溫?
如果我話無溫我就一定係無溫..
有陣時d問題我識答都唔代表我有溫..
好多野一里通百里明..
亦有好多時靠運氣..
畢竟我唔係死背書果種料..
我溫書係會自然有個模式令自己好快記得..
可能我溫幾分鐘已經可以溫一課書..
有陣時又可能半個鐘都未得...
大家都知溫書宜家對我黎講已經無乜意思啦..
反正唔讀中六大把野做;; 仲可能去留學,,
既然係咁.. 咁我死鋤爛鋤個理由仲成立咩?
去除呢個因素,,我都覺得溫書都無乜用..
我覺得溫三個鐘不如聽老師講一個鐘..
上堂唔專心..返屋企點勤力都無用啦..
如果自己係咁睇書就識..
咁全港咁多老師要黎做乜?
反而我會覺得聽係入腦好多..
真心講一句..我呢排的的確確無溫書..
可能係呢排俾人迫做PP做得多..
搞到我都叫識左DD..
我就係果種一做過就好記得果種人..
但係我唔係會又讀又背果d..
我自己會覺得concept比背書更重要..
不過每個人都有唔同ge溫習方法..
請你地唔好再話我有溫書扮無溫..
我覺得溫書呢d野光明正大,,無乜野好扮!!
我唔係d表裡不一,, 表面懶散.. 暗地讀書果種人..
我不嬲有乜野都講曬俾你地知嫁啦..
請你地唔好再咁諗我!!
|
