今日起身..食完飯開電腦打瑪奇..之後同下山同媚媚打地下城..

打到3點..同下山去沙田睇戲..情癲大聖4點場..

去到沙田見到d人o係度做show..不過都唔好睇ge..

於是3點8..去到UA門口..見到打曬蛇餅咁..嚇死我*

原來果d係預售ge人排ge,,我地係排即場果度..

即場售票果度得果10個人都唔夠..本身以為好快啦..

點知排十世都未到..原來前面d人仲未決定睇咩戲..

o係度問長問短..搞到我地過左鐘都未排到 -v-"

卒之入場睇戲啦..好好睇呀..由頭笑到落尾..

佢地4師徙出場果陣笑死我..擺埋d騎呢甫士..

之後個龜丞相又俾唐三藏"講"死左喎..節錄一部份先:

個龜丞相話:你老母呀..俾返支定海神針我..(好粗俗呀 =o=")

唐三藏:關我老母咩事?

龜丞相同呀sa講:信唔信我殺左你老母呀..我要支定海神針呀..殺左佢..

呀sa:咁殺佢定殺佢老母呀?

唐三藏:咁無用嫁喎..你又唔識我老母..又唔知佢住o係邊..
         佢地址好難搵嫁喎..我老母成日搬屋嫁..

之後個龜丞相無奈得濟自殺死左..

之後唐三藏又成日放電喎..佢話要用愛黎感化人喎..你話死唔死*

不過最後個結局好慘呀..我一路睇一路喊..

2個人相愛..又唔可以o係埋一齊..好慘呀*

下山見到我成面眼淚..嚇親..佢話我好誇張喎*

不過輯戲竟然o係人地喊得最犀利ge時候彈左個彿祖出黎..

搞到我唔知笑好定喊好..結果係喊住黎笑ge..好無奈 =o="

本身今晚想出去食拉麵嫁..不過呀媽煮左我飯..

所以要返屋企做乖乖女啦.. >v<"

今日又要補課,,補chem同bio..

補chem果陣..我唔記得帶張ws呀..

尋晚仲做左超耐..早知唔做*激死*

好在有小鍾陪我咋*

佢都無帶*2個大頭蝦  kaka*

之後Bio補課仲無聊,,又聽人諗經*

我覺得陳sir好似唐三藏..=o="

不過都係似和尚多d,,因為唐三藏係取經唔係諗經 >o<"

於是Bio堂又o係打機中度過..

係呀,,今日男班長俾左隻halo我睇*

原來我之前見過隻halo嫁,,

不過一直都唔知果隻野叫halo -o-"

男班長仲請我食珍寶珠呀*可樂味 ^^*

媚媚,下山,wingwing同小鍾都有呀..

我同媚媚仲俾左尋日d相俾wingwing同小鍾睇*

佢地都話男班長細佬好可愛 >w<"

補完課,,去下山屋企玩..我地睇"北極快車"同"美少女戰士",,

隻北極快車係我前日陪小山買ga*都幾好睇*

果集美少女戰士係火野麗做主角*超搞笑..

下山媽咪煮雞翼俾我食,,好好味*

之後我同下山+佢表姐+佢媽咪打麻將,,

我贏曬*好野..贏左81個籌碼呀*

成1底都唔只,,勁勁勁勁勁勁呀*

打到6點半左右,,我就返屋企lu*

本身想o係下山屋企玩通頂嫁..

不過聽日要出街..無3換 @@...無奈地走左*

返到屋企,,同小鍾o係msn玩寶石..

玩左一陣,,食飯*

今日要補課,,又聽陳sir諗經..@@

補完課去唱K啦..勁興奮呀..

有我,下山,媚媚,林kit,billy,肥袁,maxwell同班長仔..

男班長仲帶左佢細佬黎呀..佢細佬超可愛呀...-v-"

我地去Neway City唱..唱左超多歌..

男班長獨唱..正*

不過最勁都係Maxwell,,佢唱得爆好聽*成個明星咁*

佢唱孤兒仔果陣..苦榮同Eason把聲都唱曬*

轉聲1秒都唔使*笑死我地*

跟住唱帝女花,,maxwell男女聲都唱到*爆勁*

男班長細佬唱歌都幾好聽嫁..佢又可愛又聰明又有禮貌*呵*

肥袁唱歌就...@@ (高音+走音王 -v-")

唱唱下呀婆黎左,,不過佢都唔唱歌 @@

大約6點...林kit,呀婆,肥袁同billy走左*

得番我,下山,媚媚,maxwell,男班長同佢細佬,

肥袁佢地走左ge感覺實左太正啦*

我地之後唱"別怪她",,我好似嫌電話費太平咁..

打左俾honey叫佢聽歌* e+覺得好無聊呀 @@

我地唱到7點幾呀*超正*

可惜今日要做冬*玩唔到咁耐la*

我地一人玩左九十幾蚊,,Neway呃人錢 >v<"

一碟花生要四十蚊  =w="

不過原來Maxwell話旺中有壽司食嫁*

下次去果度先*kaka*

搭火車,,我同媚媚狂影相*好好玩...

男班長話聽日帶隻halo俾我睇呀,,好開心*

最衰下山訓左覺*玩唔到..

不過呢..今日真係好好好開心呀...

返到屋企*正*有紅酒飲,,不過我係溝汽水飲ge =w="

比例大概係1比49 (家用漂白水 >o<")

姐係1份紅酒溝49份汽水 =o= (咁不如飲汽水好過 -v-")

我飲左3大杯呀*呵呵*之後去左沖涼..

沖完之後o係msn同人傾左一陣計,,跟住去訓..