你有冇聽過珍寶珠愛情觀呀﹖

愛情就好似珍寶珠咁，有好多款可以任你揀。

其中有d係好甜o既，亦有d係甜中帶酸o既。

食珍寶珠就好似享受愛情咁，

如果你發現o個隻味唔岩你咁你咪試過第二粒囉！

忘記之前，又再從新享受﹔

正如果個人唔適合你o既，咁咪去搵個適合架囉！

每食一枝珍寶珠就代表一段新感情，你話幾開心呢！

但每枝珍寶珠都會有食完o既一刻。

正如愛情一樣，就算兩個人點樣好過，

始終會有分離o既一日。

你依家明未﹖唔明呀﹖食枝珍寶珠就明架喇！

就好似每一個女仔，第一次聽白雪公主故事咁，

都會希望自己係白雪公主，有皇子錫醒丫嘛。

每個人都會有佢自己的夢想。

其實愛一個人係一件好用力o既事。

我有諗過放棄你架！但係知點解，

當我見到你開心o既時候，我就會好開心。

但當我見到你唔開心既時候，就算我幾唔想飲咖啡，

我都想沖杯比你飲，直至你笑返為止。

但係你份人實在太冇安全感喇！

可能我太冇自信啦，怕綁你唔住。

有時我真係想做返我自己，o係我做返我自己既時候，

希望你有返d空間去衡量一下我地之間既關係究竟係點，

我唔會要求你原諒我，我亦都唔使你等我，

因為我知道一直以來，我都有為你付出過

今日上網睇到呢2段野..

睇完之後ge感覺好舒服..好深刻,,

呢2段野令到我諗左好多野..

擺上黎記低佢先 ^^*

今日心情好..想留返d日記俾自己欣賞呀 >v<"

如果真係想睇ge問我拎密碼啦 ^^*

匯報返我去日本d行程先..

28號果日,,11點搭8上左飛機lu..

o係飛機度訓左一陣教..落機去食宵夜*

我地去左大版街食河豚火鍋..

之後返酒店,,訓教*

訓到8點,,起身去打golf..

打到成身汗..仲要去浸溫泉..

我都係o係度玩水ge,, 幾好玩^^*

中午..無食飯..因為諗住下晝先食野..

下晝行街..一路行一路食野*

食左燒八爪魚丸同埋燒餅...

之後就行井月街..好多精品店ga..

買左好多手信..

原來日本好多加旋公仔ga,,

因為前幾日日本套加旋動畫先落左畫..

於是我就買左隻俾火炬*

由於我著左對尖頭鞋去..行路行到我腳痛..

所以去左睇鞋,,我買左隻Playboy鞋呀..

唔知幾$呢..因為係呀媽俾$ ge,,呵*

換左隻鞋..舒服好多*

之後就去左睇lolita..

日本d lolita靚就靚..但係好鬼貴 -o-"

由於我d日文程度有限..

所以睇野ge時候真係雞同鴨講..=w="

晚餐..終於有我最期待ge神戶牛柳食lu*

d牛柳眞係入口即溶ga..但係就唔係好好味囉..

食完牛柳..上六甲山睇夜景..

之後又周圍行..行到12點幾..搭飛機返香港*

至於尋日..maxwell一朝早就打電話黎,,

問我返左香港未..仲話我好早起身添..

其實我9點幾都起左身lu,,呵*

跟住我就出沙田行街..

去果陣仲順便俾埋張SD card俾maxwell..

太好喇..終於可以放d相o係電腦lu^^*

跟住去到沙田..亂禁行左一陣*

之後陪呀媽同d親戚去酒樓食飯..

由於呀媽要應籌d親戚,,

我太悶所以同呀妹走先..又去行沙田*

之後同細妹去左影貼紙相..搭火車歸家*

搭到太和..呀媽打電話俾我..

佢話佢又搭緊火車返黎..叫我地去粉嶺行一陣..

佢就快返到粉嶺..等埋佢先返屋企喎..

到左粉嶺..諗住落車等呀媽..

點知落車果陣就發現原來呀媽同我地搭同一班車..

佢坐o係我地ge隔離再隔離果排凳咋..

好無奈..都唔知話有緣好定無緣好 -o-"

返到屋企,,同Elise開web cam講野..

搞到有好多人同我講野都無應到佢地添 >v<"

我同Elise傾計傾到12點幾,,

佢仲同我d屋企人講野添呀*事緣係咁ge:

我果陣返到屋企好累..而且朝頭早又沖左凉,,

咪諗住唔沖凉撻落床訓,,第2朝先沖囉*

Elise媽就話:乜你咁懶ga..

我媽咪就話:佢(即係我)已經好勤力ga喇..

Elise:下..咁你平時幾耐沖一次涼ga?

我媽咪:佢呀,,3個月啦*

Elise:曄..你勤力過我喎..我1年1次..

媽咪:你幾時沖呀,,年三十晚呀?

Elise:係呀..不過今年無年三十晚..
         所我無沖凉呀..

媽咪:咁你留返下年沖呀?

Elise:嗯..每隔幾多年先有1次無年三十晚ga?

我細妹:唔知喎..你唔係沖開涼ge咩?

Elise:下..(無奈中) 我唔記得呀嘛..

我細妹:你連你幾多年無沖涼都唔記得..=3="

跟住又講左好多好搞笑ge野..

佢仲o係度賣口乖喎..好鬼醒目*

佢祝我媽咪青春常駐..

又祝我快d變心..搵個好男仔喎..

我同佢講我好專一同長情嫁..佢唔信喎*

之後我同佢講左好多心事佢就信lu*

佢仲話我同teresa一樣咁重感情添 ^^*

原來Elise媽好鬼花心ga,,

佢話佢好鐘意試d新ge野..

又話對一樣野對得耐會厭喎..太花心喇..

佢仲話佢覺得變心好容易..

佢好容易鐘意另一d野喎..

我就覺得變心好難lu*

除非你唔係真係鐘意果樣野啦..

如果眞係鐘意都幾難忘記ga..

佢問我除左之前果個,,仲有無對人有好感..

我答無..佢就話實有,,一dd都梗會有..

但係我諗深一層,,真係無乜..

我e+唔諗呢d野住lu..隨緣算喇..

努力讀書實際d  ^^*

至於今日..朝早陪呀爸呀媽飲茶*

飲完茶就返屋企打機..

之後又同Elise開web cam傾計,,

Elise又展現左佢花心ge一面lu,,

佢又話果d咩一腳踏兩船果d,,

佢問我如果同時對2個男仔有好感咁會點..

首先,,我覺得自己唔會同時鐘意2個男仔,,

就算係,,都總有一個自己會鐘意多d,,

所以我一定會同其中一個講清楚..

Elise就話咁會hurt到人,,

我就話早d了斷好過遲d了斷..

Elise又話有陣時可能唔想hurt人..

佢話講得太清楚會好hurt,,

但係我就唔鐘意拖拖拉拉囉..

總之我接受唔到一腳踏兩船啦*

愈黎愈覺得我同Elise真係完全兩類人..

不過有陣時好似佢咁都好ge,,

記碼可以好快忘記d野..投入d新ge野,,

好過我吖..一拎起就好難放低,,

有陣時辛苦ge就只係得自己..唉*

今日呢..約左maxwell同佢家姐去唱K呀..

不過我又遲到 @@..但係佢家姐仲遲過我 kaka*

maxwell今日gel左頭..搞到個頭白曬..好搞笑 ^^*

佢家姐有個fd都黎左..跟住我地就搭火車去旺角lu*

maxwell呃我ge =w=" 佢家姐好令女嫁!!

同佢之前俾我睇果張相ge樣都唔同ge -o-"

我地去左旺角中心果間neway唱..

maxwell成日錄低人地唱歌呀..

跟住佢仲影左我一張好搞笑ge相..係咁笑我..

不過張相眞係好搞笑..我都唔知笑好定喊好*

至於maxwell家姐..就好鐘意唱普通話歌..

佢唱歌都ok好聽啦..

但係佢個fd都唔唱歌ge..佢個fd好靜 -o-"

唱唱下..發現林傑打過電話俾我..於是打返俾佢啦..

我發覺林傑好犀利..我次次出街都俾佢知道ge -o-"

佢尋日打俾我又知道我去唱K..今日又知我去唱K..

最恐怖就係佢唔知點解知道我同maxwell去唱K..

連我同邊d人出街佢都知ge =w=" 太恐怖喇*

都唔知佢咩構造..係咪識讀心術ga?! 太神奇喇*

我地唱到K lunch d時間過曬都未cut歌..

於是繼續唱..唱到3點幾*

等佢入黎收錢等到頸都長埋..

於是出去叫佢地入黎收錢..收完又要等找錢..

等找錢等左好耐..無奈得濟連錢都唔要就走左lu*

唱完k,,我地落左去"青春無限"影貼紙相..

我畫左舊屎o係maxwell個頭頂度..kaka*

我地影左2張靚靚ge貼紙相呀..hee*

影完..我地去左"許留山"食野..

maxwell家姐請我食野添..好開心呀 >v<"

我食左果個甚麼芒果+黑糯米咁上下ge野..

其實d芒果係好好好好味ge..至於d黑糯米..

唔係話唔好味..不過我食唔出有味姐 @@

總括黎講..其實碗野都幾好味ge ^^*

maxwell都係食呢個芒果+黑糯米ge野..

但係佢就一路食一路加糖水..

佢唔驚甜ga咩?! @@ 甜死佢 kaka*

佢家姐就食個芒果小丸子..細細粒咁ge..

佢話食落好似o趙緊香口膠喎 @@

食完..搭火車返屋企..我地又搭回頭車lu..

我地一路搭車一路聽返maxwell錄左果d歌..

唉..我唱得好難聽呀..俾佢錄左添..唔制呀!!

跟住maxwell又開左果張相黎笑我..

眞係激死我喇..(其實張相睇到我自己都想笑 >v<")

返到粉嶺,,佢家姐去睇鞋..

我同maxwell就o係鞋店ge出面傾計啦..

佢家姐睇完鞋之後..我地就各自返左屋企lu*