今日7點就返到學校溫書喇..好乖*

本身o係長廊溫ge,,

之後變左去小食部溫..*

同Elise,潘汝婷,李珊,媚媚果d一齊溫..

溫到晨曲..就入禮堂考試..*

點知份卷鬼咁易..又有好多時間做喎*

早知就唔溫書喇..浪費曬d時間 =o="

小息..maxwell佢地黎叫elise媽呻吟..

點知Elise真係呻吟左一聲呀..

之後小山又俾媚媚整蠱.."呀"左一聲..

跟住仲話到呻吟聲同叫床聲ge分別..笑死*

之後媚媚又話佢有隻新寵物叫"小雪狐"..

哈..以後唔叫佢小雪桐lu*改叫小雪狐..hee*

小息完左..考paper 1B,,又鬼咁易喎..

神咁早就做完曬果2個task..=o="

我同媚媚都係10點搭9左右做完..

之後就o係度呆坐左成個鐘..

11點9..諗住走得人..點知又要派野喎..

跟住我返屋企換3..teresa去食飯*

3點幾就去下山屋企打算溫習..

點知去到唔夠5分鐘,,溫習就變左做打麻將lu*

跟住下山又煎雞翼la..

我地創下左史無前例ge打麻將方法*

牒雞翼擺o係麻將檯ge中間..

d麻將就打曬過去牒雞翼ge側邊*

之後媚媚同下山食到成手都係油..

我同下山媽咪就做左呀四幫佢地摸牌..

跟住媚媚超搞笑..用隻乾淨ge手指尾黎打牌*

於是我同下山媽咪就一路幫佢地摸牌..

佢地就一路食野兼用手指尾黎打牌..

打到西圈..超搞笑*眼見得返4隻就平局..

都可以俾下山媽咪自摸到喎..

原來d絕章牌俾媚媚keep起曬..

之前佢8隻牌有7隻都出充..

但係佢竟然打左唯一一隻唔會出充ge牌..真好運*

今日下山媽咪仲讚我斯文呀*好開心添*

之後佢又話媚媚好嗲 =w="

媚媚間琴行成日打電話過黎..

跟住下山媽咪仲話"乜咁多男朋友嫁"..笑死*

6點幾..我同媚媚走lu*我發覺今日無乜點溫書..

下山送我地去ok,,媚媚買左支蘆薈白茶飲 >v<"

之後我地去左花都..去Bossini..

沿途都睇左d電話..唉..好想換電話呀 >o<"

我最想換k750i..200萬像鏡頭..影相正*

可惜最快都要逗完利是$先換得啦..

e+全部ge身家得返7百幾蚊咋..慘呀*

好在黎緊有個新年逗利是咋..唔係ge話我死得*

之後就同媚媚搭車去華明..再搭返黎嘉福..

成架車得我1個人咋..好恐怖呀*

返到黎..check日記..

發現除返條平均數..每日有8.39個人睇我日記..

好開心呀..因為知我日記果d人都得好少咋*

不過總括黎講..今日係開心ge*

今朝本身約左千魚勾8點打機ge,,

但係我懶訓..結果訓到10點先起身@@

晏晝..呀姨黎我地屋企炒飯俾我地食..

呀媽返左大陸呀..都唔知幾時先返黎*

下晝..照原定計劃去下山屋企..

但係就多左一個人..就係maxwell喇..

3點幾..我去華心村搵maxwell,,

我竟然識自己一個行去..好勁 @@

搵到maxwell..同佢一齊搭273a去上水..

去到下山樓下..個看更叫我寫訪客紙..

寫好..搭升降機果陣見到下山媽咪..*

去到下山屋企..開始溫書..

不過我地係玩ge成份多過溫書..

我又去睇仔仔..佢仲訓緊*

我地睇左"美少女戰士"呀..

睇到月野兔喊果度我又笑死喇..

不過maxwell就睇到個好sexy ge女仔..

果個女仔件衫有少少兒童不宜ge成份,,

maxwell睇到O曬嘴..好搞笑*

之後下山又拎左d咭出黎玩..

跟住下山就去左煎雞翼俾我地食..

下山親自落廚..都好好味 >v<"

原來煎雞翼係唔洗落油嫁..型*

下山媽咪話d雞翼本身有雞油喎..

再之後下山媽咪又讚maxwell唱歌好聽..

仲話要俾支咪maxwell唱喎..

最後我俾左maxwell錄左果d歌俾auntie聽..

跟住下山又沖阿華田俾我飲..

仍然係沖得好淡味..不過都ok好飲ge..

我飲左好耐好耐..終於飲完..

之後先發覺原來我飲緊下山daddy個杯 =o="

7點幾..下山屋企要食飯..

於是我同maxwell走喇..下山送我地落去..

今次佢竟然肯送到去巴士站喎..抵鍚 >3<"

上次我同林傑去..佢送都無送到呀 =w="

之後我同maxwell一齊搭273A喇..

我坐入面..佢坐出面..

我問佢做咩唔坐入面..佢答左個好搞笑ge答案*

跟住都傾左dd計啦..之後我唔想太早返屋企..

就一路搭巴士..搭到架巴士再返到嘉福先落車*

返到屋企..打日記..e+去食飯lu*

今日係陸運會第2日,,

今朝鬧鐘無響到呀..搞到7點3先起身,,

今日千人操..差dd就遲到添 =o="

不過做跳躍運動果陣..

學生會主席跳到跌左個手提電話出黎..

仲俾Miss Wong見到添..好搞笑*

之後做跑2060..我本身諗住唔跑偷走ga..

點知俾下山捉住唔放..做左陪跑侍婢 =o="

我地班係全校最少人跑果班呀*好慘*

我都係慢慢行..同人地傾下計咁啦..

當我同下山行到第2個圈ge時候..

原來Mr.Bean巳經跑緊第4個..好勁 >v<"

之後千魚勾同Elise媽黎左紅社陪我玩..

跟住lunch,,同千魚勾&下山一齊..

我地食班戟..之後又行左好耐街..

返到去..仲有時間,,同魚蛋玩鞦韆..

之後有跨欄同200米決賽睇..

我仲睇到李明輝跳遠趴低左..食泥 xD

之後社際..紅社d女仔輸曬lu..*

跟住就係期待左成日ge班際喇..

我地成排人舉起左d紙牌黎支持4A呀..*

家寶老師果張超大張..我整左超耐..

不過因為d字要大..所以有小小核突..*

但係我整得好辛苦嫁..心機搭救 ^^*

果3張細牌就係今朝整ge,,

雖然係寫ge,,但係都係好核突下 =o="

最後我地都係差少少..輸左lu*

不過唔緊要..下年再努力過..*

跟住就係showtime,,都ok好睇啦..

之後頒獎..竟然頒錯獎..

將黃社個獎頒錯俾紅社..空歡喜一場..無奈..

至於班長仔就拎左男乙冠軍..好野..

放學就同千魚勾去左行街街..

我地去左食野..之後佢買左個袋..

但係佢竟然禁止我買鞋..=o="

佢話我屋企太多鞋..成日d鞋買左又唔著..

叫我唔好亂禁洗錢喎..我O曬咀..*

之後我地去龍豐..

千魚勾就去左game鋪睇野..

而我就去左電腦鋪果度行下咁啦..

行行下..竟然見到我搵左好耐ge 2.5mm耳筒..

雖然個樣唔係好靚..但係我都買左..

因為2.5mm耳筒好難搵..唔係度度有*

再之後就去左crazy room買髮夾..

跟住就搭車返左屋企..好攰..成身散曬..

sorry呀,,我發覺前2日都無打日記添..

e+補打返先..等我諗諗先,,

前日朝早10點幾去考oral啦..

都ok ge,,我果組d人好正 ^^*

有魚蛋,小花,凱玲,嘉秀同靜宜..

考完之後同呀媽去飲茶啦..

之後行左一陣..返左屋企打機..

一日就咁無無聊聊地過左*

下晝小鍾就打左個電話黎啦..

我地2個都傾左好多野下..

其他都無乜特別野..唔打落黎lu..

尋日..自己一個出左旺角..

2個鐘駛左成千蚊呀..=o=" 心痛*

我買左個呀jack袋..百幾蚊..

又買左隻黑色Nike鞋..570蚊..

之後行下旺中..又買左d立雜野..

計計埋埋洗左879蚊..

之後諗住行去火車站搭車啦..

行到條天橋..竟然有個人行過黎..

佢話佢係基督徒..

之後佢同我講成個鐘頭耶穌啦..

我發覺自己都幾有耐性嫁..

返到屋企..6點幾啦..

開左張跳舞氈跳左一陣..

之後食飯..打邊爐..正*

至於今日呢..陸運會..好正*

今朝本身諗住同千魚勾搭的士去*

點知等左勁耐都無的士 =o="

跟住就去左搭火車..

我地2個都唔係好識路..亂禁行..

(年年搭的士ge後遺症 =w=")

好在行行下先到小鍾佢地咋..

今日帶個jack袋返學..嚇親honey*

一入到區場..即刻俾人串 =o="

Ms.Lam一見到我個袋..

就o係度話我"物質好豐富"..

擺明話我成日周圍洗錢..

又話我成日買好多筆呀果d..勁無奈*

之後我跑100米..馬家莉o係我隔離..

佢跑得超快呀..不過好在我都無包尾*

之後去綠社玩左一陣..周圍hea下咁..

跟住同呀wing一齊睇班長仔比賽..

佢眞係好快呀..快到變態..第1句 =o="

呀銳戴住頸巾跑..好似朦面超人..型*

lunch..同千魚勾,下山,小鍾果d食M記..

下晝..我千魚勾&honey去玩標槍..

我求其飛左2野就走人lu..

我地玩標槍果陣禁um係d人去跨欄..

之後下山話maxwell跨欄好好睇*

無睇到添..蝕曬 >v<"

但係我就見到班長仔跑到跌親..

佢就快去到終點果陣巳經想跌ga喇..

但係佢都堅持衝左過去..

過左終點就跌低左..好慘呀..

希望佢無傷得太嚴重啦..

今日ge結果都係紅社包尾..預左*

放學..同千魚勾&下山周圍行左陣..

好野*星期3又有得去小山屋企lu*

之後同千魚勾去左篤魚蛋呀..

跟住就搭車返屋企lu*