今日起身,,全身都好酸痛呀..

尋日明明唔痛ga,,今日就痛到爆..

連坐低起身都好痛..有d唔想唱k..*

最慘就係隻手瘀左果度由紫色變左做啡色..

眞係超級恐怖呀..

不過都係頂硬上..鬼叫約左honey咩 ^^*

之後呀妹又話要跟住去唱k喎..

咁我咪同佢一齊出門口去M記食早餐囉..

(又係食早餐? 有d恐懼 xD)

今次食早餐剛剛同上次同佢食ge野倒轉..

對上一次呀妹係食熱香餅,,我食扭扭粉..

今次係佢食扭扭粉,,我食熱香餅*

食完..搭火車去沙田搵honey同魚蛋,,

我地去沙田富豪間neway唱呀..

原來佢地係唔識去富豪花園ge -o-"

得我1個識去咋..好無奈添*

我地由11點半開始唱..

唱左好多歌..無曬氣唱就走人lu*

下次去沙田唱k我打死都唔去neway呀..

第一,,因為佢遠啦..green box近好多..

第二,,d隔音好差 (隔離d人唱歌好難聽 xD)

第三,,d房好細間呀..雖然我地用緊大房..

但係所謂ge大房又無PS2又無電腦..

d冷氣又細到無得再細咁..

間房ge size連加州紅ge一半都唔知有無..

不過honey唱歌好好聽..hee*

唱完k,,去左西田行街街..

其實我係想去ASTRO睇袋姐 xD

行勻左成個西田都無乜野啱心水ge,,

於是去左新幹線果度玩..

我o係Happy House度簡左張生日卡..

送俾火炬ge,,佢2月4生日..

但係我仲未諗到買d咩禮物 >v<"

之後就去左嚐樂坊食壽司..

食完就去左MUJI MUJI果度行..

行到賣朱古力果度..有d奇怪ge野..

有個大約十二歲ge女仔..

佢同個大約二十幾歲ge男仔一齊..

佢地ge外貌似兄妹..行為就似情侶..

於是我地就o係度估佢地係兄妹定情侶..

估左好耐都未能夠下決定..

於是魚蛋好衰格咁去偷聽人地講野..

之後見到佢地拖手仔..姐係情侶啦..

但係佢地眞係好唔襯..

個男仔好似老過個女仔好多咁..

而且個男仔好似陳sir咁高,,

但係個女仔就仲矮過魚蛋喎 @@

而且果個女仔真係好細個嫁..

我地4個之前都估佢地係兄妹..

但係佢地d動作又鬼咁親密同曖昧喎..

發現左佢地係情侶之後,,勁無奈 =w="

魚蛋就即刻指住果d朱古力講:

"有無搞錯,,一個咁大粒,一個咁細粒..
跟本係2種朱古力,,點可以放埋一齊嫁?!"

佢一講呢句就即刻笑死我..

之後我地就勁用d朱古力比喻佢地..

o係MUJI MUJI果度討論左好耐..

不過其實我覺得呢d好難講..

無理由因為外表唔襯就話唔鐘意ge,,

鐘意就鐘意ga啦..無得解ge,,

有陣時可能連自己都控制唔到ga嘛..

唔可以因為人地唔襯就話人ge,,

我覺得佢地巳經好勁ga喇..

唔理人地ge眼光,,

同自己鐘意ge人一齊..好浪漫呀 ^^*

所以我眞係幾羨慕佢地ga,,

呢d愛情一定刻骨銘心姐..hee*

討論完呢2個人..講返d日程先..

不過去完muji muji都好似無咩做..

都係陪honey行下街睇下d衫咁囉..

行到隻腳好鬼酸..於是返屋企*

但係返到屋企又要汁行李..

汁到我好累呀..e+訓一訓先*

今日呢...去左又一城溜冰..

今朝同maxwell去左食早餐..

我地食左果個艇仔粥同炒麵..

但係就掛住食早餐而遲到左lu,,

呀wing同謝咪佢地好衰格呀..

話我同maxwell食早餐..問我地咩關係喎..

俾佢地講左成日,,我超無奈呀*

我問返佢地食早餐有d咩問題啦..

佢地又話我唔搵佢地食喎..

我有問佢地嫁..Elise自己尋晚又話唔去..

千魚勾又話o係屋企食ge,,好無奈添 =3="

下次真係唔約人出去食早餐lu,,

費事又俾人講就唔係咁好啦..*

搭緊火車,,elise話角落果3個係咁啤我地..

謝咪話要"回啤"返佢地喎..好搞笑*

落車果陣..我仲講左句"再見喇豬扒"添..

覺得自已好似好衰..千魚勾仲要話正..

佢地仲問我點解唔叫埋佢地講..我無言..

去到又一城..原來d冰好跣嫁..

maxwell教我溜呀..學下學下識左dd咁多啦..

我發現一樣野呀,,

原來拉住勞可豐好有安全感嫁..

因為佢又唔快又唔慢咁..好安全 ^^*

踩到3點..好累呀..

我趴低左十幾次..好樣衰添 >v<"

我跌到隻手都踵埋呀..好慘..

我見到d人溜得好勁我都好好好羨慕嫁..

唔得 >v<" 我決定要精進下d溜冰技術先..

溜完冰..小山話要走喎..

於是我地送返佢去火車站..再去食野..

我同Elise同千魚勾就食味千拉麵..

千魚勾叫左一杯綠茶飲..

d綠茶熱ge =w=" 好恐怖..

唔知d熱綠茶好唔好飲ge呢? 呵呵*

原來呀wing好貪靚嫁 >v<"

佢食緊野都可以搽cream同唇膏..厲害*

食完野就去左行街街..

去左睇好多玩具呀..好好玩 ^^*

行到5點左右..搭返車返屋企..

o係車入面又講左好多野..

去到粉嶺..陪謝咪佢地去睇鞋..

之後睇到一半..千魚勾話要返屋企..

於是我就陪左佢返屋企lu*

返黎果陣竟然o係嘉福見到魚蛋..

我緊係叫佢聽日一定要着裙啦..

嘩..好期待聽日同honey出街添 kaka*

今日考英文oral呢..

我9點先考..所以8點10先返到去..

上到6樓,,點知原來淨係考左2組..

見到班長仔..本身諗住送禮物俾佢..

但係都係聽日先同小山一齊送好d..

費事佢拆小山果份無曬驚喜就唔好啦 ^^*

跟住同honey,elise果d傾計啦..

其間發生左一件超搞笑ge野:

謝米就問魚蛋:到我地入去未呀?

魚蛋就話:下?入去喇咩?

於是魚蛋就衝左入602..

點知佢俾人趕返出黎..笑死我*

之後又傾計傾左好多野啦..

9點半左右..終於到我考lu*

我考果題竟然係呀wing尋日考果題..

我就簡左個english course,,

我講左好多point呀..好勁添..

(其實都係上堂果陣講果d野 =w=")

臨走果陣..我見到自已張分紙好多剔呀..

一個交叉都無呀..好開心添 ^^*

考完oral,,o係樓睇口等honey..

等到10點左右,,佢考完lu*

由於好耐無同佢傾計..於是我陪佢行返上水..

我講左好多心事俾佢知..傾左好多計..好開心..

如果honey日日都可以陪我就好lu >v<"*

今日唔洗返學,,

本身諗住有幾晏訓幾晏啦..

點知6點幾就紥醒左..之後又訓唔返*

但係我都係趴o係張床度唔願起身..

o係張床度hea到10點幾先起身,,

跟住就食lunch啦,,

食食下,,突然間全身好凍,,

於是縮左入張被度,,但係都係好凍..

於是又加多一張被..搞搞下又訓着左*

但係就係訓下醒下咁..仲愈訓愈眼訓*

訓到6點幾..好頭暈.. @@

呀媽話我發冷,,帶左我落去睇醫生*

個醫生就話我發燒喎..

自己發燒都唔知添..燒壞腦 >v<"

本身諗住難得有1日得閒..點知又搞成咁..

之後食左d藥..好番好多..

食飯..有肉醬意粉食..正*

之後就打機,,訓教休息*

仲有,,今日係班長仔生日同林傑農曆生日..

生日快樂呀..hee*

今日考電腦啦..本身仲以為好難..

點知比我想像ge容易得多呀..

媚媚朝早仲話如果佢電腦合格請我同施晴飲野,,

睇黎佢今次一定請硬呀..kaka*

考完電腦..見到千魚勾仲考緊文學添 >v<"

之後小山同林傑去左我屋企..

小山話要問我借漫畫睇喎..

之後我同林傑又去左小山屋企..

去之前我就去左買壽司食..蟹籽壽司..正*

上到去小山屋企我就開始食壽司啦..

下山媽咪就睇住我食壽司,,

唔知佢係咪睇到好肚餓呢..

睇睇下佢就好快咁落左去買油炸鬼煲粥食..*

之後打麻將..初初都好好玩嫁..*

小山就霸左我平時個專用位坐..

於是我同小山媽咪就勁玩野..

狂o係度汁位..終於搶返個專用位 ^^*

不過打打下..本身我諗住踫牌..

點知林傑想摸跟住果隻牌..

咁我咪唔踫俾佢摸果隻牌囉..

跟住小山就話我同林傑有路喎..*

我超無奈..乜我呢d唔係叫禮讓係叫有路ga咩?

之後小山唔舒服..我地就收枱lu*

之後小山媽咪就整多士俾我食,,

林傑同小山就飲果d類似涼茶ge菊花茶..=w="

跟住林傑就返左屋企lu*

我同小山就去左買禮物俾班長仔..

因為班長仔聽日生日呀 kaka'

我同小山買左二隻一套ge野送俾佢..

我地一人一隻送俾佢..好搞笑*

至於買左d咩?暫時保密..

其實我想知呀wing買左d咩多d kaka*

跟住行行下見到大舊衰..

佢話去勞可豐屋企玩呀..

搞到我又好羨慕又好想去添 >v<"

之後去到巴士站..小山就返左屋企..

我行多左一陣都返去lu*