我好想澄清一樣野..

其實我唔係憎某個人..

只不過憎佢某部份性格..

其實我好討厭去憎一個人ge感覺..

如果唔係太討厭我都唔會去到憎ge地步..

有時我講一d野..

只不過想抒發我自己ge感受..

你地唔喜歡睇可以唔睇..

但係我就唔鐘意乜都呃住人..

我真係好討厭佢呢種性格..

唔通我討厭都要扮無野?無可能!

我份人一就一,,二就二..

我寧願乜都講曬出黎..

總好過每日迫自己唔好講..

可以有人會覺得我咁樣唔o岩..

但係我對得住自己..

起碼大部份人都support我..

有d人都話我仲可以再絕多n倍..

我自問已經好俾面無指名道姓..

何況我唔覺得呢d係搞事..

我諗好多野都唔會空穴來風..

如果佢唔做咁多乞人憎ge野,,

又點會有人講佢呢?

所以要搞清楚搞事ge係邊個先好..

如果自己有做過就抵俾人講!

有人話我地唔俾機會佢..

但係我地俾果陣佢有無珍惜過?

機會唔係成日有..

如果成日都有機會咁人人都可以犯法啦!

反正犯左幾多次都有人俾機會你..係咪先?

所以話機會只係偶然遇上..

如果當初無去珍惜個機會..

咁就後悔都無人會可憐佢!

至於背後中傷..

sorry..我做野一向光明正大..

而且我唔覺得呢d叫中傷..

中傷應該係指將人有幾衰講幾衰..

但係我覺得我都係講我觀感..

佢的確有呢d毛病..我無屈佢喎!

我大部份都只係做聽眾..

只係間中加一兩句..

又或者係將聽返黎ge野講俾其他人知..

反正我又唔會特登去留意佢..

又唔會走去同佢傾計..

佢大部份野我都可以話係收風收返黎..

不過我只係聽都可以覺得佢好賤格..

每日每日佢都要繼續做d咁姣ge野..

真係好嘔心囉..

聽都可以咁嘔心..更何況睇到?

同埋我覺得有時唔可以話唆擺..

宜家我又唔係只係聽一個人講..

我有聽好多人講喎..

而且唔多唔少我都會發覺到一d..

例如佢行路個姣樣咁..

你叫我睇唔到..咁除非我盲左姐!

同埋佢衰唔衰我諗我自己都識衡量..

但係呢個moment..我可以坦白講:

我完全唔覺得佢係我朋友...

我唔識呢d咁ge人..

有人話佢改左..

唔該睇下前因後果..

係我地迫佢改佢先會改少少..

而且最乞人憎果樣野佢反而唔改..

咁會唔會可能係改少少敷衍我地呢?

我不嬲都覺得friend係可以一世ge..

我有錯你可以話我知..

總好過我乜都唔知..

正如今日小中同我講我d缺點..

我都有同佢講我會改..

我仲好感激佢會同我講..

起碼有個知字都好..

同樣..其他人有錯我都會講..

我份人係唔鐘意轉彎抹角..

有乜野咪照直講囉..

事無不可對人言!

朋友有錯係要點醒佢而唔係縱容佢!

雖然有時我講野係唔會過濾(呢樣我認)..

但係我絕對唔會一次又一次容忍人..

我覺得機會唔係人地俾..

機會係自己爭取嫁!!

我唔想好虛偽咁同佢扮fd..

佢想要返佢友情就唔該佢自己爭取!

佢自己都唔努力我地點幫都無用!

我門口都開定俾佢..

佢自己唔踏入黎我都無計..

咁我唯有關返埋道門..

唔通會長開等佢咩?

如果佢要入黎就自己會敲門..

我俾過機會佢..佢唔珍惜..

咁就要自己去搵返佢..

佢宜家唔敲門不特止..

仲大大聲o係出面亂吠..

俾你都趕佢走啦..

佢咁乞人憎法..

真係想唔嬲都幾難啦..係咪先?

可能有人話"佢吠都係因為我唔俾佢入"

我覺得咁有d本未倒置..

如果你一次又一次俾佢入去..

你估下最後會有咩發生?

所以有時唔可以話有無俾機會佢..

而係俾佢佢又有無珍惜?

有無去自己爭取過機會?

又有無去諗辦法解決?

解決唔係得把口..

我都可以話我好想解決好多野添..

要去實行先得嫁嘛..

好似我咁..

我夠想解決小翹果邊d問題啦..

咁係咪得個講字就得?唔得嫁嘛..

所以我先會去問人點解..

要親手解決呢件事我知要靠我自己!

你得個講字ge話就幾可憐都無用啦!

如果係咁咁你仲可憐佢做乜先?

唔好以為原諒就係好偉大咁,,

反而我覺得咁會令佢覺得有人撐腰..

之後可能會愈黎愈串..得串進尺!

如果係咁我日日都可以扮可憐添!

其實有好多野佢實在做得太衰..

尤其係曬命果樣勁乞人憎!!

雖然佢唔係對住我曬..

但係我都覺得佢咁樣好賤格..

講真..如果小中肯同不楚一齊..

小中唔夠佢曬咩?

小中又靚過佢..人品又好過佢..

連身材都好過佢啦..

人地不楚又叻又靚仔..

起碼我覺得不楚愛都愛得真d..

只不過人地一唔一齊又係另一回事..

就算唔比不楚..

咁許立強都好呀..

雖然我係覺得佢有d白痴..

但係點睇都有三分姿色ge..哈 ^^*

同埋我覺得就算一齊都唔應該拎黎曬囉!

佢好似以為拍拖就好威咁..

其實我一d都唔覺得囉..

只不過人地唔想拍拖佢就咁得戚咁..

都唔明佢點諗野ge!

所以話..都要o係適當ge時候用..

用得太多就會弄巧反拙..

總之我唔想再為左一d人..

搞到d朋友疏離曬..

因為我覺得唔值得為左d咁ge人咁做!