今日係星期五呀!!真係開心呀!因為听日又係放假啦!!

哩日唔算太多野做,有d悠閒咁~~其實我有時會忙到

死,但有時又太過得閒,就算我無野做,都唔可以準時走

人呀!!因為我d同事都唔會咁快走既,佢地可以留到夜

晚8點幾~~而我絕對唔會咁做,我頂多留到7點幾就走.

不過好彩我係跟鳳蓮姐做野,佢通常6點幾就走,因為她

趕住返屋企煮晚飯~~只要她走,我就可以走啦!!我真係

好懷念以往準時放工既日子呀!可惜..唉~~~~~~

今日我好早走呀!!因為鳳蓮姐好似有節目,真係好呀!!!

今晚我要同媽咪提早慶祝HAPPY MOTHER'S DAY呀!!

所以我地到[稻香]食晚飯...嘩~~真係有好多人黎食..

結果成8點幾先可以入去食呀~~今次我同屋企人夾錢

買左GUCCI袋送俾媽咪...都算大出血啦!!不過買俾媽

咪都值得!

听日係星期六...又係要忙我既事啦!!我同KRISTY一齊

努力!!!!加油!!!!每逢星期六我同KRISTY都好努力會

自己呀!!!!哈哈....哩個係我同KRISTY之間既秘密!!

阿恆成日叫我陪他睇[蜘蛛俠3],但我真係無咩興趣呀!!

我反而想睇[28週後],[加勒比海盜：魔盜王終極之戰]

同[醜女大翻生]....唔知我會唔會睇哂呢???

晚上,小鵬仔SEND左好多野俾我呀!!他真係勁多歌介

紹俾我听...@0@可惜有好多歌都唔太岩呢-.-...我真係

好無奈呀!!