尋日既朝早發生的事,都唔知開心定唔開心好?不過係某個程度我好似俾人玩咁,但點解又選擇返我呢?可能我諗得太多啦!我都係唔好諗咁多啦!放左工,我同豬屎去睇<絕種生還者>,真係幾好睇下!個女主角既動作好有型格,而且她係戲裡面變得比之前更勁,由於我同豬屎坐最尾(近音響),所以我地成日俾音響效果嚇親@~@應該有機會拍<絕種生還者4>,期待呀!!!之後我同豬屎返屋企,返到屋企都成11:30P.M....听日仲要返工添-.-...不過係我返屋企既時候,我居然見到亞佳(我家姐識他,唔係咁熟,不過他都知我係Pauline既妹),我見到他唔出奇,出奇既係他攬住其他女仔,前日我先見完他同女朋友一齊,依架他居然背住女朋友同其他女仔一齊,果一刻我覺得好愕然!我估唔到他係d咁既人,唔知點解好嬲亞佳咁對個女朋友,我好想話俾他既女朋友知哩件事,不過講真我係外人一個,根本無資格去理人地感情既事,但我唔想個男仔玩兩個女仔既感情=.=亞佳都見到我,我覺得自己好似捉姦咁!算啦!人地既事,我好難理啦~~希望個兩個女仔早d醒覺啦!

今日終於從ERIC手中攞左楊千嬅演唱會票!黎緊哩個星期五晚去睇呀!等我試下去紅館听先得!搭正一點又係放工既時候,我今次一點幾就走,我唔想再留2點幾先走呀!原本我打算過去KRISTY果邊,不過最終都無去啦,因為我每逢星期六都走過去KRISTY好似有D悶添,所以最終返屋企好好咁休息!

今日Kinki居然唔記得今日要返工,由於今日只係返半日,所以大家姐都批準她唔哂返公司,不過好彩大家姐無話她。我真係好驚kinki對哩間公司無咩心機做落去,我唔係咁想她走呀!因為Candy都走左,如果她又走既話,我就少左一位公司同伴-..-

亞前、小駱、亞求哩排真係辛苦哂你地呀!!!