睇完秒速五厘米後，我一個人係房入面
喊左出尼..
我好耐都未試過咁樣喊過
我依段時間，不停參加迎新日迎新營
係入面玩，識人，狂歡
我好想有個新開始，好開始
我甚至特登想識一個女仔，取代你， 忘記你
我發覺純粹想排解寂寞，搵邊個都可以
但我發覺我呃唔到自己，我呃唔到自己既感覺
每當經過沙田自修室，沙田運動場，沙燕橋，已經拆左既馬鞍山冒險
樂園，馬鞍山𣲙池，麥當勞，九龍塘地鐵站...每一個同你一齊過既地方
我都迫自己唔好再諗，但每一次我都敵唔過自己既回憶
雖然明知你已經唔再係到…
我今日問steve:究竟性格可唔可以改變
我唔想自己份人咁被動，冇自信，自卑
我想自己可以更有leadership
但係依個問題對你真係咁重要?
點解唔可以比次機會我呀.. .
|
