登...登...登...登.......施政報告出左啦

曾生好似仲未明小市民需要咩野

生果金加至1000我支持！加入息審查我支持！！！

why?

因為生果金會變成養老金！照曾生咁講25年後每4個人就有1個係老人。

香港大把老人家冇錢洗，60幾歲仲要出黎做野，汁紙皮，家陣紙皮3毫子斤，由朝汁到黑都未必夠食一日啦！

有D老人家，身家幾十萬，仲要囉生果金！

講真，話就話我到依家呢一刻都係無產，但後我遲早都要交稅嫁，有咩理由要個個月比多一千幾百去養D身家幾十萬o既老人家嫁。

仲有，加生果金又唔加綜緩，曾生，聽講家陣通漲呀！米價油價咩都漲，又唔見綜緩金有漲過！講真一人一個月得果千幾，話就話唔洗交租者，但係都要食嫁，幾年前經濟好物價平就話姐，但係依家，一罐豆豉鯪魚都可以賣成十幾二十蚊就真係好有問題啦！大佬，家陣十幾蚊斤菜呀！好心你得閒就多D去屋村，多D聽下市民意見，唔好下下淨係識坐係冷氣房、玩下錦鯉、寫下D不利民生o既施政報告先得假。

以上意見均為個人言論，得罪之處請多多見諒！