小妹已於5月29日完成整個實習,而與supervisor 的終期檢討亦已完成。

個grade亦是我料之外,我好滿意,希望過到學校最後既評分。

其實成個實習,我自問仲可以出多小小力。不過相比起上年,我真係落左好多心機落去。我亦都估唔到自己竟然可以為功課撐到凌晨三點半,其實我精神上係可以撐到,但身體就支持唔到喇,真係未試過做到頭暈手震,打字打到兩隻手唔係自己咁。不過係呢方面得反黎既成果就係打字速度快左。

今年好好彩有個partner同我一齊出,我先冇咁烏龜,真係好多謝佢=]

我以為呢個實習應該唔會令到我喊掛,點知臨尾都要知道d傷心野。不過唔緊要啦,起碼人地講既係事實,了解自己又多左喇,未嘗唔係好事。

其實係實習入面學到既什麼社工專業技巧就真係唔多嫁喇,不過就更加認識自己,知道自己係個點既人。

講真...我真係未ready好出黎做野囉...

做唔做社工好?唔好意思...我真係覺得自己未夠料...其實與其話自己冇料,不如話我唔想負咁大責任,因為係我既字典入面,做得社工就要樣樣都識...冇理由有日有人走黎問我,院舍果D點申請GA?唔通我答:「呀...唔好意思呀...我幫你上網CHECK CHECK呀。」

如果要做...我都想由WW做起,摸熟呢行再上SWA

係呢個moment,我真係好迷茫。