等我打下呢10幾日既感受先
係第一日出發既時候,就要好早起身搭車上武漢。係去廣州既車程中已經有D不捨屋企,有過一刻真係唔想去,想返轉頭,不過都只限於諗諗既姐=]
第一日既行程就係食訓坐,咁就一日喇。
坐高鐵前小組合影
第2日就一早搭車到十堰市武當,功夫館所在地。坐左5個多小時車終於到達未來十多日入住既地方---元和山莊
先說說元和山莊是一個怎樣的地方,不過其實也沒什特別,我住我房是5樓,不要以為有升降機,其實只有樓梯,所以每天這樣上落也蠻累的呀。特別是最尾一星期,膝蓋痛,上落樓梯更成了挑戰。 
房間的對面是農田,空氣非常好,很清新,唯一不好是太多昆蟲,不過慢慢也習慣了。
廁所沒有門鎖,在開始的時候很不慣,總怕有人闖入黎,但後來大家熟了,不用鎖房門,也直接去了。
這些就是未來十多日所吃的,菜菜菜......除了菜,就只有很小很小的肉絲。
經過兩天的車程及整理,第三天開始了。第三天的早上5點便morning call了,5:45集合,6點便到達功夫館,跑步!仲要係跑山路,斜路!
(功夫館門口,圖中細路係師傅侄子,有一日佢仲拉我去士多買雪條比佢,最後當然冇買比佢啦,之後就抱左佢返功夫館=)
第一天跑得真是很辛苦,而且速度很快。有人跑完回來更是暈了 一暈,有的想吐,可能大概是一早起床,沒有吃早餐的關係吧。
在電視中看見的陳師行道長,終於看見他的真面目,很和諧,慈祥,但又帶點嚴肅,有氣勢的感覺。
這是第一天練功的情況,在馬步衝拳中
還記得當天白白的校服=]之後就....hahaha
這個是撲步,d人叫「攞你命3000」因為要起身再蹲反低,其實隻腳冇痛既時候呢個唔難做,只係腳痛後,我已經完全起不了身。
接著的每天也是早上5點起身,6:00晨跑,跑完就活骨氣功,7:15反去食早餐,說起早餐也是很難食,稀到不能再稀的所謂稀飯,硬硬饅頭,白煮蛋/麵條。有一晚道學課,有人問師傅點解功夫館既饅頭咁好味,於是師傅就答應第2日整多30個饅頭比我地 
真係好味過賓館果d 100倍。師傅真係好錫我地!
食完早餐,8:10分又再集合出發到功夫館,開始早課,頭一星期都係一齊學太極最最基本,踢腿等基本姿勢。
其實d名我唔太記得,等我諗下先...有馬步,左右馬步,撲步,三七步,野馬分踪,推手,正踢,窩心腿,虛步,獨立步......仲有好多ga,不過真係唔記得...
係落雨既早上我地就係呢個後棚
8:30-10:30就係我地既早課
11:30就食晏加反思,跟住至到3:45果到時間就係自由既時間,有人選擇攞黎玩,有人選擇午睡,其實道家養生推崇有午睡既時間=]所以我日日食完晏就訓到3:00喇,直至返到黎HK呢幾日,我仍然都係好自然咁係果段時間訓左...雖然係好,但係HK就唔容許咁樣喇..
有時3:00可以選擇去學校果邊提早練功,亦可以3:45先過去。我地組就試過有2-3次到3:00就過去練。
4:00-6:00再正式開始我地既午課
7:00就開始我地既晚飯,8:10分就要集齊係飯廳等師傅黎同我地上道家課
看到陳師傅嗎=]?
道家課也有不少趣事發生,有人問了師傅一些很私人既問題,師傅又真係答WO,個反應仲好可愛,好好笑TIM。至於係咩問題,就絕對唔會公開嫁喇。
原來陳師傅識開車GA!果下見到佢開車真係好唔MATCH,佢仲話佢會用雲手開車(太極基本手勢)真係好得意呀佢!
話說第一次攞最佳小組,個獎係豬肉乾黎,D人叫豬肉獎=P
6月16日第一次放假,上武當山(南岩,紫霄宮)
    
不少相片在相簿,請到相簿觀看
呢一張叫龍頭香,下面係好斜既山崖,話說D人為左延長父母既壽命等,幾危險都去做,然後就跳左落崖
有冇睇過功夫夢呢?有一幕個景就係呢到喇
記得果日係咁行呀行,趕做TASK多過嘜,其實沒法好好欣賞好山好景...
果一日我企係南岩到望著成個山,心裡有種說不出感動,係果一刻有D感動到想喊。我地一直追求好多物質上既野,卻忽略了世界上仲有好多美好既風景,美好既事物,就係果一種簡單既感覺給予我一種感動。
當我地落出搭車既時候,第一班車FULL左,於是等下一架,果陣仲擔心緊會唔會搭唔到車落山,點知係第2架車就見到寧師兄喇!!!佢上左山採藥,果一刻真係唔敢相信!!!
於是佢就帶左我地去食晚飯喇=] 
係我唯一一次,都係最後一次同師兄同桌食飯
其實仲有機會,只怪我太內歛=[唉....
跟住呢,跟住呢......
黎緊一星期都係繼續練武,話說放假一日後,我左腳條筋定肌肉傷左,之後果幾日就用加腳支撐住行路,跟住幾日後,練伏虎拳太賣力,輪到右腳膝蓋痛,之後就用左腳支撐行路。不過我覺得自己真係好勁,膝蓋痛到咁都繼續堅持跑步同繼續蹲下起身練伏虎拳。其一想睇下自己既能耐去到邊,其二我唔想因為小左練習而連累組員。最後我堅持到!好多謝為我搵必理痛既小丁=]
最後食左幾日必理痛已經開始冇效,唯一靠意志撐落去啦。
呀......遺漏左一樣野
有一晚道家課,師傅話同我地30個逐個影相,然後係相後面簽佢個名
師傅又一cute樣!
仲有之前大師兄走左果一星期,我地比師傅教,師傅果種MODE係完全放逐模式,教完一個動作後就比我地自己練,然後就自己走開左...其實大部份時間都係到HEA,師傅反黎就扮哂野咁耍兩拳。習慣左師傅既HEA MODE後,大師兄幾日後反黎喇...師傅既hea mode不再,隨之而來既係狂操mode...記得有一日朝早第一次有media黎影相,師兄唔知發咩神經,係咁操冇停過,一個伏虎基本步都可以做成7,8次!我隻腳呀!!!
6月22日最後一日係功夫館上堂
果日既朝早,師傅做左導演,當災既當然係我地
 
此兩張為打坐圖,其實咁多人真係幾有氣勢。睇唔睇到我係邊呢?我係右邊第一排第2個呀!
當天下午要考試,繼續練伏虎拳,真係練到好累,好痛!
呢張!!!呢張師兄企係我旁邊不遠一齊練,跟住佢一個掃腿,有力地掃到我隻腳!白色衫既佢前面果個就係我喇!!!
練完之後就係考試既時間,係六組入面選一個最佳武術小組。點知得獎既係我地組!!!,果刻真係好amazing!!其實講真果句佢只係睇齊唔齊
我地既last day就係功夫館4年既校慶,果晚既表演真係值回票價!
亦都係呢一晚...突然停電!我自己一個係rm入面睇緊tv,突然黑哂,完全不見五指,於是我摸黑行出rm門,結果係短時間內唔會有電供應,可憐既係有d仲係rm沖緊涼,比著我一定嚇到傻! 酒店staff派躐燭,心情終於舒緩反d....係燭既陪伴下,我就訓左喇。
6月23日,原來係上金頂,但係太大風雨,最後都冇上到,改成重遊南岩
係大風大雨既情況下加上又腳痛,其實冇咩心情行。
有趣的是,見到寧師兄一路行一路攞住支斧頭採藥真係好好笑
向師兄仲叫佢:「你在幹嗎!?」
寧師兄答:「你很煩!你們走呀,我有我採,你有你走的。」
佢兩個真係好搞笑,哈!
係果一晚...佢地黎左賓館食飯,食完係到打籃球,兩個又係打得好好笑。
6月24日,要走喇.....
真係真係好唔捨得佢地!!!
係食晚飯既時間,由於我同fans club同桌,所以知道寧師兄打左比佢地,向師兄仲話寧師兄下午聽海闊天空聽到喊(海闊天空係我地當晚校慶所唱既歌)
其實聽到果下都幾心痛...
不過要走的始終要走.....寧師兄我等你下午黎hk!!
再見武當師行功夫館!!!
|
