今日破天荒地無返到學....
今日應該係咁多年來,我第一次在亳無理由ge情況之下唔返學....
但係下午我就悶左成日,因為視力問題,我全日都無乜留意時間,
本來諗過下午返學ga~~但係.....
最終我睇鐘果陣,先發現已經成1點8 la~~
又無得返....算la~~
跟住我就係屋企睇晒成本哈利波特....但係時間過得真係好慢...
我睇完之後連3點都未到....無奈.....
後尾都唔知係度做乜好....

總的來說今日真係好無聊.....
心情都唔係好好....
部電話整唔番....心痛........
相機又壞埋......唉...........

呢幾日都想上來打日記ga~~但係無奈自呢個網站update左之後就好唔穩定...
成日都上唔到....搞到我無得打~~

講番尋日先,
我又係成7點9先出門返學,為左可以早d返到學校攞書,咁我就加快左腳步la~~
返到去都係8點左右咋....haha~~~good!
今日d堂都尚算沉悶,上中文堂果陣真係好想趴係度訓,但係又唔趴得...
因為會俾ms 鄭鬧ar ma~~
lunch同vicky出去買包包食~~~好味!!^^
我地食晒野都係一點2左右咋....
咁我地見無乜野做就入左厠所傾計la~~
我地依家真係越來越鐘意係厠所傾計,貪佢夠靜....haha
又可以做其他違法ge 野wor....good!

英文堂做過d乜呢?我都唔記得lu....因為我都唔聽佢講野ge~~
chem堂就聽左陣書,跟住都係同vicky傾偈la~~~

放學係最開心ga~~haha~~
放學陪vicky返救恩,今日係救恩ge open day ar ma~~
所以我就趁機入去參觀下la~~
去救恩前,陪vicky去搵左佢阿媽先,跟住佢又話上band房探一個人,
上到去真係嚇親.....話說我地一上到去就聽到有人係度打鼓,咁我地一打開個門,
果個竟然係旺華.....真係估都估唔到wor~~~haha~~~

跟住係果度玩左一陣,就出發去救恩lu...
果度ge 設計真係同何中差唔多,但係感覺上就比何中好好多law....
係果度望過去何中,見到d人係度打波,但係我依家真係完全唔想入去lu....haha

我地玩到5點半就走la.....
返到屋企,又發生左件事,就係我見到有隻小貓係我屋企門口個位...
我一開門就俾佢潜左入屋......=.=""
後尾咪唯有同細佬合力捉番佢出去law~~

補打番呢幾日ge日記先....
不過其實都無乜好打,日日都差唔多ga la~~

前日就來左個新ge阿sir教我地oral la~~佢講英文真係好fluent,成個外國人咁...
但係佢又唔係外國人來ga wor...因為佢同我地講純正中文,我地仲發覺佢真係成個'wet'boy咁ga~
好可愛......haha~~~~

尋日.....無奈law......唉......
破左我戒...終於俾人記左個缺點la.....破壞晒我ge好好學生形象...
早知唔攞出部電話來la~~~~

跟住最後2堂去禮堂聽講座....關於捐血ge~~
今次終於作出左一項重大的決定....就係.....捐血la~~~
今次真係第一次......講真....都驚自己到時唔知會有d乜反應....
見住自己ge血離開自己ge身體.....唔知會係d乜感覺ga 呢?

今日都係咁啦....無乜特別~~

講番尋日先......
下午我依然都係2點半就去補習la~~
本來已經決定左今日會留低練oral,但點都估唔到阿sir今日會唔free,
又唔使練lu......我已經無練3次la~~
再唔練真係會俾阿sir"炳" ga la~~

補完返屋企休息左一陣.....6點半就出去lu....
join埋佢地就去粉嶺la....今年依然係逼爆....
不過都玩得幾開心....haha~~
仲搞到我地四周1米ge地方都無人敢企....haha
咁樣都幾好ar~~~
後尾因為d人太高la...搞到我地要輪流騎"膊"馬咁ge款先睇到...
但係都幾過癮......
今晚又知道左d野,俾人威脅....好慘........早知唔問佢la~~~後悔中..........

今日就因為遲左起身,遲左去自修室,搞到無位.......
同雅行左陣大中.......跟住因為有d事,所以就各自返屋企la~~
下午就去左踩單車......幾好玩ge....
但係後尾就狼狽左少少......haha

岩岩睇左哈利波特火盃的考驗ge預告....

好正ar!!!!!遲d上畫一定要去睇la~~~

前日放假la~~約左d fds去打羽毛球,今日依然係唔多想郁,所以發揮唔到水準...
不過都幾好玩la~~
去打羽毛球前發生左d事.....真係有少少嚇親ge感覺,估唔到會係咁......
依家都唔知點好....唯有見步行步la~~~

尋日心情好好,但係係好到無心情聽書果隻...上午還好,
但下午真係完全唔掂....所以3堂課都係度同人sms咋....
放學前有人叫我去踩單車....不過最後都無去...
一來無乜錢...二來今日真係唔得閒....
因為要幫媽媽預祝生日....
我請媽媽食pizza~~haha
但係就係咁,我辛辛苦苦儲番來的錢錢就無晒la~~
不過都值得ge....錢可以再儲過啫......

遲d李慧miss結婚la~~因為我要去觀禮,所以依家都煩惱緊送咩禮物好....
睇來今個星期又要節衣縮食la~~~
不過都好期待果日ge到來...
因為可以同番以前ge同學仔影相........
依家諗番轉頭真係好後悔以前唔影ar....

今朝都係晨早起身la~~諗住去自修室溫書...
出門前60打來wor....原來佢地都去.....
咁我後尾就同佢地一齊la~~~haha~~

好快就到萬聖節la!!!
估唔到今年咁多人叫我出去玩.....
又露營,又去d乜乜俱樂部度食自助餐+扮野party...
樣樣都好鬼貴....所以....全部俾我推晒....wakaka~
不過都好鬼開心ar!!^^

今日又計數計左成3堂,相信好快就可以搞掂微積分ga la~~
但係如果日日都咁計法,我會想死ga lor~~haha~~
小息之後本來中文堂要小測ga~~
於是我地都好緊張咁係度溫la~~
但係開始上堂之後過左好耐下都唔見Ms鄭上來...
原來佢今日病左請病假......
我地成班人一聽到呢個消息,即時開心到大叫出來....haha
個代課miss都嚇親....搞到o係度同我地講番佢ge經歷,
話佢以前讀書果陣都試過因為有個老師無返學而成班都好開心,
但係3日之後,個老師竟然死左,所以佢地就變到個個喊晒...好傷心...!
聽完呢件事之後,我地個個都開始靜番少少,有d人仲話:"ms 鄭應該唔會ge~~"

跟住ge空堂我就做晒amaths d 功課la~~
後尾唔知咩事,坐我後面個男仔胡菲竟然剪左我少少頭髮....無奈....=.=
咁我就好順手咁拎起佢個筆袋向垃圾筒扔過去....
估唔到.....竟然入左wor......haha
全班又即時起哄...拍晒手咁...
haha~~果陣個場面真係好好笑.....笑到我連眼淚都bill埋....

lunch又係同小華,旺華食,今次係去大家樂,本來諗住食肉醬意粉ga ma~~
可惜無wor~~too bad!

跟住果3堂都係咁la~~無無聊聊咁....haha

放學行返屋企果陣....係屋企樓下見到一個類似60 ge物體....
不過我無同佢打招呼....

今日係最得閒ge一日....
朝早有1堂空堂,果堂就係度做自己野la~~
但係俾個阿sir逼我地做一張中文工作紙...無奈!!
我同佢講話睇完份報紙先做,但係俾佢拒絕左.....搞錯!
不過算la~我係好學生來ga ma...唔會同佢計較咁多ge....hehe

跟住落來ge兩堂英文,繼續做自己野...haha~~
睇份明teens,好正ar!!!!越來越鐘意睇明teens la~~haha
but睇完都仲未落堂,所以就做listening la~~

小息過後,中文堂都係聽Miss講番范進ge問答....then做補充同埋對答案~
maths堂繼續溫amaths....haha~~依家都溫到Integration lu....good!
好快就可以搞掂第3本書la~~~呵呵.....

lunch好孤獨地要自己一個食....因為Vicky要去人體奧妙展,所以陪唔到我食....
too bad!!最衰我唔係修bio,唔係ge話,我都有得去la~~
不過算...係學校都唔錯.....下午果3堂都算係空堂...自己做野....
第一堂就計數,溫書....第2堂就落左去睇人踢波,第3堂都係教下人數同埋溫下中文咁!!!

放學之後好開心ga~~因為諗到等陣要返何中ar ma~~
但係返到去就後悔lu.....嚴重影響晒我d心情....哼......
我決定以後都唔會再返ga la~~(如非必要的話)

後尾等埋yanyan就一齊行番屋企la~~~haha~~

今朝同平時返學咁早起身!約左Angi,Vicky佢地8點3,
但我同Angi就約埋一齊行去大中join佢地,所以我地就約左7點10.....
真係好早下.....好在尋晚都算早訓....haha!!

估唔到75X咁多人,晨早樓樓就幾乎滿座.........
去到鑽石山先8點9....真係超快!!
志蓮淨院真係幾靚下....haha~~
我地係果度玩得都好開心....haha

跟住去荷里活行左一陣就去沙田la~~
去無印行左陣,跟住就去KFC食野...
今日食左個$128 ge 桶餐,好正!!!

跟住就行去萬佛寺....
今次就辛苦好多....因為要行好多樓梯.....
上去果陣仲要俾d佛像嚇親...因為真係幾恐怖下....haha

行完萬佛寺就散lu...
我同Angi,Vicky去左宜家行,haha~~好舒服ar!!!!

p.s:今日影果d相,大家可以去我ge相簿睇....
http://www.pixnet.net/thumbnails.php?album=788818

今日好白痴地....帶左杯麵返學校做lunch~~
點不知......無熱水wor....too bad!
尋日d同學仔又話可以問小食部d人攞水ge~~可惡!!
後尾就同vicky一齊出去買bread食la~~

lunch之後果3堂都無乜做過.....

放學之後去左自修室溫書....好慘ar~~
下個星期連續測中文....想死........
仲要係3課幾乎連續咁test~~~~

依家淨番聽朝得閒溫咋....my god!!!!
一個上午點溫晒咁多野呢?!
遲d唯有連夜晚都要豪出來la!!!