今朝9點左右去到綜合大樓度等番茄,
但係等到9點3佢都未到,咁我就打番電話俾佢and 自己上去先la~~
上到自修室.....真係嚇親,晨早樓樓都就來爆滿la~~
就當我坐下來同埋幫番茄霸左個位之後,過左無耐,自修室就爆左la~~
唔少人都要係出面等位....好慘!!
但另一方面,因為雅仲未來到,所以我又驚個位會無左wor...
so就拿拿淋sms叫佢快d la!!

跟住無幾耐佢來到lu...總算可以安心咁去溫書la~~haha
之後真係好努力咁去溫書.....雖然溫左都唔係好多,但係都幾滿足ga la~~

4點幾走左lu...返屋企擺低書包,又出去lu...因為約左kate飲野~~
同番茄經過政府合署紅橋果陣,見到個伯伯唔知做乜訓左o係度,都幾多人圍觀,
但係好似都無人理佢,淨係睇熱鬧咁睇....
跟住我同番茄就行過去問佢點,使唔使幫佢叫白車咁la~~
咁佢話要....咁我咪打999 lor...今次係我第1次打999,好緊張...haha
而且又唔知點形容果度係咩地方wor...好采最後佢都聽得明....
就係我地等救護車果陣,有個男人過去扶起個伯伯去公園d chair度坐,
又有d師奶同我地講:"其實你地唔使理佢ga~~佢食白粉ge"
果一刻真係唔知我地報警係好事定壞事lor.....
不過算la~~我地都係唔忍心見到佢一把年紀,訓係度,唔舒服都無人理je~~
咪當自己做左件好事lor~~

但係因為咁搞到我地遲左到....haha~~
跟住就同kate佢地去大中行左一陣,去許留山飲野and 周圍行下,傾下計咁.....

7點幾先返到home law...haha

岩岩睇番d同學錄!好正ar!!
諗番起好多之前大家一齊ge片段,於是,我先發覺我呢排好似真係諗多左!!haha~~~
睇完本野十分開心,原來我係大家心目中ge形象係咁good ge...
放心la~~我會keep住ga la~~^^

講番今日先.....hehe
今朝晨早起左身lu....因為尋日唔記得還書,所以今日就要9點前去到library還la~~
咁先可以慳番d $$ ar ma~~順便又可以去自修室溫下書咁wor!!very good la~~
但係唔知點解,今日溫溫下,大約11點la~~發生特別事故wor!!
無拉拉廣播叫我地執野落樓,唔好搭lift咁.....
真係俾佢嚇親,好采........最後都無事.....haha

咁我溫到1點左右就返左屋企lu.....
跟住成個下午都係度煲牒...."戰神"

今朝本來諗住訓晏d ga~~但係依然都係8點醒左訓唔番....唉.....
所以就呆左成4個鐘la~~不過都有做下正經野ge....
例如做下功課,執下屋咁la~~

跟住11點幾就出去lu....
去到九龍塘都只不過係12點半左右....距離講座ge開始時間仲有一個鐘wor~~
咁我地就周圍行下咁la~~
然後等埋林卓輝就去講座會場lu~~~

係果度連續聽左3個幾鐘.....由1點半聽到5點.....
maths果個真係廢廢地......無奈lor....
但係bio and chem都ok ge~~
果2個導師係New Certificate果本野ge作者來ga wor....
chem果個講野幾好笑,把聲仲有dd似謝鎮~~

聽完就去左又一城行左馬莎同埋一間類似"city supper"ge野....
跟住走左上去睇人踩冰....俾個阿伯笑鬼死ar~~~wakaka~~~

俾d相相大家睇la~~haha

今朝遲左少少出門,成7點10先出去咋....
好在都遲唔到到....haha~~
岩岩踏進學校果刻就打鐘lu....真係好采la~~~

今日頭一堂係班主任堂,所以呢一堂就變左做我地ge玩樂堂la~~
後尾老師又播左一盒我地rec ge孔乙已實錄,笑到肚痛咁濟....haha~~
不過大家都做得唔錯ga la~~
但係聽完miss後面ge說話就真係笑唔出.....
因為佢話要將我地d帶係全個F.5度傳播.......
咁都不但只,佢仲話要爭取係lunch時間播俾全校d人聽.........too bad!!
真係勁無奈!!!!

今日test physics~~
但係由於我未溫晒....所以.....
最後我都要變做中文作答.....真係十分悽慘!!

跟住Maths又要統測,我都係臨測果刻先知....
由此可見,我平時真係完全唔聽書ga~~haha~~
但係都唔係太難啫....最難都係畫locus 果part,
我畫岩左,但係就唔識描述.....
所以阿sir經過見到都係度笑我....
可惜果陣我唔知佢笑d乜.....haha~~~

lunch去左Angi屋企食飯,好正ar!!!有BB玩!!hehe

係咪好得意呢???haha~~

放學之後就即返屋企lu~~~好sleepy ar

今日返學都依然係咁la....不過不失!!依家真係好似堂堂都唔使聽書咁濟.....
除左中文,因為成日都要提心吊膽,驚俾人問問題~~

放左學之後同fd一齊出左大中buy野~~
跟住就返屋企....因為行行下街知道今晚要出大尾篤BBQ,
所以拿拿淋buy完就走lu~~haha

今晚岩岩出到大尾篤果陣,好少人咋....
但係越燒就越多人......真係十分熱鬧!!
後尾仲來左一大班青少年來bbq and 觀星!

我地b到10點左右就走lu....haha
我依家先醒起我好似唔記得同佢講生日快樂tim!!!
too bad!!!!><

每逢星期3,我地最後果兩堂都係活動堂...
今日我地上完佛學堂,同個靚靚Miss傾完我地份project會做咩主題,
同埋傾左幾時出去參觀d寺廟就要返番自己課室等宣佈落去投票lu.....

今日係學生會選舉ge大日子ar ma....我諗多數都係"黑牛"當選ga la...
因為佢地真係深得"民"心!!haha~~~
跟住投完票,返到課室又繼續傾班衫ge野....
我地件班衫最終都係決定左用海藍色...好正ar!!^^

放左學之後去左apple屋企錄音,
成10個人上左去佢屋企ar!!因為我地聽日要交個錄左孔乙己果課書課文ge錄音帶俾miss~~
haha~~好好玩!!!大家都係度扮聲,又玩野咁~~~good!
整到成6點鐘,係apple home坐多陣,佢阿媽一返就走lu....

本來今日諗住出自修室ga....
但係由於出現左一d問題,所以最終都取消左....
咁我見無乜野做,就返左教會la~~

今日教會意外地多人wor....
我諗都應該係因為今日係堂慶ge 關係je....
同埋今日都幾多野睇,無平時咁悶...
d細路好得意ar!!!!!

下午都係o係屋企睇牒.....good!!
又睇完左一套台劇la...感覺好正.......
聽日難得有人約我食lunch,真係太開心la!!^^

越來越憎班入面某1個男仔!!佢真係好鬼煩!!!
越來越唔妥教我地英文個老師,佢真係好煩.成日都講埋晒d低能野...
一篇comp都可以講足一個禮拜.....痴線ga!!!好想jot左呢科來自修ar!!
尋日,班入面又多左3個repeters,睇來我個寶座要讓出來la~~haha
今日,上英文oral 堂,做discussion果陣,發現多左果3條友真係好唔慣,
搞到我地無晒表演ge機會.......!!!!!

今日ge PE堂依然係無得上.......2個禮拜la~~~
呢2次ge空堂都對住個咁ge miss.........唉......
成日逼人睇d無聊野,跟住又要答番佢d 問題wor.....
玩吊頸遊戲又出埋d 勁淺ge生字.....
仲係度大聲咁同我地講佢依家讀緊英文ge 博士wor....
仲要次次來親上堂都講1次.........又係一個字"煩"....

呢排放學都係學校逗留到成6點鐘.....
首先就係因為做project la~~其次就係溫下書咁law.....

係呢個班讀得越耐,我就越發覺我地班有陣時真係幾似K房,
d人成日都無拉拉係度唱歌......不管是上緊課或是小息,放學.....
我地班......上堂果陣又會顯示出佢地團結ge一面.....
為左d小事會叫囂,同老師們討價還價.......
放學後d人唔會即刻走.....即使到左4點幾5點....都仲有10幾20個人係班房度玩....
呢一方面感覺真係幾正.....
可惜何中唔會見到呢d場面....haha

至於日記板上近排ge悄悄話我唔回覆la~~
因為一回覆,其他人就會估到入面ge 內容.....費事la~~^^
不過睇左d留言,心情都好左少少.....
原來......d唔開心ge野,係要講出來ga~~
擺係心入面不但自己會唔舒服,別人也不會知道你心中所想,
更別說作出任何改變.....!!!!!

睇番日記....我咁耐都無打過日記,個日記板就靜足咁耐.....
真係幾偒心下......

再諗番自會考放榜以來咁耐,身邊對我好ge朋友仔真係得好少....
放榜當日,個電話除左用來打去學校度問收生情況,就一直無響過...
果陣我一路係度諗:"究竟係咪平時我做得唔夠好呢?點解好似無人真真正正咁關心我ge?"
呢件事對我ge打擊仲大過會考個成績.....
我都明白ge.....各人都有各自ge 煩惱要解決...大家也需要時間去平伏....
但係會考放榜過左日,除左大光ge朋友仔會打俾我問下我ge近況之外,
何中果d.............唉......................
對於呢樣野我真係無話可說law!!!
升到果d就自己走左去慶祝la~~~對於果d真係份外心淡.....
而未諗到自己前路果d就梗係為左自己去努力ga la~~
對佢地.....我都無乜ge........我都真心希望佢地可以盡快'拍岸'law...

相信大家都察覺到我近排好少主動咁去搵你地la~~
因為我意識到.......係你地心目中,我maybe并不是你們所承認ge 好朋友....
只不過係閒來就一齊出街,一齊玩果d......
每當諗到呢d,都幾唔開心ga~~~話晒大家識左咁耐,都成2年la~~又一齊經歷過咁多野......
應該無理由會變成咁ga wor...但唔知點解,我對你地ge信任度真係低左好多...有時甚至會唔想同你地接觸咁多....
我都唔知點解我會咁諗.....但係我猜測呢個結果係累積起來產生的!由平時出街,一齊玩之中所產生的不快,逐少累積而成....

我始終希望平時都有人主動關心下自己....唔係淨係得我作主動law....咁樣我會覺得自己好似傻婆....淨係得我想努力維繫大家呢2年來建立ge感情咁.......就好似本來我諗住約你地食lunch,已經約好左時間,但係最後都被迫要取消....我明白你地F.6係會有好多野做,唔係好似我咁得閒.....但係.........聽到呢個消息,始終會有打擊law....本身滿心期待著friday的我,最終都因果個電話,好似成盆冷水潑落來咁........唉............算la.......以後我都費事約la~~~免得又讓自己失望...........現在的我已身心疲累......我唔想再為大家所謂ge友誼作出附加性地付出la~~~
但對於我重視ge友誼,我依然會努力維繫ge.......友誼并唔係單向ga lor.....為左消磨時間或某d目的來同人做朋友,呢d并唔係我想要ge友誼................算吧..............唉!!!!!!

以上呢d說話,相信好多人都係第一次看到.......又或是我第一次表達出自己心中依家對你地ge感覺......
我很想維繫,但係真係無能為力.......對於之前我講過ge野,我也没有否定ge意思....但係人睇野都係會由多個角度去睇ga la~~之前我講左好果面....依家咪講下衰果面law~~~

開左學咁耐,係慈航無話好定唔好ge......朋友方面.....好朋友,我認為值得深交ge朋友真係無乜.....我唔知係咪因為大家唔夾la~~大家平時一齊都係為左食lunch有人相伴,不至寂寞咁je.......對於d老師,感覺上比何中好......因為佢地比學生本人還要注重我們的成績.......所以向我們提供很多額外ge教學.......而教數學果個老師又好鬼得意....haha
成日都俾我地窒,但係佢又唔發嬲,仲叫我地放學留下來溫書....有唔識就即問佢....好正....!!!!^

俾tim tip左.....

我d傻野?好似有好多ga wor...

1. 記得有一次打電話俾人,竟然搞錯左....唔明?
   即係好似我諗住打俾yipyip,但係打左俾yan,再話"唔該,xxx"咁囉....
   真係勁瘀......
2.成日扮傻lor....haha~~其實都幾好ga...咁樣可以逃避唔少煩人ge 問題
3.有時知道自己講錯野就會係度傻笑,掩飾羞態ar ma!!^^
4.細個果陣會同細佬一齊玩barbe 公仔
5.係無野講ge dead air 果陣,會郁手郁腳,因為唔想咁悶...

講住咁多先la~~~講得太多唔係咁好ge....hehe