我又好難得咁打返啦~~
好啦...講返之前去露營先~

經過我多次既思考...我始終都係有去尼個童軍大露營
就係30號既朝頭早....我好辛苦咁係6點鐘起左身(果晚點幾先訓)
咁就搞搞下..我8點幾就到左北潭涌啦~
打比阿sir...原來d車已經走晒==
以為返返屋企啦....點知阿sir話坐的士入黎(佢比)
入到去...原來我唔係叫何俊賢...我係叫黃忠康
入到去...都唔係好凍姐~~(果時覺得)
入左去之後仲玩左攀石...整巾圈...仲有最刺激既Big2(同營的朋友最清楚^ ^)
到左夜晚...先發覺原來尼到係勁凍...勁凍...勁大風
沖涼果時...先發覺超正..凍水再加上寒風係咁正架~~

到左31號...大致上都係冇咩做...繼續玩史上最刺激既big2
到左夜晚發覺原來個cookset得個兩個煲==
好彩最後都煮到~~
之後又係big2既時間
最後就出左去倒數....天寒地凍...不過個個都好開心~~
尼晚仲要有宵夜食...勁正~~
結果我地就點幾訓左~~

到1月1日..尼日4點9就起左身就係為左睇日出
但4點9起身原來就係要行去睇日出果到
去到果到等左陣個天都光晒...就係個個都覺得佢已經升晒既時間
佢終於升起啦...真係勁令~~
之後7點到啦...我就同翀翀做晨操
跑返去營地...趕住返去食早餐
之後就汁野啦...走返出尼個文明社會

出返黎果時....發現個個都紅晒塊面
個個都吹都紅晒...又眼訓
大家都累了~~
返到屋企之後...zzzzzzz