| «‹ March 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |
|
|
2006 年 6 月 8 日 星期四  |
| 不了解... |
今天起,我將會用書面語繼續這個日記.
原來...我一直都不了解...
我不了解彭彭日記的背景音樂真愛原來是純音樂...很好聽,我一邊聽,一邊想了許多事...
我不了解他...原來我一直不了解他...是一直都不了解..多令人心痛...為一個不了解的人付出了淚水,心和最最寶貴的時間...
或許上天故意讓我今天才知道這事...恰巧我不用再傷心,因為昨夜確確實實放下了...惋惜的是,為這樣一個人付出了八個月!!了解嗎??是八個月!!老天真會作弄人...他原來是如此的一個人...簡直可以用流氓來形容他...一而再,再而三地玩弄別人的感情,難道是這樣的有趣?跟我同桌時,他還故作深情的告訴我他的唯一情史....原來是有3個...現在想起來都噁心....
他最喜歡騙女人??不是吧....怎麼看也看不出來他懂騙人啊!!肥joe...奉勸你一句...也許你也被騙了,也許他才是最強心計王!!
算了!!不說了...反正我也不太在乎...不過話可照說,fd可照做...我當不知道算了...或許人人背後都有不想要的歷史...
今天...還有件事挺傷感...i.s.下課的時候,梁sir說...這是的們最後一節了...我聽了,鼻子酸了,真的好想哭...好想叫:怎麼時間不等我??眼都沒眨完,中一竟就過了...1e也要散了...中三的時候我們整個1e再同班,再讓梁sir教的機會何其小呀...就算真能這樣...又怎樣??我們整個人到中三時肯定也不同了許多許多...誰能保證:我還是我??對,沒錯,你還是你...不過,你已是另一個你...
今天還作了一首詩...不過..好像沒人能看懂...這是不是證明...我對朋友敞開的心...還不夠多??我也不知道....我放上來..有興趣猜猜我想表達甚麼的...請留言...必覆!!
〈迷〉
晃動的人影在四周浮游
高樓大廈搖搖欲墜
方向逃離 時間停駛
盡在這光怪陸離
無盡頭的大街
灰寂的小巷
該怎樣選擇迷離的去向?
領航的街燈失靈
被指引的你拋棄
我掉下懸崖
沒有發出聲響
|
|
刊登時間︰2006-06-08 08:22 PM [ 訪客留言(5) ] [ 編輯日誌 ] [ 分享至FACEBOOK ] |
|
2006 年 6 月 2 日 星期五 |
| 簡單... |
近來煩事一籮籮...都冇心機打日記...話咁快,1E就快要散la....學期一完,我地之間既交叉點又會唔會解開呢?交叉點解左...我地之間千絲萬縷,錯綜複雜既關係又會唔會解得開呢??我地既今生既緣份係咪到呢度就盡呢?
人地既事,都係唔好理咁多....一直以為,佢係最無知既...卻忽略,時間比我多,經歷點會比我少...估得冇錯,最為刻骨銘心既,就係佢~我唔知,唔明,亦唔想知,唔想明!!有邊個知,我呢段時間係點過既....
佢又開始唔知做咩...對我好好....我應該有咩反應...受過傷(可能應該講冇機會俾我受傷),我又點可以忘記到o個種感覺?我用左好多好多時間諗...究竟我而家想點...想知自己想點,都唔易架!!諗諗吓...搵個好男人好難,可能我唔係一個好女人掛...點解吖???
我好想問!!點解屬於我既每一個結果都係咁?點解永遠都係timing唔岩?我唔知佢點諗la...總之我希望乜野都唔係!乜野都唔係,我就唔駛諗咁多野...我寧願要一段被人傷害都係清清楚楚,痛痛快快既愛;我都唔想要拖拖拉拉左咁耐先有結果(即使係好結果)既感情....佢一d都唔了解我...佢唔知我點諗...我地係兩種人...係冇可能既...係o個種即使相愛都唔會一齊既淒美感情...咁都幾靚吖...
肥joe話:當佢想溝你,你唔受溝又可以做fd咁囉~我覺得好似成日玩我,點解d timing時時都要錯吖?如果o係同一個時空,我地交錯既話,會唔會有一粒星為我地閃呢...如果我地一齊左,而家又會點呢?如果呢d如果全部實現哂,又會有咩變化呢?點講都好la....我同嫻姐一樣,只想要一個專一既...如果自問唔得,唔好黎煩我...我愛你唔起....
嫻姐:快樂就好!!不要顧忌這麼多~....我一直都係想同你講呢d野,本身仲叫你要小心唔好做令自己後悔既事....而家我覺得...總之呢一刻咁就咁,遲d後悔遲d先算!!你得既!! |
|
刊登時間︰2006-06-02 09:21 PM [ 訪客留言(0) ] [ 編輯日誌 ] [ 分享至FACEBOOK ] |
|
2006 年 5 月 13 日 星期六 |
| 超爆開心!! |
嘩嘩嘩!!好開心呀!!今日去左玩呀!!由尋晚開始諗....究竟點樣可以唔駛帶咁多野但又可以拎到D便服去換呢..(我指中樂)結果今朝起身,就諗到可以蛇王一次~本身都覺得自己好賤...為左玩,竟然可以唔返中樂...不過...我一向係個賤人,所以結果都係冇去到~呵呵~
食吓早餐整吓野...就差唔多夠鐘...但D禮物仲未OK...就用左30mins黎寫信俾方A同彭彭,兼整左好靚既信封~呵呵~仲用埋simple is the best o個兩隻黑白豬既花紙黎包~唔知佢地鐘唔鐘意呢...跟住就出左門口...去到大會堂,等左一陣...d男仔就黎哂...爭佢地絃個中樂友...即係彭彭,嫻姐同欣...terry個look真係成個mk仔囉~只不過佢件tee係鬆身,如果係緊身既話,我會叫佢大佬囉!!肥鋒就着到成個eugene咁...大佬呀!!我表弟得6歲咋~紅色類似波衫,加一條唔知3定4個骨(唔識分~)總之係去到小腿既一半,加中長襪加波鞋...嘩...好救命!!都係肥joe最正常!!xxx唔黎得...肥joe話佢想喊咁....話佢呀媽唔俾超過4點返....oh my god!!咩年代呀...至於d女仔....4個字:冇野好講~
我地等到1點到la,d人就齊哂~之後就搵地方食野~去左酒樓,fruit,m記,kfc,pizza hut等等無數咁多間...都係爆哂~之後去左珊瑚堡~卒之有位....我地3男7女咁....都真係幾係野.....我地食到miss左個睇戲時間...so就用左幾近30mins討論去邊...去碌ling la,去唱k la,去打波la等等都因為種種原因被否決...結果去左o個間屯門戲院再睇,正如尋日既資料搜集,係冇場岩睇&好既~又用左近30mins討論....到決定去新墟唱k時...肥joe話左樣野我地知...就係佢有個fd3個人去唱,出黎要俾6個人錢,佢地問why,原來閉路電視影到有6個人攬住一齊唱.....好得人驚....肥joe仲講左一d佢以前住o個度o個d野...真係好恐怖呀!!
之後都係決定去...冒險樂園!!我地又用左5-30mins研究d幣應該點買....呢個時候,我地發現原來肥鋒有會員証...呀!!!好傻呀!!!最後..我地都係買左好多黃牛幣...$1有1個,買100個送8個,我地十個分左2 group一人20個...跟住去玩....肥鋒好小器,我o係呢個時候覺得佢同xxx好似!!連一個幣都要呃我!!好衰呀!!我地分散哂玩唔同既野...佢地個個有好多飛既時候我都仲係一張都冇~之後我去玩o個d入一個幣推跌其他跟住有飛出o個d,跟仕推跌左好多好多!!有幾多飛出~但佢地有更多!!佢地玩o個d入到幣落6個窿就有300張飛o個d,仲有好多次都得左!!之後我地玩到high哂~又1人買多$20....又玩過...之後發現肥鋒真係好衰!!竟然連兩張飛都同我計...唉....不過玩o個d game佢又幾有腦...聽佢講都會有d飛架~我地成班人去數飛o個部機度入飛,有4466張呀!!!!由細到大都未試過囉~超開心呀!每多1000張我同呀姿就尖叫,好high!!!
跟住又係我地兩個係度揀野食~齋換野食~but換左個樽俾方A....換左好多好多野食呀!!所以就去左聖安娜門口d茶座度,但我地去左maxim's度買西餅~so都係過番去maxim's d茶座...食食吓..有d屯門市廣場d好靚既姐姐黎派母親節汽球俾我地...嫻姐佢地要同人地影相喎!!!=.="開餐之前我地又勁影低d野食...好多呀!之後就開餐la~食食吓,肥joe話肥鋒成隻沙皮狗,跟住肥鋒好,係極氣定神閒咁講:「沙皮狗邊有我咁靚仔呀~」哈哈哈~笑到我就快變傻呀!!估都估唔到佢咁得意囉~之後有包糖跌落地,我好本能咁嗌:哎呀!我包糖呀!!佢又係o個個樣,跟住講:「跌左咪跌左囉~執番咪得囉~嗌咩啫~」跟住幫我執番~
食野o個時好大風,成日吹到d波飛走,我地就傻左咁係咁追....總之今日就好開心la~係好耐都未試過呀!!yeah!! |
|
刊登時間︰2006-05-18 09:30 PM [ 訪客留言(0) ] [ 編輯日誌 ] [ 分享至FACEBOOK ] |
|
2006 年 4 月 26 日 星期三 |
| 今日正到暈!! |
好開心!!請左假去第3屆全港學界專題錄像比賽做MC!!!!唔係multiple choice呀!!哈哈~~
同平時一樣咁早起身~但係一d都冇死唔肯起身~~呵呵!!唔使返學好開心!!沖左個涼~成身舒服哂~之後就去M記同鑫鑫同彤彤食早餐~行到一半佢地打黎催我~個鈴聲係羅家英既搽飛鷹活絡靈油...跟住俾人惡睥喎~好想問佢係咪唔gur我搵到個咁正既鈴聲~~^^食左魚柳包餐之後就搭969去到灣仔之後轉地鐵去到西灣河~一出個B出口隔離就係個西灣河文娛中心,搵都唔使搵~
一入到去,Ronald就企左o係度迎賓~~之後就同我地入去....跟住等左一陣就有得著件好鐘意既大會t-shirt!!!本來我係S,彤係XS,鑫係M la~點知冇哂S,so我有得著M!!!!yeah!!!我一向鐘意著大d la!!之後就練稿~好辛苦呀!!一直係咁練,練到1:00先可以食飯呀!!!不過中途都好好笑!!!石少有一part要唱獅子山下既幾句既~佢又上唔到高音喎~成日坎音,笑到我癩尿呀!!Ronald就叫佢唱到最高音o個陣就低8度~超怪喎~Ronald仲要o係度示範先最好笑!!笑到我同林彤吖~~
之後d學校陸續黎,就係我地開飯既時候....去左搵小學....傾左陣..就要同d學校一齊rehearsal...都唔錯...最衰就係俾英華小學個老師鬧!!佢地d動作好慢....話明rehearsal只得1min演出同1min片~佢地就搬野搬哂o個2mins....咁我就出去宣佈下一隊~跟住條友大大聲話:錯左呀!!!係第3隊英華呀!!!跟住我話:你地夠鐘la喎~佢仲大聲:吓??咁就夠鐘la???有冇搞錯呀??呢個咩rehearsal黎架????係咁o係個台度問我....我向Ronald以眼神求救~佢就用眼神講:唔使理佢~繼續~~^^呵呵~跟住真係冇理佢~佢只好勁無奈咁走左.....
當我地仲o係後台玩緊既時候,就夠鐘開show...即刻衝去stand by....好緊張.....隻腳震到傻.....跟住落黎就係一d o係個show之間既好笑野~彤掛住望八神搞到講錯野~~^^八神係一個評判,後後生生咁,都幾型~~人地上台頒獎佢就好似前世未見過男仔咁...卒之講錯野~~哈哈哈~~仲瘀既係我!!!!!聖保祿有3間入左,頒優異o個時我就話:聖保祿學校喎~係邊隊呢??俾d反應la~點知...冇人俾反應....個hall仲要靜到冇人有....我頂!!!勁樣衰~~唯有自己兜番:既然你地唔俾反應....咁我都係照番稿讀la~唉....好瘀呀!!
放左之後就同Ronald影相~~好靚呀!!做左電話wallpaper~~講左咁耐...其實Ronald係呢個show既director...係佢train我地既~~我超欣賞佢becoz我覺得佢好叻!人人做咩之前都要問吓佢咁滯~但佢依然可以好平和...比著我..肯定覺得超煩!!!發哂嬲!!!佢仲可以o係幾個人一齊叫佢既時候同時答到唔同人唔同既問題~~勁到傻!!影哂相我地就想跟小學車番~點知勆班女仔,由2-6年班,都衝哂去問八神拎簽名....起初我好無奈....心諗:乜咁kai架.....後尾,我同林彤都kai埋一份,合照又聖咁...
諗住走la...點知八神o係門口,又成班人纏住佢....勁影相.....我用電話影o個幅唔記得左save呀!!!!!頂!!!搞左半個鐘...係半個鐘!!之後上車,先發現用電話影o個d唔見左....得番camera....彤就save左電話...40幾分鐘車程勁o係度哂命.....我睬佢都傻!!訓覺...番到小學,同d老師傾左陣...又同胡sir一齊番屋企....今次多埋茵茵~好鬼攰!!!但好開心!!!係super咁開心!!!
石少同林彤你地識la~我隔離o個個就係Ronald~ 呢張影得我唔靚~不過重點係八神!!! |
|
刊登時間︰2006-04-28 11:48 PM [ 訪客留言(4) ] [ 編輯日誌 ] [ 分享至FACEBOOK ] |
|
2006 年 4 月 25 日 星期二 |
| EQ低既我 |
我既EQ好低...上篇先講到好似懶感動咁...而家又好想講番第2d野...相反既...
to U:
對唔住!!係我錯!!之前先講到要生要死咁,而家又想同你講第2d野tim...我想爆你粗呀!!「XXXXXXXXXXXXX!!!!!!!」
你係咪問點解呀??我講你知!!我覺得自己因你變到好ON居呀!!搞到自己都覺得自己ON居,我自己都想問自己:「你係人唔係呀??」你話一個人淪落到咁既地步,係咪去死好過LA~但我講你聽,我一定唔會ON居到去死,好簡單,因為你好唔值我咁做,我為肥鋒死都心甘情願過你呀!!唔好話我衰,講到衰,邊個衰D吖??玩弄感情....你玩咩都OK冇問題,但你知唔知玩感情會令人好HURT架??我覺得就算你知都唔會理,照玩可也~唔好問我點解咁諗你呀!!你做過咩你自己知LA!!
等我提番吓你做過咩HURT野LA~唔係你都唔記得架LA...肥JOE做左咁多野,我唔信你會咩都唔知囉!!最後佢仲講埋俾你聽我鐘意你,你咩反應呀??之後UT到而家都當我死既,你覺得我會點諗呀??我覺得做番FD冇問題呀,但係你咁樣,我會有咩感覺呢?既然係冇FEEL,做咩仲要搞到我地之間既關係咁曖昧呀??做咩懶關心我啫??同你有親咩??o係我地關係最曖昧既時候,仲要o係我面前公然同第2D女仔CLOSE到咩咁,係,我知,o個時我地係冇關係,係咩關係都冇呀!!但係D同學咩都知LA~你覺得咁做可以令我覺得你冇左我都唔會死,覺得你追到好多女仔咩??好心你留心D聽EPA la~SAVE ENERGY呀!!你以為自己好馨香咩?係...你係有D野令我欣賞你繼而鐘意你...但係我覺得你而家冇哂囉!!唔知係我而家同你唔近所以唔知吖定係點LA~總之,以之前戀人的感覺,我知你係變左~
我忠告你:唔好排斥人,尤其係你咁多年小學既FD,群番D好小小既FD,令真正既你番黎LA!仲有!!唔好覺得我寫呢封信係因為想引你注意OR仲在乎你...我都知你實睇唔到LA~呢封信,好純粹,就係我情緒既宣洩!我唔GUR,我要講哂出黎!!同埋請你記住,係就係,唔係就唔係,係既就講,唔係就唔好令人以為你係!同埋唔好再用唔應該玩既野玩,後果有幾嚴重你係唔會知~
FROM:憎你入骨但仍可做FD既--瑩 |
|
刊登時間︰2006-04-25 08:51 PM [ 訪客留言(2) ] [ 編輯日誌 ] [ 分享至FACEBOOK ] |
|
2006 年 4 月 15 日 星期六 |
| to YOU... |
to YOU:
hi~好嗎??呢封信,唔知你有冇機會睇呢...不過,你都冇我個日記網,點會睇到呢可...我就係咁架la~鐘意你鐘意到成日自欺欺人,明明心知你冇我個網,都硬係想你會睇到~不過唔緊要la,有緣既話,實睇到既~
可惜,我地根本一d緣份都冇...點解咁講??由頭到尾,我覺得都係得我單方面付出...我由11月開始就鐘意你la~你知唔知吖??(又自欺欺人la~你梗係唔會知la!!)中間,我以為自己放棄過,點知原來一直都冇,計計埋埋,都半年la~o係呢半年入面,我因你樂而樂,因你哀而哀.d情緒好飄忽,都係因為你.雖然我以前都鐘意過人,但係冇1個既感覺會好似鐘意你咁~你令我改變好多,我以前唔知咩係甜到漏,鐘意你之後我知la!呢種感覺真係好好呀,可惜,o係鐘意你既日子裏面,只係有過呢種感覺幾次~我以前唔知咩係苦到想喊,我而家都知la~呢種感覺都唔係出現左好多次,但係就次次都苦到入心,流眼淚都唔識停.我以前都唔知咩係心酸,識左你之後,我又知埋,因為我知你有鐘意既人,而且o個個人仲值得你同佢表白,你為佢開心同唔開心,真係好妒忌佢架!!
識左你之後,我由鐘意夏天變成鐘意秋天同冬天.我鐘意夏天係因為好熱情,好開心.我鐘意秋冬係因為我地o係呢個時候熟,你o係呢個時候對我好,我o係呢個時候鐘意你...我由鐘意晴天變到鐘意陰天,因為o係我地一齊坐既時候,多數都係好凍既陰天,你就會問我凍唔凍,幫我關窗,借褸俾我着....鐘意你之後,我呢個最憎人自殘既人竟然會想界手,雖然我d fd話想界手我都係不停叫佢地唔好,但又有邊個知我其實叫緊自己唔好吖...知唔知點解我會想界手??因為我諗,如果我隻手貼哂膠布,你會唔會注意吓我呢??你會唔會o係腦海閃過一下,只係一下就夠:唔知佢隻手好番未呢...諸如此類d咁既念頭呢??
到近排,你終於好似有dd跡象令我覺得你對我有好感,我好開心,真係好開心!!joe不停o係我地之間...或者應該係話我不停要求佢幫我觀察你,試探你...佢都覺得你對我係有d野...我o個時真係好想好想聽到你同我講..唔好話講,寫都得,send都得,我只係想要你既一個表示...好可惜,joe同你講左我鐘意你,你竟然死都唔信,仲話要我親口講先信....我知,你表白俾人hurt過,但係我知你實唔知,我都係咁樣俾人hurt過...你講唔到,我都係架!!我冇諗過會同你表白,唔好誤會係你唔值得我表白,我只係受過o個次傷之後,根深柢固咁覺得示愛唔係女仔做架囉!!我諗我要講聲sorry,因為我唔想受多次傷既關係,對你唔公平.
到而家,嫻同joe都覺得你冇鐘意我,只係玩玩吓...我仍然自欺欺人咁覺得你唔係!我都唔知點形容...因為你,我變左好多,亦都大個左好多,又學識左好多.或者我應該多謝你!!由愛你變成恨你,再變番愛你,唔容易過...雖然成個過程都係得我唱獨腳戲,不過唔緊要,我學識一樣好重要既野:愛唔一定要佔有.
寫呢封信俾你,唔係想講我將會放棄對你既愛,只係想為呢半年既歷程做一個記錄啫~我仍然會鐘意你落去直至有一日我真係辛苦到捱唔住~希望有緣你睇到我呢封just for you既信la~
from:瑩
ps:我其實好憎你叫我做主席架!!又唔係冇名你叫!!
ps2:係時候諗吓點解會鐘意你~ |
|
刊登時間︰2006-04-15 05:50 PM [ 訪客留言(1) ] [ 編輯日誌 ] [ 分享至FACEBOOK ] |
|
2006 年 4 月 14 日 星期五 |
| 我返黎la!! |
話咁快又過左兩個月冇寫日記既日子la~寫番係因為想寫番~而家我決定要任性d~要跟自己既意願去做野~
呢個4月真係唔易過,我又鐘意番佢la~唉,都唔知佢有咩咁好~經歷左好多好多,我唔知點解我冇勇氣同佢表白,之前鐘意ken o個時係好有勇氣!!不過,可能因為o個次係第1次,冇諗後果,就盲中中講左至算~但係俾人hurt過,點都唔夠薑再黎多次la~佢都係~佢都hurt過一次,個女仔「吓」左佢一聲~唉...就係咁有緣無份~如果我地更早就可以識,話唔定我地都仲有o個份勇氣~呢個世上邊有咁多如果吖~或者,上天俾我遇過佢,已經係好大既恩惠~
到而家都諗唔通,點解d男仔成日都係鐘意埋d我覺得好扮野既女仔....不過,我情願冇人鐘意都唔要改變自己做o個d人囉~~又諗唔通,點解會有「愛我的人」同「我愛的人」呢兩種人~~如果兩者係同一個人咪好囉~~當然,係有好多人都可以有一個相愛既人,但係我冇咁好彩la~~佢都有可能鐘意我既,不過因為我地兩個既被傷害後恐懼症,兩個都唔夠膽行多一步....唉.....真係無奈~不過,或者咁耐都係我一廂情願,自作多情呢~~人地可能由頭到尾都冇放棄過佢既初戀呢...好想搞搞個日記,搞靚佢~又唔鬼識!!靠嫻姐la!!快d返la你!!
得番幾日就UT la!!咩都未溫過呀!!!慘la!!!
怯
很想要求 你會三更半夜陪著我
然而我怕 我的聲音你已聽得太多
怎麼可能要你每次開心快樂全為我
還怪你 你跟知己也見得比我多
期待你的花會開
其實自己也都討厭期待
恐怕正式真實戀愛
痛恨明日也許分開
這麼不知所謂怎麼愛
為何還沒有初吻 便要怕失戀
約會未完便掛念
傻得我晚上過份期求明天
以為你會在眼前
為何還沒有吵架 便怕（要）與你開戰
每日面臨你考驗
頭一次顧慮我沒動人條件
懷疑全是我問題 沒發現
(還擔心我沒氣力去到終點
還聽講過份瞭解 沒發展)
明知單戀驚險 但我還未脫險
如果初戀膚淺 怎麼我會興奮狂熱
但卻又甚麼都怯(甚麼都想甚麼都怯)
天天失眠 我怕消失氣力纏著你
然而據說 愛得精彩別要貪生怕死
怎麼可能愛你愛到將我自己捐給你
還怕你 會將感激變成對不起
|
|
刊登時間︰2006-04-14 06:30 PM [ 訪客留言(0) ] [ 編輯日誌 ] [ 分享至FACEBOOK ] |
|
2006 年 2 月 20 日 星期一 |
| SOR... |
hi everybody!!!我諗呢度要停la~我都暫時唔會再o係呢度發表日記~我呢排鐘意用手寫~>.<多謝大家一路支持!!有機會再o係度寫la!!
----------------------------------------------------------------
沒有終點的簡單和快樂
幸福的音樂 安全的感覺
有高低起伏卻永恆長久
我們都想要一段旋轉木馬式的戀愛
|
|
刊登時間︰2006-02-20 02:18 PM [ 訪客留言(0) ] [ 編輯日誌 ] [ 分享至FACEBOOK ] |
|
2006 年 2 月 10 日 星期五 |
| 六中~六中~ |
今日六中~真係估唔到咁開心呀!!!超開心囉係~我地o係架車度勁hi出面o的人,跟住我見到有個好得意既BB,就勁hi佢,佢呀媽勁睥住我呀!!!仲要俾Laboratory o個個呀sir問:你識得架??.......我都唔知點答佢好....唔通話係小學最鐘意既活動咩.....去到之後就爆嗌,肥鋒坐我後面呀!!!其實佢好好人架~我真係覺得佢好好!!!!簡直係愛死佢呀!!因為佢俾我挨落佢度呀!!你地知la.....運動場又冇椅pan,坐得好唔舒服架.....挨落佢度舒服好多....跟住我地就係咁嗌係咁嗌......先發現行社死肥仔都唔係咁衰啫.....仲幾好添.....
去左吉野家食lunch.....好味呀~~又諗起恒生日o個時一齊食飯....唔覺唔覺都個幾月la......o個時又話我生日同我食....佢地都吹既....食完就去百佳買野,姿買左盒喉糖,我朝早買o個o的食哂五年....跟住我拎住兩個沙田柚o係度唱'少林功夫醒...好好野....少林功夫勁...係好勁....'俾o的人睥住.....=.=之後仲買左個牛角包....就番去....點知呀姿帶錯路....行左個大圈.....就見到有個伯伯賣糖....o個隻方式好special.....係5蚊3種糖....買左就衝番去....請好多人食呀...哈哈~
之後就勁同肥鋒講佢同黃潔瑩既問題....我同肥Joe勁叫佢要爭氣....佢就勁唔認佢鐘意瑩姐.....唉......真係.....講左好耐...佢都死話唔鐘意....佢話佢都唔會掛住瑩姐....但我覺得冇咁簡單.....係la唔記得講~放lunch o個時B爺同肥Joe叫我同佢地打麻將......=.=我真係O哂咀.....=.=.=.=.=.=.=不過都幾好吖~^^
仲有樣野....個仆街梁卓傑勁鬧我地....becoz我地睇跳高o個時見到其他人跳唔過就勁yeah....佢都sot既~扮咩野啫~痴線~仲有洪sir.....佢用紅河谷既旋律作左第1句:羸咁多輸番o的都應該囉~....之後就作唔出...懶才子咁....=.=
之後到最後....我地幾乎羸哂....勁嗌success....羸第1個獎o個時,下面lala隊o的leader話唔嗌....o個時好靜....我唔小心爆左句頂你個肺做咩唔嗌....俾李sir聽到....佢擰過黎望我...係姿話我知既....嗌到喉嚨唔駛要....
o係頒緊獎同致緊詞o個時我同柏衣傾計.....仲有唔小心踢到人say sorry....都俾一個唔知佢姓咩既呀婆老師見到.....之後坎o個時佢用個大聲公講:o個個最多野講既女同學呀!!我準備最尾先俾你走呀!!佢都痴線既.....幾大呀而家.....死癲婆....
o係架車度我地勁跳上唱"Africa Chicken"......哈哈~梁sir見到...但佢唔明.....聽日講個歌詞~88~ |
|
刊登時間︰2006-02-12 10:03 PM [ 訪客留言(0) ] [ 編輯日誌 ] [ 分享至FACEBOOK ] |
|
2006 年 2 月 9 日 星期四 |
| 太好la.... |
嘩...今日先打日記係因為今日係成個week入面最lucky既一日呀!!!前o個3日都黑過墨豆呀!!~~唉...唔好提la....
講番o的野先~我地卒之調左位la!!!!yeah!!!ush!!!!正嘔呀!!而家坐我隔離係Sunny,隔一條走廊就係Evan哥,Sunny隔離係副主席,佢前面係呀姿,姿姿隔離就係柏衣la,Sunny前面就係MeiMei...總之一句講哂,我地呢咋人坐埋一堆,實冇好野....勁爆嘈囉~勁俾o的老師炳....haha~但係好開心呀!!!大家唔好以為Sunny係一個白痴仔,其實佢係好勁架!!!諗o的野仲成熟過好多人la....仲有仲有!!!隆重宣佈:本人終於考到第4 la!!!!!yeah!!!雖然係梗頸4,但係都好好好hapi呀!!becoz頭3都好勁囉~第1係肥鋒,冇得撼la...第2係李蘊明,雖然好唔likey佢,但都冇辦法....第3係欣姐,呢個.....比較難o的...會盡力架la!!!我要入TOP 3!!!我會奸爸爹架la!!
聽日要去o個個咩PK六中運動會....好唔想去呀!!!D老師仲要坐我地1E上面....想做咩都唔得la....我頂吖....但我係唔會理架!!!哼!!哈哈~夠薑爆粗鬧我吖,聰明過份!!講吓笑啫~大家唔駛驚~^^
就快有得買Levi's同Converse la!!我之前對Levi's鞋借左俾人着~.....2.14便服日,又係呀姿生日,又係情人節,我點都應該着靚o的既~話唔定有艷遇添呀!!!haha~係la~我而家好似又鐘意左個人,不過睇定o的先公佈la~^^
而家幫緊副主席飲緊樽水,佢聽日la la隊要用~我之前la佢都有幫我飲呀!!我而家義犬報恩呀!!^^
p.s.今日o係街見到有人私自改短一條Levi's跟住着黑色絲襪再加一對老翻all star...唔知係top star定係咩...我好想鬧佢呀!!同一時間玷污兩個我鐘意既牌子呀!!!痴線~本身都唔鐘意d人着短牛同黑色絲襪.....懶潮咁,食la唔該!!!!返屋企la!!!!save la!!!!! |
|
刊登時間︰2006-02-09 08:35 PM [ 訪客留言(0) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | »
|
