| «‹ April 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | |
|
|
2005 年 12 月 18 日 星期日  |
| 悶呀... |
尋日冇寫....而家寫番o的大概....去左上二胡and英文....英文o個時勁同副主席玩,好開心....但我愈黎愈覺得我地似fd多o的,亦覺得做fd會好o的...都唔知點呀...之後去左PizzaHut食野,飽死,又唔想o徙,唯有夾硬食,本身好好味,但我食到有o的想嘔....=.=跟住去行街and影貼紙相,都ok靚la~我知道左原來Disney入面o個個我最鐘意既阿拉丁公主都係叫雀屎文(Jasmine)架,好開心呀!!!嘻嘻,證明我冇改錯名~之後又落埋元朗,新界一日遊咁....俾我見到原來有人擺檔賣狗仔架~o的狗仔好得意,我聽到好似話係800幾蚊一隻,有人買左...
今日都冇乜野做...去學琴,同miss傾左超耐...都冇乜彈^^之後就同媽咪去探阿哥班~佢都幾忙,咁咪幾好....後日佢生日,都唔知買咩俾佢好....同媽咪去左新北江,又去食PizzaHut,都ok好味,又唔係貴~返到屋企就狂諗送聖誕禮物o的野,諗送俾邊個...聖誕卡我諗住全班都送~我想送禮物俾:alice,嫻姐,柏衣,Jessie,彭彭,MeiMei,姿姐(扮野都要),Evan哥,肥joe,B哥,terry,timothy,阿樹,副主席,彤姐同鑫哥...但得好少錢,仲要買card....呀!!!!!!好煩呀!!!!!功課都未做~仲租左隻碟睇~呵呵~唔知送咩俾阿哥好呢~真係唔知~考慮考慮,係一件好重大既事黎架~唔知唔知唔知知...唔知自己發咩癲...痴左線~
而家諗諗吓又唔係咁憎阿姿,反而係驚佢同可憐佢....佢好恐怖,o的心計好得人驚~但又好慘,佢都係驚MeiMei俾我地搶左冇人同佢fd啫...唉...搞到咁既景況都咪話佢唔慘....Vanna共實都幾好人,係聲大夾惡左o的啫~個人都幾善良既~都好既,我做左主席,就唔應該成日憎呢個憎o個個既,咁既風氣唔好~要和睦o的,唔係點做ichiban呀!~
|
|
刊登時間︰2005-12-18 08:32 PM [ 訪客留言(0) ] [ 編輯日誌 ] [ 分享至FACEBOOK ] |
|
2005 年 12 月 16 日 星期五 |
| 唔知點講~ |
今日發生好多事呀!!!逐件逐件講~
今朝唔記得左帶銀包,要問嫻姐借錢...佢唔識買飛架!!!!!!返到學校,先記得locker key o係銀包度...o的hw好多都o係locker,之後就去左搵狒狒lee,佢又話叫我去搵t.a...個t.a.又未返...之後要當住欠先....柏衣一直陪我,好多謝佢!!!返到課室我喊左出黎,3樣呀!!!但係竟然淨係得我o的fd知,佢唔知....唉....
P.E.堂考TIGER JUMP,我做到14下,好勁...MeiMei都係16咋~佢都係14....肥鋒抵死,得11下,柏衣就有15下~之前考體能O個時佢冇番,要補考,我勁揮手想同佢講句加油,佢都冇望過黎....之後自由活動,玩馬騮搶波,佢唔O係度一O的都唔好玩....
Maths堂今日係MR LAI既LAST DAY LA!MONDAY MISS NG就番,我地好唔捨得MR LAI,用黎明請你不要來呢首曲作左O的詞:MISS MG請你不要來,就讓MR LAI永遠存在.....好好笑~勁唱,好似癲左....
中文O個時B哥出去說話,講唔欣賞既人,係陳日君,講得都OK,但佢塊面紅哂,又勁眨眼,好Q.....同B哥傾叱咤好開心,佢都鐘意聽,正!TERRY講O個時勁響鐘,搞到佢好無奈.....
LAST O個堂轉左班主任堂,我地選班會同最乜乜物物選舉,勁盞鬼....但唔知點解我做左班會主席,而....佢...做左副主席...好似整定咁....都係等我COPY AND PASTE LA!
主席: 我
副主席:佢~
文書： Evangel
財政：B哥
幹事：嫻姐 呀樹 TERRY 呀哥(曾樂)
乜乜物物選舉：
最樂於助人：呀哥（１６票）
聲音最嘹亮：Vanna（１９票）
最有愛心：嫻姐（２５票）
最有代表性：我 （２３票）
最盡責：我 （１５票）
最親切：嫻姐（２０票）
最 fit: 唔知做咩事,係我 (9票)
最上鏡：Jacky 哈哈!男人老狗~（１０票）
最搞野：我 Evan哥（１０票）
最有份量：肥joe^^（２６票）
唔知o的人係咪睇錯fit做fat,點解會選我???傻哂......但真係好好玩....選左我係主席之後,Evan哥埋黎恭喜我,我隻手俾佢fing甩la!但我覺得好好玩...係咁玩...Sunny唔駛做主席,開心死佢....^^但我要同佢partner...我覺得自己已經好淡(o的feel)唉...唔知....
|
|
刊登時間︰2005-12-16 10:23 PM [ 訪客留言(1) ] [ 編輯日誌 ] [ 分享至FACEBOOK ] |
|
2005 年 12 月 15 日 星期四  |
haha~  |
尋日太夜...雖然而家係16號,但都想補寫番尋日o的野~
中文堂好好笑~李sir教停頓語氣,就舉例話:'我正準備去...'跟住又諗唔到,我正想講去廁所,但柏衣已經超大聲咁講左出黎~哈哈~笑死...我地真係心靈相通~跟住李sir好無奈咁唉左一聲,就一齊笑~之後佢又舉例,話:'假設你見到一個明星,你會話:''嘩!xx呀!!!''佢又諗唔到講邊個...最後諗左超耐至講:'嘩!黎明呀!!!'笑死我地~咁既年代....跟住有人扮呀旺唱黎明請你不要來呀!!!超抵死...考說話o個時,Evan唔知講項羽定劉邦,我聽到佢講:'我最欣賞既人係劉邦...呃唔係...係項羽...'佢講講吓我都唔明佢o係度講乜....但都好好笑...之後到我,我講溫家寶..我覺得佢真係幾好~佢地話我講得好....
Maths堂好開心...佢地班男仔唔識計一條數我識呀!!!!我仲猛好似開講座咁教佢地做~但佢地講極都唔明...肥joe話佢o個時好想同我討論條數喎~我又唔多覺...B哥呢個數學組頂級人馬都唔識...搞到我幾開心~
到G.S.堂,悶到痴肺...但要PRESENT,佢地o的死人頭勁推我地o個組先喎~跟住出到去就....玩LA!哈哈~成班白痴婆~我地做完o的咁有聊既野就推佢地o個組全男班YKK出去,佢都o係o個組,仲有B哥,肥JOE,TERRY,死肥鋒等等o個咋~哈哈~佢地幾無奈呀!但之後唔知做咩我好唔舒服....但佢都唔知....個個都有問我...係佢無...一o的都唔細心...
放學本身係o個個咩學長溫書o個個既~但我又唔舒服,又要去伯樂o個個present會,就走左....個present會好無聊呀!o個個任sir帶隊,超似大姑姐,講野o的音又係唔正架!又鐘意吹水喎~食la!都癲既~就字讀趙字,都唔知佢識唔識字....係27-31號去,又唔駛溫書...仲點隊冧肥鋒....
|
|
刊登時間︰2005-12-16 08:19 PM [ 訪客留言(0) ] [ 編輯日誌 ] [ 分享至FACEBOOK ] |
|
2005 年 12 月 14 日 星期三 |
唉~  |
今日~都ok開心...maths堂...ms ng冇返幾日....賴sir上堂~好好笑~佢俾我地傾既~我地o係度傾靚仔,佢好奇就問:個樣同計數有關係咩??我唔知做咩好夠薑,爆左句:樣既問題囉~全班爆笑咁滯~哈哈~之後Vanna做得超快,佢地就話:你係超人呀?我忽然諗起,就話:紅底褲喎!!!~~你着緊呀??呀sir又聽到,就話:講笑都要文雅o的~我心諗:個個都要着架la~但又唔夠薑講~
今日放學o個時,我同柏衣想撇甩o個條姿八婆!佢成鬼日跟住放學~我地極高速上到locker擺完野,就衝番落去,柏衣話不如行後梯,實撞唔到~我就話行前梯刺激o的~哈哈~我地一路大笑一路衝~超快~柏衣叫我行慢o的,廢事佢o係前面,我又話:點會咁好彩呀??點知真係~佢同MeiMei一齊.....我地一見到佢即刻狂笑左出黎~佢一邊行一邊話我地賤格唔等佢~佢都低低地既~就係唔想等佢呀?吹我吖笨!!!!!!好彩柏衣有急才,作個大話呃佢話咁趕係因為唔想等嫻姐~佢又信喎~又問我地做咩大笑...柏衣話因為原來嫻姐要LIC.我地覺得自己好傻~哈哈~個八婆又信~哈哈~我同柏衣笑到傻左~
lunch time o個時,佢同佢班fd o係度玩...佢班fd勁講佢鐘意o個個女仔個名...佢超嬲,爆左句仆x但我就爆左百幾句,唔係因為佢,係因為肥鋒...勁踢我書包同笑我欠喎~乞人憎....去死la!木嘴!搞到Evan哥驚左我,話:雀屎文發嬲呀!!我好驚呀!!!死人頭,成日叫我雀屎文.....
晏晝同二姑姐去high tea...好好味AND好開心~食公司三文治~好味好味~之前同佢去睇如果愛...超好睇...唔睇O個O的死白痴~快O的去睇~
同肥JOE ICQ左好耐~佢鐘意彭彭...但先前有單野令彭彭嬲左佢~我同彭彭講番~彭彭超嬲....話唔想為佢影響我地既關係~唉.....當多個FD都好吖~但我都會RESPECT彭彭既~最緊要有FD做~同肥JOE玩玩吓ICQ...佢ONLINE喎~少有呀!跟住我地勁講笑~好低B~點知原來肥JOE同佢傾緊電話.....肥JOE ICQ同我講:我聽佢講野~佢好似心不在焉, 我問佢幾次先答我野.....原來同緊你ICQ.....我心諗:關事咩?!冇耐肥JOE又話:「我話我知佢同你icq緊, 佢就係咁笑同話咪玩啦, 跟住就用一個好可愛既語氣講:「死變態, 聽日打瓜佢。」跟住又唔敢直接提你個名, 佢話:「唔使講到咁明牙嘩。」跟住又係咁笑...」我覺得佢好Q呀~~^^哈哈~其實我同肥JOE玩ICQ都係講感情....佢話會幫我試吓佢....唔知佢咁既反應,算係鐘意定唔鐘意呢....
|
|
刊登時間︰2005-12-14 10:02 PM [ 訪客留言(0) ] [ 編輯日誌 ] [ 分享至FACEBOOK ] |
|
2005 年 12 月 13 日 星期二 |
| 甜?...苦?... |
唉.....今日去左朗誦比賽....得季軍....都ok既...彭彭冇...好慘...o個個冠軍同亞軍都廢既~個評判癲架!!!咁都俾...好多野積住要寫~前幾日都冇寫~我鋼琴考試有120分呀!!本來我諗住肥硬....點知仲有咁高分...
我前晚發左個夢...一個好正既夢...我夢到自己已經大個...o係一個冬天既夜晚,四周有幾個人,我同我既男朋友拖住手行緊...我個感覺係好sweet,但我好肯定o個個男仔唔係佢(我鐘意緊o個個)...我仲隱約記得佢隻手好大,但都幾粗糙,我好開心咁繞住佢隻手,佢放左我隻手入佢既衫袋,捉到我隻手好實好實...我覺得好warm...我地一路行,一路玩,係超開心...我記得佢個頭係好leung既,類似阿樹但又比佢長得多既o個種,我完全唔知佢咩樣...但呢個夢真係令我醒左之後好若有所失,成日囉囉攣,仲諗左好耐先記得番個夢既大概...我同二姑姐講,佢話呢個畫面會o係我既未來既一日出現,講到好真咁,如果真係會就好la!
我真係好憎阿姿...我頂佢吖,佢真係好賤呀!!!佢o係我面前講alice事非,又講呢樣講o個樣...佢實係以為佢同我fd過我同alice la!!叫佢收la!返鄉下湊仔la!都痴線既,佢真係傻架喎~今日仲勁o係度同佢傾....懶係熟咁喎~痴線...難為MeiMei頂得佢順7年....poor MeiMei!!!仲有,成日放學o個時痴鬼住哂...都癲既,同佢好熟呀?!save energy la!
今日ERS o個時同Evan哥狂玩...勁開心....我地o係度玩野,行左超耐都未拎書...我行邊佢就行邊=.=行到Timothy o個個book box,o個o的書好多公仔,我地o係度勁指住o的公仔話似對方(當然係指一o的樣衰架la~)佢呢...o係後面睇到哂,好似好down咁~之後我地都係冇借,去左之前個八婆個book box(其實佢已經唔八,都ok好...佢叫Vanna)Evan哥仲係吊住哂,我就問佢:你做咩跟住哂啫??Vanna就話:佢冧你呀!!!Evan即刻話:係呀係呀!我冧你呀!!!我覺得超好笑....都傻既...佢都聽到,仲down多10倍...(好似)
今日佢呢...剪左頭髮,好Q,似桃太郎....我地傾左好多野(隔住好多人)阿姿勁o係度叉埋黎喎!!!我地既關係又好番好多...但我朗誦完返黎佢都唔係第一個問我,係Evan哥...becoz佢坐我隔離(Lib)都唔緊要既....望就望佢係鐘意我la~今朝我見佢剪左個頭勁俾人笑,我就話:都幾靚仔吖~肥joe,terry佢地即刻起哄....terry仲同佢講左句:你琴日仲話掛住人架~唔知佢講o個個「人」係咪我呢?係就好la~^^
係!仲有樣野想提~睇我日記既人可唔可以俾吓回覆呢??唔該!如果唔係呢...我無推動力continue...thx!!!
|
|
刊登時間︰2005-12-13 08:24 PM [ 訪客留言(1) ] [ 編輯日誌 ] [ 分享至FACEBOOK ] |
|
2005 年 12 月 10 日 星期六 |
^^happy day~  |
今朝晨咁早起身練琴...跟住就去中樂同o個個咩Creative Writing唔知咩班,總之就o個類野~仲搞到我中樂要早走...但都幾開心,同彤彤一齊坐,根本咩都冇聽,掛住傾同食朱古力~^^係咖啡味...我食左1粒咋..因為喉嚨痛...好辛苦...
我覺得我仲鐘意佢~[佢同我同一班(梗係...我睇佢填邊班我至填既~^^)]佢坐我隔離再隔離再隔離...都成日望...彤彤講o個o的我全部bingo哂~佢問我會唔會成日想望住佢,見到其他女仔同佢玩會唔會唔開心個人冇野做o個時會唔會諗起佢....我全部都會~^^就算好多野做我都會諗起佢添~仲之就好似痴左線咁la~係呀~今日超開心呀~落左堂之後,彤彤同佢個fd雞啄唔斷...我見到佢走,我就跟住走....跟住我地都係各行各路既...(佢行前我行後)但差唔多去到鄧肇堅o個時,佢忽然轉身,仲o係度hi我...我心諗:呢個世界實在係太美妙la!!yeah!!!當然,表面仲係扮到懶係唔在意咁...佢企左o係度等我行到埋去先一齊行...雖然係一齊行,但就隔到九尺咁遠~(九尺只係半個身位,我浮誇~我浮誇~^^)正常既...我都冇咩試過同男仔行得好近...但我地一路傾...傾彩虹...傾佢屋企冇人咁佢食咩好....我問佢而家去邊..佢話去搵肥joe,本來我諗住番屋企,但聽到佢咁講,就即刻話同佢一齊去,個藉口就係搵佢對功課....我而家先知,原來同肥joe一組對功課係咁fantastic架!!!跟住一路行到條樓梯同通去商場o個度既時候,佢問我想行邊度(睇吓佢幾識尊重人~)哈哈~我話冇所謂...佢就帶我行左樓梯o個邊...
去到M記,肥joe,terry,嫻姐同彭彭都o係度..我一見到彭彭同嫻姐就衝左過去...好開心~肥joe同terry一見到我地一齊行就起哄...都傻既~但佢又冇話佢地痴線,反而係我話~我好想買雪糕食,但又好多人排隊...佢話想食M記,我叫佢千其唔好...佢都未好番,點可以食架...我話買雪糕O個時佢都講左句:你病仲食...嘻嘻~好開心呀~之後呀肥JOE佢地狂話我地有野~仲同佢講:係就係LA!但佢都冇咩野~
散左之後,我番屋企...O係西鐵站撞到NIKI,都好耐冇見~傾到落車~返到屋企訓覺...好舒服...開心既一日就咁過左LA~ |
|
刊登時間︰2005-12-10 09:00 PM [ 訪客留言(0) ] [ 編輯日誌 ] [ 分享至FACEBOOK ] |
|
2005 年 12 月 8 日 星期四 |
| 好開心~ |
今日爆好笑呀~係咁既:我同柏衣食完飯就上左1樓平台度hea,我地傾緊計既途中,忽然聽到一聲好絕望既呼叫...1樓平台o的太陽傘同o的桌椅鬼死咁窄喎~我地見到o個條之前講過既八婆cake住左o係o的桌椅之間,仲大叫多一句:我出唔到黎呀!!!!我地聽到之後爆笑左出黎,我驚條八婆會追我地,就同柏衣講:走呀!!!跟住我地就跑左去走廊度狂笑....我用眼尾餘光"哨"到佢用個龍躉belt開左o的桌椅就衝左出去...真係笑到痴線...
我地上到去班房之後周圍唱俾人聽,alice講埋佢仲好笑既一樣野俾我地聽...話說條八婆去toilet,去去吓alice聽到一聲絕望既呼叫(又係咁~)就問:邊個呀?咩事呀?佢就話:我沖唔到廁呀!!!(又係個句式~)原本今日佢mm呀~~~真係笑到傻...跟住我地就成日都狂o係度扮佢,勁講:我出唔到黎呀!!!我沖唔到廁呀!!!連班男仔都笑到傻~
唔記得講番樣尋日好好笑既野~話說尋日lunch reading time,呀wing都未番(佢坐我後面,柏衣坐佢隔離)miss pang睇我地~佢過到黎,見到呀wing同柏衣個位都好窄,就問柏衣:窄唔窄呀??柏衣唔知點解好夠薑,就話:我好瘦架~miss pang~跟住miss pang就指住呀wing個位問:咁佢呢??佢肥唔肥架??嘩!!!真係笑到我地白痴~全班都笑到傻~
又講番佢la~經過尋日既冷戰,我地成個上晝都只係透過一o的閃閃縮縮既眼神黎交流,好似尋日咁~但到左下晝,我講左o個個八婆既野俾佢地成班男仔聽,佢都o係度,跟住我地就好番o的....到普通話堂o個時,仲下下都交換眼神添...但我都唔知自己係想點...係呀!!!今日music堂,佢係同呀姿坐既~(我坐佢地前面)佢地兩個都係40幾號既,考recorder係由尾開始.呀姿o係度扮緊張咁,o的表情假到痴筋,狂o係度勁大力打佢喎~好似特登o係度懶係熟咁,佢就冇咩理呀姿既,淨係話:低能架?!痛架!!!呀姿仲o係度扮同佢熟咁講:你痛關我鬼事~我唔係心痛佢,而係覺得呀姿太過份....佢真係好似前世未見過男仔咁架!!!好恐怖...我知...而家佢地隔條走廊(班房既坐位),成日都傾計,我都唔係mind呀...不過我真係覺得呀姿唔駛咁做~我知佢咁做係想我唔開心同覺得佢有威脅,覺得佢勁,隨時可以搶走佢想要既野~但我真係唔覺囉~我有o的想叫佢save energy(即係節省能源,即係慳o的)...
尋日Evan哥無番,我send左e-mail問佢有冇事,佢又冇覆我....我今日問佢:你尋日冇事呀嗎?佢竟然話:我有冇事關你咩事?!食屎la~真係激到我傻~之後我都無咩點睬過佢...我抄日表上board既時候,佢坐o係board隔離o個張枱度睇緊其他野,我地既body爭幾cm就掂到,佢仲o係度自言自語,想引我講野...我冇睬到佢就走左~之後我有o的野問梁sir,我問完之後佢對住我做左個敬禮既姿勢,仲話:對唔住呀!你原諒我la~(不斷repeat)我見佢咁有誠意,就求求其其原諒左佢~到epa堂,miss hung叫佢派簿,叫佢搵人幫,o個時我岩岩出去問miss hung o的野,佢就隊左半叠俾我,話:朋友係要互相幫助架~既然你原諒左我,就幫我派野la~真係搞到我唔知好嬲定好笑~
我有o的後悔教壞左嫻姐,佢而家連佢既恩師--我...都串埋一份...好無奈...係~o係度同嫻姐講:我係呀瑩,唔係呀塋;係黃曼盈,唔係黃曼塋.唔該唔好搞錯,我唔係太鐘意人打錯我個名....個塋字好樣衰...侮辱左我既瑩字,仲有,個瑩字係我呀爸同我改既...我唔想錯...thank you for your cor-operation!!!!! |
|
刊登時間︰2005-12-08 10:34 PM [ 訪客留言(0) ] [ 編輯日誌 ] [ 分享至FACEBOOK ] |
|
2005 年 12 月 7 日 星期三 |
| ....... |
我又想講佢la~明明我覺得自己已經唔鐘意佢,點解仲會咁架?!唔理la...寫左先算...
今朝art堂,畫完水彩,個個都掛住洗野~場面極度混亂,我幫手掃地(其實我唔係好識掃地架~)我同o的fd講:其實我唔識掃地....佢就講左句:唔係掛...以前佢講野,我實會望住佢,跟住回應佢,但今朝我完全唔想同佢講野,我扮聽唔到行開左...跟住既一整日裏面,我地經常會有eye contact,但又即刻避開對方既眼光...都唔知做咩~lunch time o個時,飯堂照舊爆滿,我同柏衣見到一個auntie隔離有兩個位,就問佢有冇人,佢話冇,我地就坐低.點知原來個auntie係佢媽咪!!!佢見到我地之後講左句:唔係掛...我即刻諗:駛唔駛咁呀??仲講埋出黎,好細聲,唔知佢聽唔聽到(多數都聽到,但冇應我)lunch time之後我地去左1樓平台,我望上去,見到佢o係3樓望落黎,我地o個日最長既交流,就係o個個對望左至少有5秒既眼神接觸.我好似見到佢對眼裏面有好多野想講,但又好似冇野....都唔知想點咁....到放學,去到輕鐵站,佢一個人o係度,彭彭見到佢個背影,就問:呢個係咪男班長呀?其實我一見到佢,就知佢o係度.佢聽到彭彭咁問,就擰左過黎,一見到我,就講:仲慘過撞鬼...我即刻黎火,勁大聲爆左句:你使唔使咁講野呀?佢即刻o係度兜話:冇...我既意思係俾你地嚇死啫....我冇理到佢上左車...
其實究竟我仲鐘唔鐘意佢架??我明明真係好嬲佢,好憎佢,但成篇日記都仲係寫佢,好似佢就係我一日既全部咁....佢同呀姿傾到痴線咁我都係會唔開心...唉...唔理la~寫吓其他野:今日嫻姐終於學識串人la~佢串既係柏衣~(都係因為柏衣串佢)佢有進步我真係好開心....yeah!!!終於將佢轉型~
其實我覺得佢係鐘意嫻姐架~佢對我o的態度同對嫻姐o的態度都完全唔同....呢o的係女人既直覺,我feel係~都唔緊要既,嫻姐咁好,佢地都幾襯既~佢地開心我就開心la~唔知我咁算仲鐘唔鐘意佢呢~
p.s.我今日超憎姿,佢對住o的男仔好似痴左線咁,o的反應好救命...我覺得佢係扮野....唔知呢.... |
|
刊登時間︰2005-12-07 09:23 PM [ 訪客留言(1) ] [ 編輯日誌 ] [ 分享至FACEBOOK ] |
|
2005 年 12 月 6 日 星期二 |
| My God..... |
今日佢冇番...我好心打電話去慰問吓佢,諗住大家同學一場...點知佢用o的超唔耐煩既語氣黎同我講,講唔夠1分鐘就收線...我當堂又feel到o個種個心跌落地既感覺,不過今次唔係bom一聲而係ching一聲,碎左...收左線之後我即刻喊左出黎...我好憎自己點解日日既日記都會有佢份;點解我日日既情緒都因佢起,因佢落;點解為左佢改變到我自己都好似已經唔識自己.我已經唔係以前既我,我為左佢改到咩程度我自己都唔知...但係,今日佢冇番,我都仍然係望住我地以前一齊坐既位,望住佢o個個空左既位,不停咁懷念我地以前一齊坐既快樂時光;上堂完全冇心機,淨係諗佢點解冇番,如果係病左又唔知嚴唔嚴重...聽唔到佢嗌既"Class Stand!",好似有o的咩冇左咁...我直頭覺得好似冇左佢會痴線咁,但我而家就好似真係痴左線...
我唔可以咁對自己;我唔可以睇住自己衰都由得自己,我好想好想stop左自己,但都唔得...啊!!!!!!點解會咁架????鐘意人真係咁架咩?我好驚自己會中個頭埋去又掹唔番出黎...但我始終control唔到自己呀!我到呢一刻都仲係o係度諗,俾埋聽日最後一個機會佢la,如果佢聽日佢表現好,就唔好嬲佢la...但我覺得自己係冇嬲過佢,唉,我都唔知呀!!!!!
多謝一直o係我身邊鼓勵我既朋友:嫻嫻,彭彭,彤彤,柏衣,meimei,alice,姿....多謝你地呀!!冇左你地,我都唔知自己會變成點....多謝哂~ |
|
刊登時間︰2005-12-06 07:52 PM [ 訪客留言(1) ] [ 編輯日誌 ] [ 分享至FACEBOOK ] |
|
2005 年 12 月 5 日 星期一 |
| 唉... |
今日係last day同佢坐la...今日我都同佢傾左好多野...其中,我仲知左o的好唔想知既野,係佢話我知既...
原來佢有鐘意既人(雖然佢話而家已經唔多),而家o係劉金龍讀緊.佢係五年級o個時鐘意個女仔,仲同佢示過愛,個女仔反而係o係佢問既時候先至話鐘意佢.我一聽就覺得佢鐘意個女仔多過個女仔鐘意佢...而家佢地仲朝朝會撞見,佢仲話我知個女仔既性格,係好似jennifer o個種,雖然我同jennifer係同年同月同日生,但我地o的性格都唔算太似(都幾似既..)唉.....
我o個時個feel好難形容,好似個心跌左落地,我仲好似聽到bom一聲咁...但我o係個心度又不停為佢辯護:佢真係又長情又專一,又有勇氣向人表白...而且佢都唔係太鐘意個女仔la等等..係咪鐘意人就係咁架?佢做左o的咩,我都好似中左降頭咁.就算明知佢有鐘意既人,都係要中個頭埋去,係咪好傻呀?
聽日就調位la~個八婆都仲係坐我左近...反而佢,又或者一o的fd既人,就調到美國咁遠...好彩都仲有joey....真係好掛住佢呀...好掛住同佢坐既短短半個月...唉..或者,我應該多謝個天俾左我半個月既快樂時光,係我自己冇好好珍惜... |
|
刊登時間︰2005-12-05 08:06 PM [ 訪客留言(2) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | »
|
