|
前幾日家姐放假,霸住部電腦,唔俾我玩...
星期日去左何君屋企玩~玩得好開心~
但係就成日俾人強吻...T_T
今日頭o個兩堂係通識,冇咩野做,都幾悶下~
中文堂個啊sir講書,我就做作業,都唔知個啊sir講緊乜~
小息o個時借野俾人抄,點知俾prefect見到,問我地做乜,
我就話:「冇~對下答案姐~做錯左咪改囉~」
個prefect都唔係好信,不過都冇再理我地,好彩咋!
如果再俾人捉,我就要上輕微違規榜架喇!嚇死我la!!!
science個老師冇返,好似要去上堂~代課ge老師幫我地對答案,
但係又對到鬼死咁慢喎...最後35分鐘對得o個3頁...個老師ge效率真係好高~
英文堂,我唔見左張工作紙,原本有兩張,但係得返一張,
mrs張就話點解唔見左一張咁得意,又話:「好喇~宜家張太又同你地講個故事喇~」
當然,個故事就緊係講緊d學生成日都唔見野,而老師又會點對d學生la...
唉!真係好無奈...點解得返一張?明明兩張擺埋一齊...諗諗下,我好似扔左...
數學今堂冇點上,因為淨係講下新一課~terry成日話我白痴妹,激死我la!!!
|
