曾經聽到朋友囝呻悶, 通常都會係悶果陣搵FRD傾電, sms, whatsapp, line, 無frd時更覺得悶...於是就四圍識frd, 識識下又覺得無幾個真心傾到計...
跟住又會覺得好悶....呢個惡性循環, 真係會不斷咁循環...
不如試下係度分享我解悶的經驗啦!
Frd我唔算多, 所以靠FRD解悶, 我就真係慘喇...
A. 放假果陣, 我會自己一個行街...買自己想買既野! 可能你會問: 自己一個行咁樣衰?!! 想買果陣又無人問下意見...
我曾經都有咁諗過, 不過我好快就發現左自己一個行街既好處
1. 唔洗左等右等, 一開始無約人, 就可以自己控制幾時開始行, 幾時去到邊度邊個商場, 幾時行完都係自己話事!
2. 唔洗跟住身邊果個入D我唔鐘意睇既店舖, 我可以將自己既時間擺晒係自己鐘意睇既野, 經濟效益極高!
3. 唔洗撞衫, 唔洗同人比較! 萬一同身邊果個揀岩同一款衫, 又唔知邊個買好? 又會比較邊個著得靚D~ 何必呢?
最好就全程自己覺得靚就自己買! YEAH!
當我發覺左呢幾個好處時, 我就唔會再怕一個人行街lu!! 反而仲好享受tim~
B. 發覺有興趣既野, 就自己試下!  一個人果陣, 最好就係唔洗就人時間, 唔洗就人鐘唔鐘意! 當我見到D自己想試既野果陣, 就可以自己去試! 例如: 試下做手工, 試下去泳池游水, 試下睇書, 試下係咁搵D冷門歌聽, 試下煮野食, 試下去學野, 試下做義工, 甚至無聊到試下打開世圖, 記下世界各地既位置...
一個人果陣, 就係最能夠發掘自己興趣, 專長既時候!! 可能你會問: 無錢邊做到咁多野? 
但係你又諗下, 以上我講果D都唔洗點用錢(做手工既材料可以上網搵左之後印出黎, 泳池無錢果陣就可以去少D...), 況且都係間中一次姐, 我咁多ideas, 你不斷輪流用, 都唔會覺得悶! 哈哈哈~ 加上呢D都係有益身心既活動, 趁得閒果陣做下無謂野, 增值自己, 總會一日可以派上用場!
C. 上網 艾...唔好潑我冷水住!!! 雖然上網HEA時間就係人都識, 不過除左FB, youtube, qz, yahoo!blog, 微博呢D之外, 你仲有咩網會上呢?
我係呢度建議大家可以上下維基百科, google!map等等既網頁, 你可以求其係新聞/報紙/雜誌搵一D字詞或者地方名, 再擺落搜尋器到搵下, 你會有好多意想不到既收穫! 例如: 早排潮流興瓦努亞圖, 我就將呢個地方擺上維基同google map度搵下, 八卦下, 結果就學識左好多野喇
我知你可能會覺得我呢招無用, 不過唔試過又點知唔得呢? 反正你都係無野做, 搵D方法hea時間, 試下呢個方法啦! 我覺得幾work, 而且又可以學到好多野, 仲會發現好多有趣事tim!!
人係群體動物, 我地當然希望日日有人陪, 日日有人同自己嘻嘻哈哈!! 但係現實有時就係唔容許, 無論你識幾多FRD, 生活有幾精彩, 都總有自己一個既時間, 與其慨嘆自己點解咁寂寞, 不如積極D, 諗D方法令自己享受一個人既時間啦!!
有得揀, 點解唔開心D咁過呢?
|
