今日6點5起床 ，好凍唔想返學呀！ 跟住大約7點5就返學校啦！ 然後就同zero調位，跟住見到『水牛』同may姐打招呼！ 然後我就去揾『水牛』傾計同俾D野佢啦！ 然後佢就黎咗同我傾計！ 由於天氣寒冷嘅關係，唔駛集隊！正！ 跟住就到倫理堂啦！當然哽係去咗『水牛』個位度坐啦！ 嘩~『水牛』果櫃桶好多書啊！ 跟住阿sir就派咗張專題研習工作紙俾每一組，唉......又要做專題研習啦！ 不過有排先要交！ 跟住就冇野做啦！然後winnie就係度發咗陣癲同埋......！ 其實都係我唔好，但係我而家有D怕佢！ 因為佢一時待我好好，好到不識形容 ，一時又待我非常冷淡！ 可能我好不習慣佢待我太好，所以有時我就找其他fd傾計，使佢感到我不理她，結果佢也待我非常冷淡！ 我都唔知點解我會咁樣！
跟住我就坐係我個新座位度啦！原來都算不錯啊！一樣可以望街！ 跟住好就到午飯啦！今日同fiona食飯！跟住12點10就返到school啦！ 真係快呀！ 跟住就上P.E同中文啦！ 跟住就返屋企啦！大約5點幾就去旺角同甲同學去旺角上堂啦！ 阿sir講嘢真係好動聽！ 大約7點幾就返到屋企食飯啦！ 然諾後就上網+睇TV+同fd傾計！ 大約11點幾就sleeping啦！
P.S. 近來我對一個人了解了多些，而佢專心上課、努力一些的話，佢一定可以好勁！ 而佢嘅性格真係好似我最好嘅best fd一樣咁正直，佢以前一定有好似我最好嘅best fd咁乖je！ 佢可能可以把小學之後就消失了嘅我帶回來，我小學果時你一個正直、小說話、不會嘻嘻哈哈就過一日嘅人！ 但自從我最好嘅best fd升左去『上智』之後，那個我以經變了！變成一個不知所謂嘅人、每天嘻嘻哈哈就過一日嘅人！！！ 有時上堂仲不留心tim！離譜嘅就係上課會伏係desk上！ 不過好彩係會考前俾我遇返呢個人，雖只可用書信來往，但已經足夠了！ 跟住仲俾我遇到一個有D似佢嘅人，真係多謝天主啊！ 所以我會對呢個人好好的，希望佢能夠考到好成績呢！
今日6點4起床 ，大約7點4就回到school啦！ 今日要調位~嘿嘿！ 『我like坐咁前，無敵黑板，近距離見到老師。仲有勁正嘅窗口位同幾好的隔離位』可能係一日內就消失啦！ 嘿嘿...... 跟住我就好似平時咁派報紙！ 返到課室，未有坐位表！ 然後我D同學就話最後尾果中史先調位，哈哈！正！坐埋今日！ 跟住就上堂啦！ 到經濟堂果時又要答問題！1月5日要叫5號喎！ 『本來我話唔想架！ 』點知我所謂嘅好隔離位之一benny就話『好！佢鍾意答呀！miss~』 不過好彩我呢題識答ja！總算過關啦！哈哈~ 跟住數學堂果時，winnie又係度發癲！ 仲有就係度討論調位嘅事！有D仲幾好笑tim！ 跟住好快就到午飯時間啦！跟住就同『水牛』、曾寶玲同方嘉敏一齊去咗『莎莎扒房』食飯啦！ 跟住就陪『水牛』買曠泉水啦！返到school就上堂啦！ 到中史堂就調位！ 睇吓調去邊先？跟住我就=同zero調位，我就第四個位啦！『再冇得坐咁前，無敵黑板又消失，近距離見到老師變咗遠距離見到老師啦！嘿嘿！！！ 』不過都係坐窗口位，而隔離位都算不錯！ 但這一切一切都比不上以前嘅位置啊！ 不過算啦！總有人嘅位比我差嘅！ 樂觀D先！ 跟住就英文補課，而『水牛』就要生物補課啦！ 補完之後，我就同劉舒娜一齊搭巴士返屋企啦！ 正~有人送我返屋企！
返到屋企大約5點返到屋企，跟住就食埋飯就去咗太子啦！ 跟住果個人冇黎，得返我一個！ 佢唔通真嬲左我！ 唉......返到屋企就玩msn and icq！大約11點幾就sleeping啦！
今日大約6點4起床 ，跟住就坐巴士返學啦！然後大約7點4就去到變電站個度啦！正~終於早返D啦！ 我like咁早返學ga！嘻嘻~ 今日遠望見到有一個好熟口面嘅人，佢落完小巴，竟然企係度等我喎！ 結果我地就一齊上樓梯啦！ 不過我地都冇咩講嘢喎！ 跟住就去派報紙啦！ 今日cherry冇返，本來後面應該冇人坐嘅！但係winnie由第一堂開始就坐咗落黎啦！ 成日係後面搞住晒喎！ 又俾兩個班長包抄喎！ 前面benny，後面winnie！ 不過都幾happy！果時我就諗起要調位啦！真係有D唔想呀！ 跟住每當我一望出window佢就話我唔專心上課啦！ 嘿嘿！都唔知好happy定覺得佢好煩好喎！ 然後時間過得好快，跟住就去同曾寶玲、『水牛』一齊食午飯啦！ 點解佢叫『水牛』，其實因為佢每日都係學校飲2支水，上午係school飲一支，下午係school飲一支！哈哈~ 所以我同曾寶玲就叫佢做『水牛』啦！ 曾寶玲仲講笑叫佢『水魚』tim！ 我地都好happy咁返到school啦！ 上完兩堂英文後，就中史補課，係度播歷史片集！開頭都幾好睇，但10分鐘後，我就好累！ 因為真係好悶！ 跟住我就同winnie講『如果有人夜晚訓不着！？就播呢D片啦！包你訓得着呀！』跟住就係度笑啦！哈哈~
返到屋企就係度睇電視同做功課，大約10點幾就sleeping啦！
P.S. 多謝benny借隻哈利波特 Game俾我！正~
