今日8點起床，跟住就坐巴士返學啦！8點幾就返到學校啦！跟住就補地理同英文！補得都幾開心嘅！ 然後就搭巴士返屋企啦！返到屋企就回信俾一個令我以佢為驕傲嘅朋友 ，跟住我就玩icq、msn同玩games啦！ 然後仲同D同學傾咗一陣電話tim！ 跟住就食飯啦！ 跟住都係玩icq、msn同玩games、睇電視咁啦！ 大慨11點半就sleeping啦！

     今日大慨9點起床，跟住就係度睇電視啦！ 睇到大慨11點就online msn同icq啦！ 跟住我仲整咗個新e-mail tim！睇吓呢個新嘅e-mail會唔會再自動亂send嘢出去！ 點知結果都係會嘅 ，所以我最後都係用返之前嗰個。 唉......msn真煩呀！不過好處就係D人會問呢個係咩黎架，然後令我同返一D我冇咩同佢講果D人，同佢傾咗好耐tim！ 呢D唔知算唔算因禍得福呢！ 我都好開心！ 跟住落左一陣街，返到屋企收信！竟然有我嘅信喎！ 哈哈.......當我睇完封信之後，我感到十分慚愧！ (佢寫咗佢D考試分數俾我睇！ )因為佢D分數科科80分以上，而且佢仲係理科生tim！ 當時使我覺得非常慚愧！ 也有點開心，因為我肯定佢真係無變過，仲係以前嘅佢！ 真係好開心呀！ 跟住都係上吓網、睇吓電視、玩吓icq同msn咁啦！大慨11點就sleeping啦！

     今日9點幾起床，跟住上吓網、玩吓icq同msn咁啦！(不過12點之前都係冇咩人online )，跟住我就睇電視，然後食飯啦！ 然後睇咗陣電視就訓咗個小睡啦！ 之後就一邊看電視，一邊玩吓icq同msn咁啦！跟住Benny話佢同方嘉敏、黃穎詩一齊玩童話online喎！跟住搞到我都想玩埋一份tim！ 因為我以前都玩過，而且D幻獸好可愛，而畫面又靚，真係好好玩架！ 果時令我諗返以前個個月都玩月費嘅日子！ 真係好想返去呢個虛擬世界啊！ 跟住我仲揾返以前張帳號卡出來！ 上埋官方網到看看原來仲有18點點數，不過直到夜晚我同黃穎詩傾咗陣icq之後，知道佢原來冇玩童話online後，我就打消了呢個念頭了！ 不過我決定會考完之後，一定會再返入童話online呢個虛擬世界度探吓我D可愛嘅幻獸，同佢地再升Lv.架！ 我非常期待這日的來臨啊！

P.S. 原來嘉晞去咗加拿大有一個好處，就係如果加拿大12a.m.，香港會係11p.m.，因為佢多數好夜先on msn，所以如果我有事找佢嘅話，咁我就唔駛傾到咁夜啦！