今日8點幾就俾個電話嘈醒咗！ 原來係Jenny同筠筠打黎叫我幫佢地攞經濟工作紙，跟住我就繼續訓啦！ 訓到9點3就起床啦！然後食埋早餐就返學啦！ 落咗車後，就開始落雨啦！返到學校剛巧見到Benny，跟住伍sir就叫我地去課室先，點知課室一個人都冇，跟住佢就帶咗我去新翼再行條樓梯就到禮堂啦！ (我都第一次行咋，原來新翼有條咁嘅路去禮堂架喎！ )跟住係禮堂坐咗陣就開始結業禮啦！ 結業禮都算係幾開心同有意義架！ 下年就到我地企上台啦！ 跟住我地就返課室攞成績表啦！考得比我想像中好咗D咁啦！ 跟住我同劉萍、馮彩怡一齊去搵家政學會D同學啦！ 然後知道佢地要做茶會接待生，所以要接待D嘉賓，跟住我同劉萍就係度等啦！其間Jenny同陳玉冰、筠筠就攞茶會D食物出來俾我地食啦！ 哈哈...都幾開心架！ 跟住再加埋佢地要幫手收拾東西，結果，等到3點幾先走得。 我讀左咁耐都未試過係學校留咁耐架！這次是奇景啦！ 跟住我地就坐6c巴士到旺角啦！搞咗好耐，終於返屋企啦！搞咗D咩唔話你知？ 跟住就返屋企啦！(5點幾)返到屋企個妹就話有個同學打咗好多次俾我，佢仲話佢講咗我嘅行縱比果個同學知tim。 跟住有幾個同學打黎搵我！ 傾完D電話我就係廳訓咗陣啦！今日真係好累！ 醒咗之後就食飯啦！ 然後回埋信！ 就玩吓icq同msn、睇吓電視。 大慨11點就sleeping啦！
今日大慨10點幾先起床，跟住就玩咗陣icq，然後吃飯啦！ 本來有D唔想返去補經濟架，不過最後都有返！ 落到下面，見到D學生個個放學，而得我一個返學！呢種情況一D都唔好受！ 返到學校係走廊行咗一陣都見唔到D同學，課室又鎖咗！ 唔係呀嘛！我都夠遲啦！而家已經12點55分啦！而補課約咗1點架！ 跟住就見到Cathy返咗黎！(好嘢！終於有人陪我呆等補課啦！Yeah！ )直到1點，跟住見到Benny，佢話有D同學係mmlc室喎！(原來有D同學係mmlc室，唔怪得見唔到有人啦！ 跟住知道Miss Ho去咗食飯，所以等到1點半先有得補課！(其間我係mmlc室度發呆！ )由1點半補到2點半就返屋企啦！ 今日都算補得幾開心！ (有時同Winnie傾吓計咁啦！ )
返到屋企就睇吓電視、上吓網、寫下日記咁啦！大慨11點就sleeping啦！
今日都係要返學，返去結業禮採排喎！ 返到學校就見到D同學，跟住就一齊去咗禮堂啦！ 禮堂終於整咗冷氣啦，幾涼架！ 跟住做完一連串無聊的採排後 ，10點幾就放學啦！
返到屋企就去咗日記板到回覆 ，跟住最激氣嘅係由於我回覆嘅字元多個3000字元，所以個板一句話：『你回覆嘅字元多個3000字元，無法作出回覆。』呢句話講完就將我篇回覆delete晒！ 搞到我要用e-mails來回覆！ send e-mail之後，我覺得有D累就訓咗個小睡啦！ 之後就睇吓電視、寫吓日記、上吓網咁啦！大慨11點就sleeping啦！
P.S. 我站時都係無膽用msn同佢講嘢！唔知點解！？ 所以只夠擔send e-mail俾佢咋！ 仲有希望佢係飛之前，能夠睇到封e-mail啦！嘻嘻......
