18歲真係可以代表已經大個?

總係覺得今年要面對嘅野有好多

Mock, 體諒身邊吵咗架嘅朋友嘅所需, 考慮大專讀咩 ,DSE ,做暑假工 ,大專面試, grad-din, grad-ceremony, 重修舊好/失去好友, 放榜(個天好似要塌咁), 接受好朋友離開, 珍惜最後相聚時間, 面對好朋友離開, 曾經想離開香港傷心地, O day識倒新朋友, 開學開始新校園生活, 嘗試改變態度(正面咗), 面對真相

...............................................

最近有D沉重... 因為更清楚知道6年前媽咪離開嘅情況

媽咪接聽嘅

最後一個電話唔係我同阿妹,

唔係May姨姨,

係阿姨..

其實無人知道真正真相

醫護人員失當?醫療失誤?

我唔明點解一個病人去醫院身體檢查會變成一場噩夢

我唔明點解一個病人俾血塊阻失氣管喘氣咁辛苦無護士理

我唔明點解一個病人就算救得番都只會得番3個月嘅生命

我唔明...

點解媽咪會失救

.........................................

我認同一句野,

有時知道真相唔代表係件好事

因為可能會痛苦

........................................

今日阿姨講Li個真相嗰陣, 我唸起6年前

的確6年嚟我都抑壓住Li份感覺...

醫療病房出面唔敢喊, 番小學同老師講"我無事", 喪禮唔敢喊, 唔敢同人講我掛住嗰會喊

所以先會搞成E+咁, 喊到好似水喉開咗咁...

........................................

人, 要向前望...

唔可以成日停留响過去

我, 總要堅強...

既然知道真相, 就要接受克服

雖然的確要D時間消化

........................................

寫Li篇blog, 有個好簡單嘅目的

就係想抒發情緒,

將件事响我心入面拎出嚟..

同埋同我自己講,

有咩事唔好再抑壓住自己

"要堅強D!!"

18歲嘅我, 係時候成長啦!