今日係我匯業既初賽，

今年好得意，居然同上年好似...

一樣既時間、一樣既地點、一樣既位置、以及一樣既狀態

但係唔一樣既係我已經係高三啦，最後一年啦

仲有唔一樣既，係我今日搏盡咗啦~

上年入唔到，喊咗...

今年終於入咗啦~

一雪前恥，同埋過咗自己既心理陰影啦~

今年其賽有好多人想多謝~

但最想多謝既都係yuki佢地，

因為見到佢地咁努力，又入到，真係好似我地以前初三咁呀！

身為師兄既我又點可以氣餒呢？

又因為佢同我加油以及承諾過要一齊去旅行，

同埋日日都叫我“Touch wood”

所以我今日先有咁好既狀態，又有咁既勇氣∼

講到我真係一個好無用既師兄呀ＸＤＤＤ

但係有一點唔係好如意既係，

我徒弟入唔到呀~真係估唔到，我真係以為佢地係可以入到的嘛~

但係佢地都已經係做得好好啦...下年一定可以入到的~

好啦~哈...我認為Evolution係無敵架~

“Evolution”呢做名我都由開始組到Evolution開始用到宜家~

聽日就已經係我最後一次...最後一日用呢個名啦~

真係有D百感交集......

其實今日做得好好~希望聽日可以入到決賽啦~

R-Evolution~go go go ~~~~