9月13日  (晴)

尋晚訓得唔好...

成身都好熱...

又係咁流鼻水,

唔洗講呀佢都係唔鬼理我既啦...

最緊要就係唔好阻住佢訓呀...

有時真係好悶...

唔係因為佢成日返工呀...

而係我會好珍惜見到佢既時間....

而佢就無珍惜過,

我都知佢返工係好辛苦...

我唔係唔體諒佢呀,

而係俾我既感覺就係依家一齊住之後,

佢好似唔係好理我呀...

每一日見既時間都係得一兩個鐘....

到佢放假啦,又話要訓...

我兩點叫佢起身都俾說話我聽...

又話咩放假都無得訓....

一齊住好似俾好多人既感覺都好似好幸福呀....

但事實就唔係咁,

唔一齊住既時侯呀,

佢會曬下時間陪下我,陪我傾下電話咁...

但依家呢?無呀,

話就話一齊訓....但事實就係你一邊訓我一邊訓....

叫佢有時逗下我開心啦,

佢就話你重細咩,重要人逗...

佢返工既時候食飯會打過電話俾我,

但講唔夠兩句佢就話要收線...

我既拍拖生活就係咁既啦...

訓既時候想同佢傾下計啦,佢就叫我訓....有咩聽日先講....

我知我唔可以同人地比較,我無得話人地個男朋友有幾好有幾好....

但我都係人呀,我都係一個有感情既人呀,

我唔舒服,同佢講,

佢就叫我食曬成包藥,

我已經無得要返之前既拍拖生活啦,

我諗我要數佢呀數到聽朝都未數完呀....