今日好黑呀......

返工遲左幾分鐘,就係咁就俾人出左封警告信

重有之前睇錯更表返工,返錯左時間....

今日一次過出左兩封啦....

之後今日返左十幾箱貨呀....

唔洗問啦又係我上曬啦....

一上就上到五點幾,之後先食飯....

食完之後出到去都六點啦,

個商場都已經無咩人啦.....

今日推單推到我真係想喊呀....

個個試完又唔買喎....

試完明明鐘意,又話貴唔買....

之後重同我講價....咁我整日都未開過單呀....

咪惟有好似求佢買咁....

而個客重要話如果無得平就唔買....

結果重要俾Ally屌喎....又話我就算開唔到單都唔可以影響公司既形象

又話如果個客要講價既就唔好做佢生意....

我都知啦,但我未開過單先好似求佢咁姐

如果我開左單既,佢買唔買我都話知佢啦...

我洗你教咩,

又係佢屌我未開單既....

佢又唔諗下我成日都要上貨,成日都係個倉度呀....

我都唔明佢請個part-time做咩既

明明個part-time都唔洗跑數既....

就係因為佢錫個part-time,

同埋個part-time做左成年所以就咁....

其實叫我上貨都唔係咩問題呀,

問題係我又要上貨又要我跑到數俾佢

講真我真係返得好唔開心

我同佢地真係唔多想講野呀

新人就咁對人既咩

我唔出聲唔表示我無野呀