| «‹ July 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2011 年 8 月 31 日 星期三  |
| 20110831 |
分類: 未分類 |
暑假最後一日, 留係屋企過... 但有份chm陪住我, 點會寂寞? :o)
29號都係留係屋企... 好耐冇試過同屋企人出去飲茶 ._.
番到黎就做左本ENG佢
30號出去做功課... 好好玩 hahaa
個三本書!!! 本來我諗住等陣大個自己買 xd
Terence超神手! 唔該晒 #adore#
其實個幾本野都冇咩特別姐... 都唔知點解要貼個咁既標籤 ._.
番到去玩label紙 xd 之後就冒險樂園... 成日做左一版chm only -v-
夜晚做到三點, 今朝一點幾起身
一起身已經想做功課, 但冇動力... 四點幾先真係開始做 -3-
做下玩下... 終於!!! 十點就係最後個篇essay寫埋個full stop :DDDDD
今個暑假就咁過左 ._. 好特別既一個暑假
以往既暑假成日留係屋企, 可以連續十日唔出街
今年就係咁出, 第一次比呀媽話我出街太多 xd
其實成日出街可以減少好多亂諗野既時間囉 :D
而且同Mary出多d街就會識多好多地方 -vvv-
好似成日上Maggie屋企咁 -v- 又有好多水可以抽 (h)
d功課做得好遲 XD 同埋就係... 第一次唔捨得暑假 =v=
聽日番學了, 聽日就真係中四了
|
| 2011 年 8 月 28 日 星期日 |
| 20110828 |
分類: 未分類 |
話咁快又唔知幾多日冇打 @@ 暑假就快完了 sad
21號.. 淨係記得視像 -v- cap落既圖好正 XD
22號去Maggie屋企整蛋糕
我畫鬆弛熊好熟手 @v@
23號Mary生日party.. 驚喜failed LOL
唱K -> 冒險樂園 -> 探益頭.... Take care :s
唔好意思唔記得你地要....... /_\
24號OP三人行
一朝早去Maggie屋企整lunch box, 佢兩個食埋早餐 -v-
之前去OP都係同呀媽去, 佢講到咩都好恐怖, 搞到我咩都唔敢玩
今次試晒啦yeah ^^ 邊有佢講得咁恐怖 -v-
一去到玩翻天覆地.... 其實最恐怖係睇人玩 :o)
有本小說話過, 死亡既感覺係不斷墮落+浸入硫酸, 睇住自己溶化+有野割開你身體
我知道第一樣係咩感覺啦 ~_~ 好彩都唔係維持左好耐 -v-
比人360度反轉左三次之後, 成個人精神晒!
海洋列車膠到喊 T_T 所以坐纜車啦.... 原來Maggie驚!!!! 笑死朕 XDDD
去威威天地...姐係Terence屋企啦, 玩旋轉木馬
呢個先係最恐怖囉轉足十分鐘! 真係夠晒夢幻 x__x
mini摩天輪好虧, 青蛙跳好好笑
點樣一路飛一路講電話!? 有人補完膠之後膠上加膠, 冇得救 T^T
飛天千秋好舒服好大風 :D 海盜船真係好暈 -3-
玩過山車... 失望+眼訓 = = 不過都係大風既 -V-
跳樓機, 睇就好似好高, 但上到去先知唔係真係咁高
跌第一同第二下係驚 ._. 係最高處嗌Mary生日快樂都聽唔到! T^T
越礦飛車純粹enjoy大風+睇風景.... 唔係冇驚, 不過都係得兩三下 -3-
摩天輪要天黑晒先正... 岩岩好啦 -v-
夜晚坐纜車好正 ^^
番到去好攰, 第二朝訓到好晏 XD
前晚有人send左條link黎
http://www.youtube.com/watch?v=RZwidS6nJGI&feature=related
一開黎聽.... 中伏, 極驚嚇
第二日搵番原曲黎聽, 十二點loop到三點 ~_~ 而家都loop緊 XD
BTW, 個真心膠傻的嗎仔笑死朕.... 笑到唔識比評語佢 :o)
而家d功課仲有煩到死既ENG+CHM, 同埋有靈感但唔知點寫既LST
今日28號, 得番三日... 做唔做得切!? :S |
| 2011 年 8 月 20 日 星期六 |
| 20110820 |
分類: 未分類 |
呢幾日靜左, 又懶左
唔打野就好易唔記得自己做過d咩野... 呢種感覺真恐怖
諗下先..... 星期日去Maggie屋企, 妙探尋兇好好玩 :D
幫Maggie搵書個陣, 搵搵下我又見到自己想要既書 @v@
星期一到手..... 好滿足 =v=
以前睇過既書, 而家睇番..... 又有了新的體會 =]
好想要Demon系列既書!!!
星期二留係屋企... 唔記得左做咩啦 :D
好似係coin dozer+sms @@ 功課呀........
星期三同公公慶生....... shaop... 笑了 = =
都話我直覺好準嫁啦, 一開始就有預感會係咁
做好預防措施就唔會整親 v_v
星期四都係留係屋企... 同miss夾歌
佢部琴仲係走音 -0- 好似BB仔喊聲咁 ._.
夜晚十一點就訓, 但到三點幾先訓得著 :(
第二朝八點起身 sosad 要考了
第一次見有琴行係車行附近, 而examination room又唔同一個鋪位
琴行個邊冇冷氣 @@ 每個琴室都有部風扇 @@ 有個大嬸係度切午餐肉 @@
個個黎到都係考小提琴... 有個小朋友細細個就考grade7 :o
佢個伴奏遲得好離譜, 人地考緊先黎到....
之後有個男仔黎考, 呀爸呀媽都黎埋, 嘈到死... 涼鞋+番學襪, 笑左 sosad
跟住又有另一個家長陪同.... 呢兩家人好鬼煩, 兩個師奶鬥晒命 = =
部白色三角琴好靚 @v@ 不過質感怪怪地, d聲又有d似電子琴
個女考官都幾nice :o 唔似得之前個條友咁寸寸貢
miss仍然小炒.... 走音真係好似BB喊 /__\
考完之後同Maggie出去... 做咩d商場咁懶嫁, 咁遲開!
幫呀妹拎埋校服.... 佢紫色社, 件社衣都幾靚 @@
指甲油好好玩 :D concert都唔錯 :)
樂理好煩 :( 呀媽仲煩 :( 十二點就蚊線!
so what? 我一樣可以坐到一點先訓 LOL
岩岩將printer駁左落notebook, 大機 #bye#
氫氣球好好聽! 現在的我很灑脫 =] |
| 2011 年 8 月 13 日 星期六 |
| 20110813 |
分類: 未分類 |
camp~ 7-9.8.2011
第一日ice-breaking其實冇咩用 -v- 就係有個組名咁囉 xd
蝦蝦蝦蝦蝦蝦蝦~ 之後就對住一堆陳偉霆 ~_~ 真係唔記得佢地咩名 -v-
夜晚做個套死人野(xd) 發現我地組原來有咁多登高人士 @@
又三家姐又家姐潮文, 仲要第一句就hi auntie -0-
結果最hea係我地組 xd 其實呢個活動先有ice-breaking既感覺!
夜晚..... true or dare + card games+吹水 -v- 玩到一點幾 xd
三點幾就黎訓著就比盞燈整醒左 = =
第二日七點幾起身.... 成日都好靜態
學識點玩Inception, 正! Card games (y)
好早沖左涼..... hey原來當你真係遇到呢d情況個陣係會好想打人 = =
雖然唔係好緊要, 不過都夠晒難忘啦 LOL
夜晚比驚喜Maggie xd 兩點訓 -v-
到9號日頭仲hea ~_~ 估唔到camp可以咁靜 -0-
識到人, 學到野, 認識到自己... 我想改, 但有心無力....
希望神可以賜予力量.... 我唔想自己一直都係咁.....
下午番黎沖完涼玩陣電腦然後再出去 -v-
牌上面d字係咪好正呢~ 我好有文采囉, 諗到呢d絕世好句 :P
玩到十點幾... 番屋企個陣好大雨, 係街上沖左半個涼 sosad
10號出黎"做功課" -v-
我地四個真係好同心嫁 (Y) 最衰影唔到你地啦Mary /_\
原來慧安d奶荼先係最好味 @@ 好香好有茶味! 超正!!
11號都係出黎... 唔好意思唔記得左要夾歌 /_\
不過其實夾埋下星期四都冇啦, miss下星期五考 ._.
之後上Mary屋企... 好似話整電腦喎~ -v-
其實d對話紀錄真係冇乜野 @@ 可能因為我睇唔到重點啦 -v-
有兩個人早退, 走個陣一樣係四人同心 :D 點呀你 :DDD
尋日唱K.. 好大間房囉 @@ 睇住兩條友炒車 -V-
掛住玩電話冇乜點唱 XD 我都成功幫部電話放電 -vvvvv-
之後睇家俬..... 第一次同人講呢件事... 雖然過左去, 但講起都仲火火地 -3-
而家12點~ 鬼節過左啦 :o) |
| 2011 年 8 月 9 日 星期二 |
| 20110809 |
分類: 未分類 |
番黎啦~ 仲有15分鐘.... 講個故仔先~ 書面語mode on
從前有一個人為了保護自己, 便蓋了一間房子自己住
房子外圍有很高很堅固的圍牆, 他人不能隨意進出
出入口也是圍牆上的一扇門, 很重很厚的一扇門
只可惜那人很粗心大意, 經常會自己弄傷自己
也有一次, 有一塊大石從天而降, 壓傷了他
有一天, 那人覺得在自己的世界裏待厭了, 想出外走走
但他發現了, 即使他使盡九牛二虎之力, 也還推不開圍牆上的門
就這樣, 他被困住了
他一直都不能回到外面的世界, 直到漸漸衰老, 最後孤獨地死去
故事時間完畢~ 明唔明唔緊要, 睇左就得嫁啦 xd
camp既野番黎先講, 而家出去了bye :p |
| 2011 年 8 月 4 日 星期四 |
| 20110804 |
分類: 未分類 |
八月第一篇野 :O
一號well真係著錯衫
點都好, 除左個件之外我真係仲有黑色衫嫁Mary! T^T
話就話做功課, 其實吹水多 -V- 我地成功幫部ipod放電 (h)
二號去動漫展, 其實都係第一次去
好多cosplay人 @@ d衫幾靚, 不過d變色頭髮就恐怖左d :s
cosplay大賽有高登野 sosad 高登村花生人膠神頭囉 banghead
攤位遊戲好玩, 又好難嬴 -vvvvvv-
完左就買camp野...... 已經好期待啦 XD
尋晚真係好恐怖, 未見過咁多蟑螂
佢飛起個下我嗌左 = = 之前睇左條link搞到心都寒.....
呀爸比我嘈醒左 -v- 佢明明冇打, d蟑螂都係走左 #adore#
但一樣係成晚訓唔著... 我見到燈亮了天光了........
之後好似都訓到, 因為再睜開眼係細佬九點半彈琴
再訓過 XD 十一點半起身~ 我覺得好早囉 ._.
好啦, 晨早流流比人放飛機, 真心唔gur, 明明d野係你既
唉唔記得左要同miss夾歌, 結果遲晒到真sorry!!!
手機唔比我聽電話, 唯有見到未接來電就盡快打番去 -333-
去Mary屋企做功課 -v- 成日掛住玩, 連一個chapter都做唔到 -vvvvv-
六點幾去圖書館.... LG 1.5寸mon手機版Facebook!? 問呀媽借黎試下先 @v@
漏杯麵好樣衰 -3- Mary唔該晒~ B-) 超另類賢妻良母!
其實我細佬個名有咩好笑 -0- Maggie到底你笑點去左邊 xddd
唔該你係趕唔切就改期, 黎唔到就唔好應承
話你知, 冇人可以令我等超過半個鐘, 而你亦都唔會係例外
一日放我兩次飛機, 你唔好諗住你仲有可能拎得番你d野
仲未開始呀.... 說好的MTH呢...... 我驚真係做唔切呀Mary -3- |
| 2011 年 7 月 31 日 星期日 |
| 20110730 |
分類: 未分類 |
在地鐵站哭, 淚水掩蓋了霸氣 :~(
成面都係眼淚仲要整濕左手機damn... 好彩我喊個陣會靜音, 如果唔係.... :s
我都好想快d做人呀媽! 一唔順心, 身邊隨時有人比你鬧比你發洩, 超爽 :o)
少少事就講到死人塌樓, 傻的嗎 :o)
btw我高左 -v-
今日幫bryan慶生幾好玩 -v-
朝早好驚險... 小心唔好比人發現 :p
做咩唔戴眼罩!? 影少左好多相 -3-
一去就係生日歌... and 3!!!!! 最尾有IQ博士+超人迪加 :DDDD
之後本來想踩單車, 不過都係比人捉左番學校青崇..
上Mary屋企借衫 ._.
其實我信耶穌存在, 不過一直感受唔到
耶穌係十字架上為我地死, 呢d野由細聽到大, 有時都當左係好平常既事 sosad
聖經呀.... 小三好專心咁成本睇左一次, 而家忘記得七七八八了... 希望中三暑假可以再睇一次 =]
其實生日都要搞到咁唔開心, 一日最衰都係d唔知咩構造既父母 ~__~
有人突然唔見左, 擔心都好正常姐下話 .__. 好彩冇出事...
之後Yogurt -> Mary屋企...
你部電腦真係好快 -vvvvvvv- |
| 2011 年 7 月 28 日 星期四 |
| 20110728 |
分類: 未分類 |
好耐冇打了~ 好懶好懶 ~__~ 前幾日懶到連FB都廢事開 -3-
20號同Mary Yung去左借書... 成功搵到 :P
22號自己周圍行, 點知行得遠得濟, 趕唔切番屋企睇雙子公主大結局 :@
雙子公主gyu睇左兩次, 兩次都miss左大結局 T^T 唔知會唔會再播呢.... 懶上網搵 -3-
PCCW card冇晒錢啦 -v-
23號呀媽幫我買左張peoples card... 個號碼有兩個14 xd
24號先啟用張card -v- 有新號碼, 第一件事梗係去派膠 :D
諗住用sms, 點知有人直接打黎 @@ 唔好意思呀 :p
之後先講番比人知個新號碼 -v-
25號一樣係拎住部手機玩 hahaa
我好似每次等人覆sms都係做緊d差唔多既野 @@
FB個like status搞到我一點半先訓 sosad
26號五點幾比人嘈醒左, 冷氣又比人熄左兩次 :~(
去同Maggie書展.. 12點幾入場, 大約3點走...
買左一本心理, 一本哲學, 一本鄭梓靈, 一本唔知咩小說
之後去藍田行... 係M記坐 :P 終於買番隻錶啦 XD
番到屋企好眼訓..... 但要做bk report T^T
12:30, FB like status again, 兩點訓 LOL
不過打呢D野個陣會忍唔住笑嫁唔知點解 XD
Irene 其實我都好開心呀 :DDD
今日唱K... 八點幾起身..... 唔該晒你個morning call = =
將個冷氣校到五度 (Y) 然後玩電腦 XD 有人想屈我but fail :o)
唱五個鐘 :D Mary係咁點SHE -v- 好大聲 xd
Britney Spears - 3 !! Peter Paul & Mary gettin' down on...... B-)
wifi萬歲 :D 最衰手機冇晒電, 機都開唔到 SOSAD 不過都玩左陣...
鋤D+iPad接龍 :D 仲有氣墊球~ 正 :p
之後去玩具反斗城+宜家家俬 -v- 有人腰圍三十幾, 笑死我 XD
跟住係陶大行下行下, 最後係番屋企 -v-
Mary你真係好正! 講錯一個宇就可以令我笑到冇氣 XD |
| 2011 年 7 月 20 日 星期三 |
| 20110720 |
分類: 未分類 |
暑假都開始左差唔多一個禮拜... 都仲係做唔到d乜野 = =
功課.. 中文數學都做左少少, 英文未掂過, book report未借書
樂理.. 好煩好煩.... analysis還好, 但三題作曲真係疲勞轟炸 :@
琴.. 彈極都唔滿意... 好似點都係差咁D野.... 但今次唔衰得嫁.......
當你知道身邊人現實既一面, 真係會好灰....... 所以我要現實過佢地
現在, 重新肯定夢想: 我要做教育局局長
一上任就封殺你條HIHI :P 等你玩針對玩得咁開心 V___V
呃.. 暑假只要留係屋企, 多數都係對住部電腦, 搞到隻眼好痛 SOSAD
不過原來上forum搵野好好玩~ 唔該晒Ivy姐 xd
熱浪球愛戰.. 真心覺得佢唔會太膠 :( 點都會同初稿有一半相同啦下話 v__v
唔想睇娜姐, 不過想睇套戲... 最想睇初稿 XD
之前都有戲想睇, 不過最後都係冇左件事... 今次唔可以! 要記得去睇!!
well, 我而家都唔知自己up緊乜啦 ~__~ 我只知隻眼好痛+想訓了, 早抖 |
| 2011 年 7 月 14 日 星期四 |
| 20110714 |
分類: 未分類 |
12號考HKAT, 放假, 幾個人出黎做功課
去韓燒, d野易燒左好多 (Y) 之後JJ黎左
樸呢呢好正! 第一次最後比人搵到, 第二次第一個比人搵到 =v=
冒險樂園~ 氣墊球 -v- 籃球成日打出界 sorry 直接touch screen (Y)
之後真係做功課就好眼訓 -3- Mary係另類既賢妻良母 :D
前一晚呀媽發脾氣鎖門, 叫我出廳訓, 我心諗, 你覺得我會冇自己屋企鎖匙?
但原來佢真心唔知我有鎖匙 :o) 對上一次鎖房係f1... 我係個時偷偷收起鎖匙的 :P
就算冇收起, 我本身都知d鎖匙放係邊啦 :D 全部都係廳 :D
13號last day... 班會活動個日期搞到o晒嘴.... 點解一定唔黎? 點解咁唔得閒?
好啦, 最後都係去唔成海洋公園 LOL
放學去Maggie屋企... 好啦我玩game真係好廢 -v- 香港茶餐廳玩到負錢 -3-
msn game接龍又慘敗 -v- 其實... 我而家先知踩地雷既數字係有意思 xdd
吹泡泡 :D 玩膠泡泡.... 冇咁靚, 不過可以keep耐d =]
成長的蛻變 = = Ms Fong話 = = 驚險有趣刺激又益智 LOL
個副校都OK煩 @@ 區區23.1個鐘, 訓兩教都冇左啦 -V-
放學繼續玩泡泡~ 真係吹啦 :P 陽光下的泡泡好夢幻!
見到好多人... 泡泡攻擊 XD 唔識mute所以被恥笑 /__\ 不過最後都成功mute左 (H)
收到準考證啦~ 十一月二考琴~ 岩岩好係15歲前兩日搞掂 :P
miss八月十九考小提琴, 同我同一間琴行考... 到時可以試埋琴 hahaa
佢話個部係白色三角琴 @v@ 想像到應該會好靚 @v@ 好似我畫出黎個部咁 XD
今日夾歌 -v- B同C都夾到, 只係A好麻煩~ 聽日再夾 -v-
暑假第一日~ form 3完了... 其實尋日我都係番到屋企先記得係last day = =
離別既感覺唔係太強烈.... 因為黎緊仲有班會活動 :D
最大既感覺反而係遺憾, 總覺得有野未做.... um.. 說到底還是不捨....
今年好特別 :) 吳sir好搞笑好玩得, 上堂又唔會悶, 做戲又勁! 扮女人 (Y)
yingying傻下傻下咁 :P 不過好熱心, 又支持我地.. 雖然比好多功課, 但feel到佢好有熱誠
兩個都會同我地玩, 而且唔會睇成績做人, 唔搞針對! 三年裏面最好既班主任就係佢地啦 =]
同學好和平 -v- 開學個陣諗住呢班會悶, 但其實kai kai地都幾好玩 :D
每一年, 我都希望可以同班裏面每一個人講過野, 起碼一句... 今年好似都做到....
有D人真係淨係講過一次野 .__. 有D可惜, 因為好多人下年都唔同班嫁啦... 想識多D朋友......
突然想好似D人咁係FB打一篇野黎總結呢一年發生既事添 XD 搵日打啦~
想過一個有意義既暑假, 唔想日日都咁得閒 -3- 有冇人有興趣睇熱浪球愛戰? |
« | 1 | 2 | 3 | 4 | 5 | 6 | 7 | 8 | »
|
|
