今日行返學校...

返到去，發覺唔見左把中文書..

立即諗起一定係比人整唔見左...

因為諗起琴日借左比人抄...

見到浩..就諗住屈佢..

但係佢又話還返左比我..

仲話中文堂前還左..

諗諗下又好似係...

不過都係算..廢事理...

lunch..小息時..

見到ms.譚..話左比佢知..

但我又係培存物櫃度搵到....

原來琴日比左佢拎住，佢順手放左入去..

點名時...大頭蝦譚記錯時間..

衝左入黎...果時好好笑...

ms.wong又係度...譚伸利而走..

中史堂..又派卷..再對...

今次加左分..88分..都係多左2分

普普通通....

我覺得長問答..有幾部分應該有分時..

老師又話無...幾無奈..

不過算...明白左下次要更小心..

之後中文堂..

譚解釋返點解衝左入黎...

之後又講下書...完左..

英文堂..今日幾好..

無教書...幾輕鬆..派返d卷..

最後..ms.wong..同我+其他同學..

講英文(講黎拎簽名)

放學...又去左田徑..

今日田徑好輕鬆..

份program又少野...

6點走得....

算好早走得..happy..!!

普通既一日....

上英文堂，見個天落緊雨...

都以為應該唔洗跑....

但係到左第2個小息....

汁埋d野，拎左書包落去...

放左落更衣室就去運動場換衫...

換左之後，熱身...跑下..拉下..

男子丙組同女子組開始跑...

我地梁省德男子都算唔錯...

原本以頭帶落尾，尾棒果個人好似滑倒...

所以跑第2....

女子大嬴..頭一頭二...

跑完到男子...乙甲一齊跑..

我組1棒已經跑到尾...

2棒開始同快既人愈來愈遠...

3棒因受傷，跑到......

我跑最後1棒....

接左棒，我見輸咁多，就跑快d...

但上完斜已經好辛苦...

可能跑得太快..

落斜就無晒力跑...但我都死推...

我聽到d腳步聲，後面條友愈追愈近..

差唔多到終點，條友過左我...

但我唔想最尾...死跟住..

最後入到跑道...

當時我已經無晒力，又慢過條友

果時心諗:我唔想輸..唔想拎最尾.

我就唔理後果，用盡全身既力...

爆埋衝過終點，都拎到尾2...唔洗輸得咁難睇..

跑完之後，隻腳無力..

唔係企得好隱..

好彩有個師兄扶住..仲比左枝水我..

一陣間..有隊友話我知時間

當我覺得自己已經盡左力時...

聽到時間，發覺自己原來號得普普通通...

比平時訓練仲要慢...當時真係唔係幾開心..

今日放學，又去左田徑....

其實有少少唔想去，因為聽日有道路比賽...

唔想搞到自己好累....

但係結果都去左....

到左運動場之後，見到份program都算輕鬆...

但熱完身去做主菜，點知原來係咁辛苦...

跑完1次200米，休息30秒再跑...

2次為1組，跑3組....

跑到最後1次，已經得返半條人命...

跑埋之後，都免免強強咁企到起身...

但係發覺雙耳下少少，好痛...

好似比好多針(吉)咁，幾分鐘痛1次...

之後問下師兄..

師兄話耳水不平果d，我聽到一頭無水

阿sir聽到話:咩耳水平，如果係就會暈暈地...

之後話係頭裡面受壓力，因為裡面壓力同出面唔同...

跟住話返到屋企就會無事...

當時真係有d驚..從來未試過....

好彩上車時，都已經無事....

今日都算經歷左1件趣事...