公告：
我將個廣告轉左做彈左黎既視窗
如果大家覺唔好既話
儘管同我講
我好轉返banner
-------------------------------------

To：瑜
你打多左qooza我咪睇唔到囉
我都無密碼既
-------------------------------------

（to be continued）

對唔住啊各位
係補打返呢個禮拜既日記之前
我一定要講返D野
我知
我唔會係佢地兩個最好既朋友
但我會係佢地之間好多既橋樑
佢地既事
我唔敢話我十萬分清楚
但起碼我係睇到聽到感覺到
唔係我敏感定點
好多事人地唔講我都知
講真
我同阿君係朝早已經覺得係有事發生
但我萬萬估唔到係你地兩個係到鬧交
個時
仲要係個局外人面前嘈
我個時出唔到聲
只係望下君又望下ken
企你地中間……唔好受
我唔想見到其中一邊唔開心
但我根本唔可以出聲
返到黎
我太累
我真係唔想咁啊
好慶幸
昨晚無比我睇到預言
唔係我實驚到死啊
岩岩睇到你地既日記
我唔知點解
我喊左陣
真係好可悲
點解大家要咁呢
我真係唔覺得係任何一邊既錯
性格又唔係唔岩
咁係差咩？
可能的確差左少少關心
但事後……諗真……唔算全部
可能要講到緣份喇……

先講阿ken先
一開始識你
係我岩岩升上中三既時候
又係沉左落谷底既日子
你把聲你既說話
係比我一種無言既安全感
呢點係真既
唔係我係唔會咁信你
但點解我唔想交D名出黎
係因為你做事既衝動真係令我好驚啊
無端端有一日聽到話你入黑
我係好驚啊
原因之一係我啊
我聽到係覺得你太過衝動
你連安柱都上埋
咁有咩解釋你唔衝動啊
我一直都怕你會衝動累事
結果
都宜家都係
所以我一直唔敢點叫你幫我就係咁
唔係我想保持現狀
只係因為你做事太衝動
我唔放心囉
我唔係唔信你嫁
唔信你既話你係唔會知咁多野
你話過唔想比希望佢
但你既行動其本上係比緊希望佢
你話過同返佢一齊只會令佢傷心
但唔同佢一齊佢好似仲傷心
我覺得
你唔算花心嫁喇
但當然同佢比你係嫁
佢話你入左之後變左
我都覺啊
我愈來愈睇唔清你喇
若隱若現
我打下電話比你
你一時可以同我講成分鐘
一時就幾秒cut我線
我唔係你邊個
我只可以忍
聽阿君講你D野
就好似你開始變壞左咁
但因為我仲信你
我只會聽
每次就好似D時間係你既
你搵我地無問題
但我地搵你你就考慮下先
我忍到
你愈來愈似惡魔
但我一直信你係天使
有好多事上
都睇得出
如果你真係惡魔既
我唔會可以安然生存
我覺得我無信錯你
只係你太衝動同唔多關心下人姐
但一定唔係無關心
個種關心
係若隱若現
搞到我都唔知點好咁
我唔係你邊個
要排位我會係尾幾個
要關心都輪唔到我
但我信阿君係一定係我前面
所以你唔會唔關心佢
但我好擔心一點
我記得有一次
聽到個句
朋友係用黎利用、用黎出賣
呢句話令我睇清既人
唔係你而係我既班主任
令我知道佢我唔信得
其實……我覺得係因為你地個時嬲先咁講
我信到昨日嫁
由昨日開始
我唔多信喇
只係少少既動搖
我覺得係我既事上
無可否認你會用我黎上位
但我覺得你唔會單單為咁而幫我囉
所以我信
令我唔信係前日既事
我覺得……佢比你利用緊
但佢無咩怨言
只希望你關心一句
我對佢係佩服
我唔會點苛求你鐘意返佢
但希望你會知道佢為你做既野
仲有啊
昨日你既表現……
我feel到……
自欺欺人
我唔信你對阿君無晒feel
你仲緊張佢
你仲鐘意佢
你妒忌
我feel到、佢feel到囉
唉……
代佢講一句
佢之前咪話做朋友好過做情人
但宜家已經唔係囉
唉……
有心既
爭取下嫁

到阿君
你係我識既、見過既女仔之中
最長情、最專一既一個
呢點我覺得好佩服
你咁為佢
我唔會話你錯
但好多野你唔好怪佢
好多時身不由己嫁
佢又唔係無咩唔關心你既
只係佢既關心唔同D姐
我平時同你講既講得多
聽我都聽到得
所以呢度就唔多講喇
有時
顧佢都要顧下自己啊
知唔知啊
唔好學到佢咁衝動啊

好喇
講晒嫁喇
我唔會反對你地任何既決定
我只係想大家和睦想處
就當係我自私啦
點到好
我一定你地既朋友
一定支持你地既
我永遠覺得你地係一對
無論係事實定幻想

七點幾醒啦
整左個鎖匙扣先
之後就同君傾電話
聽佢講昨日既野講到喊
唉……
好慘啊
中途阿ken打過比君
君話唔想咁早出
就話十一點先出
十點半就洗頭
洗完就打比阿ken問下佢洗唔洗睇下我本bio
佢話唔洗仲話佢八點就出左去
搞到我驚驚地
到葵芳就同欣傾左陣電話
我決定傾完先上去搵佢地
原因……君知啦
入到去
今日多左個
不過……係一個係度打機既小朋友（其實唔係細我好多嫁）
唱左陣
我媽打黎
有D嚇親我
原來係問我個遙控點搞姐
之後唔知搞咩
someone整跌晒d叉（淨係叉……怪）
我同個個男仔都唔肯去拎
搞到阿ken嬲嬲地
親佢出左去
我就坐埋去阿君度
實行爭位啊
佢返左黎一陣
珊珊打黎
問我打唔打比賽
搞到我啞晒
咁我咪問下裡面個兩個囉
佢地叫我唔好去wor……
所以……無去
對唔住啊
之後君唱「損友」個時
阿ken玩野……係度改歌詞
仲要指住君
過左陣
阿君就出左去傾電話
一陣姐
之後佢又出去
個時阿ken特登點「十個分手的理由」
仲有插上去
好衰啊
呢隻歌之後無耐佢就同個男仔玩到極癲
一度改左位
個時應該得返十分鐘
唱「超合金曲」
又比佢地兩地極齊心咁指住我黎話
「你講也講不聽聽又聽不懂  懂也不會做做也做不好 」
唉……洗唔洗咁啊
次次都係咁……
都唔理下我D reason既
唉……
好快……就走喇
我都無咩點唱過
唉……唔知
只知中途我食左粒止痛姐……
仲有……我比左百二囉
唉……無言啊
之後係葵芳行
阿君就交埋電話費
之後又係葵涌過新都會
比阿ken知我睇過佢部機
大獲囉
之後……我話想去三聯
佢地真係去啊
好開心啊
第一次啊
去到三聯
比君拉左去小說
一陣姐
君嬲左ken（小事姐）
君拉左我上去個個唔知咩咩zone裡面坐（只可以咁講……真係唔識講）
之後佢地上黎喇
阿ken買左本《危險人物》
難得
之後係個度傾計
阿ken仲見到佢阿sir添
過左陣
因為君開左一個玩笑
搞到阿ken嬲左佢
仲走添啊
好驚啊
好彩過左陣佢返轉頭
之後……過左陣又嬲左對方
今次係阿君走
唉……
我係企左係到囉
唔知咩事
阿ken叫我跟住佢
但我出到去……
搵唔到佢囉
搵左好耐啊
好驚……
咪搵阿ken囉……
佢叫我落冒險個邊搵佢
之後……佢好緊張咁
叫我點都要打到比佢
好啦……打通左
佢嬲到差左扔我部機落低啊
嚇親
之後間唔中都有提下阿君
佢個樣……我唔會唔記得
個種神情……唉……
之後去左葵涌搵
佢係聽錯野囉
搞到行左好耐
行返過新都會
君又話佢地去左葵涌
唉……係無緣定點啊
見到阿君個時
見魚魚黎左
阿ken係唔出聲企埋一邊囉
之後大家一齊過M記買野飲（∵某人∴我無）
之後打算出出面坐
咁都見到珊珊
好開心啊
佢地贏左男拔
恭喜晒啊
陣左好耐先分開
我地就出左去樓梯
佢到個時都係個個樣……
到佢同魚魚傾左幾句之後就好D喇
唉……
五點幾大家就一齊返青衣
搭車個時阿ken嬲嬲地咁
之後仲抄返之前D野黎講
唉……
去會堂搵連繞欣
佢唔多妥咁
君唔比我知
我只好連佢地三個男仔去
魚魚過左陣走左
阿ken就同兩個女仔傾計
我就同個個男仔傾計
傾乒乓波啊
雖然我唔算叻
但總算係比較上有d信心既野啦
之後就過左偉景打波
搞到有少少興奮添
我真係唔叻嫁
佢仲話我咩學界冠軍
真係救命
我邊有咁勁啊
之後就邊打邊同佢地傾
見到個叫何穎欣既女仔
覺得……唔多靚囉
之後打打下唔知點解阿ken好嬲
佢鬧個小朋友
驚
唔知咩事啊
六點幾個時
佢地開始鬧交
企係中間
都唔知點好
唉……
之後君自己走左
阿ken去左打波
原來佢好勁嫁
又多個對手
如果唔係無橫板
我實同佢打返局啊
好羨慕佢啊
樣樣都叻
我呢D……注定係咁
唉……
之後陪埋佢返去之後
我就去返葵芳食飯
食到我嬲嬲地
唉……算

==========================

講真
look我唔係唔想轉
係驚咋
結果係好係壞都唔知
好驚返到去比人話啊
我都係驚呢點嫁咋
我信以你地既力量
實迫到我面對既
唉
一次既失敗會令我驚嫁
一直我都係避咁解姐
我覺得你地有一日會迫我面對嫁啦
我有好多宿命、陰影
唉……影響左我好多
算啦……

朝早
成家出左去
又得返我一個
中午同欣、瑜傾左陣電話
之後就同阿君傾左陣……
唉……
之後沖下涼
睇下電視
媽問我出唔出去食飯
我就話唔食
之後就睇下電視

＝＝＝＝＝＝＝＝＝＝＝＝＝＝＝＝＝＝＝＝＝

唉……
呢日又唔知咩事啦
易躁左
又無咩人同我傾計
又唔想訓
又唔想食
又唔想出街
又唔想做功課
唉……
個feel……
就好似被世界遺棄咁
好難受
想搵人傾
但想搵個D宜家咁既情況完全搵唔落
一個……唔比我去關心下既
一個就若隱若現
一個on都唔理我
一個on都唔on
一個唔敢搵……佢會話我
一個……搵會講唔落
一個……唔希望佢擔心
一個唔慣同佢講心事
一個淨係熟講自己既野
一個唔再理我
一個……好耐唔見佢on
一個……忙到on唔到
其他……就係唔多熟咁
唉……
好煩啊
點做好……

朝早早起身啊
但係好無聊咁過
之後一邊同欣傾一邊去荃灣
今日傻傻地
又遲左個站落
唉……心不在焉
去到
好彩未比邦鬧（係因為佢要理男乙姐）
今日係打葉紀南
關諾允幾輕鬆就搞掂佢個個
無咩特別咁
黃嘉欣就爆玩咁打
玩輸囉咪
唉……
到我
一入到去
睇到張台
極無奈
係好唔掂的
第一時間就係睇下葉紀南個D叫咩名
係阿君叫我留意下嫁
第一個係叫葉x琪（綠社既）
最記得第二個——曾善美（真、善、美）
第三個就叫曾彩霞
同佢練個時
不禁有一句好想講
「佢識唔識打波嫁」
因為……無旋佢都係打唔到=.=
唔知佢想點
正式打之前留意再我隔離張台（男乙）
左手對左手
難得一仗啊
之後就我開波
第一場我想速戰嫁
咪開完即殺咁囉
但基本上……我開完佢差唔多都係接唔到咁
無言（11:9——比我好多殺出界啊）
之後個場就玩慢喇
佢實守我平時開波個邊
我咪……開另外個邊囉
悶
好快就又搞掂（11:6）
之後又到關諾允
唔知佢搞咩
輸左
到黃嘉欣
我係咁講
「你咪玩啦」
第一局——輸（12:10）
第二局
過左一陣關諾允就出左去
我就同黃嘉欣講
「咪玩啦……夢夢嬲啊」
明顯地第二、三局贏返
之後就開始同阿君傾陣間既野
原本諗住走嫁
但見程永樂輸左係到喊
良心過唔到自己啊
咪睇下囉
第四場黃嘉輝當然無事啦
但壓力落左sam哥度
比數係極近
係輸小小咋
咁就由第一變第三
唉……
程永樂喊完到sam哥喊
唉……
之後季軍戰
sam哥個場又出事
明顯係因為頭先個場搞到咁
係唔想打咁囉
第四場又唔知咩事
黃嘉輝第二局輸左
嘩……驚啊
打完我地三個女仔就走先喇
我竟然有D迷路啊
=.=
之後就ok
同佢地兩個分手喇
上到五樓
偏僻的19號房
阿君叫我打比阿ken
佢話……去大埔搵fd……夜晚入東涌
唉……咁就無左個男聲
之後就唱
欣比返本《人間》我
佢今日套衫幾靚嫁
但我覺得有不足囉
無意間
見到阿君界個度
好腫啊
佢話昨日補界過
唉……
佢咁……點算
我同欣有夾下歌咁啦
又有阿君、阿欣solo（我無咩）
又有三個人一齊唱啦
阿君唱到四點就返去練band
之後我同欣就繼續喇
謙竟然打黎
話唔見左銀包同key
唉……我唔見時佢又唔見
無言
咪應承佢陣間搵下佢囉
唱左陣
珊打黎問我係唔係去澳門
我話係囉
五點幾就走喇
之後搭43返黎
搭緊個時
坐我後面個位Red cruss既男生
係度狂講「唔得」
天啊
搞到我好嬲啊
之後上去搵謙
佢係木公園
就同佢過我個邊傾計
6:40佢就走喇
咪上返黎搞下部機囉（出返之前壞到驚）
佢地三個返黎之後
不斷地煩我
唉……唔理
訓陣
十二點幾醒左
比莫凱謙煩
同阿ken、杯麵傾左陣
2:37就邊聽歌邊打日記喇
三點幾開始睇《人間》
邊食杏仁餅邊飲水
超想係邊食瑞士朱古力邊飲香檳
《人間》真係好睇啊
五點八就睇晒
正常速度啦
之後就開始玩killer sudoku
一直無訓過