朝早好懶啊（其實上係呢掛都懶左）
所以就搭的士啊
都同個司機有幾句咁
落車就見vincent喇
去到小食部個邊就見丹、鄔
講左幾句就一齊上去hall喇
上到去就見娜姐同翠婷
Miss Wang叫我們搵位坐
我地就去左女單度坐
我係1A、丹係1B、鄔係1C
慢慢D人就返得七七八八喇
最驚訝係……楊淦都返左啊
開心
搞到我成日諗佢係邊啊
唉……
之後D f.1入黎喇
好多fd係度啊
1A好少人答岩啊
33.33%咋
唉……
之後就要走去集合喇
入左1C班房
又同阿君傾左陣
睇阿丹就咁我又走喇
落到去……
好悶啊
過左陣
睇到楊淦啊
開心
咪過去同佢玩囉
過多陣就開始喇
第一時間衝黎衡去
最慘係要背數
楊淦仲要on個度
天啊
不過我無背楊淦個行啊
我只係背到21個digit咋
返到hall黃志嘉訓話過就走得
我同丹、朱古力、甘仔個班就齊走
喋丹去洗手間
班男仔話有事叫我地快D
一上車就比人話
汗
同佢地行到F座就分手喇
返到黎
訓左個幾鐘
就比阿瑜個電話整醒
佢話叫我出去補慶生日
我原本諗住訓多一個鐘嫁
但訓唔到
之後就同佢去行
綠揚、千色、新城、英皇、荃廣
最後就係美心兩個人食食一個鐵板
之後就走喇

昨晚比彰叔同張銘浩迫玩麻雀
玩到一點先放我啊
今朝搞到又斷下斷下咁訓
要謙等真係唔好意思啊
遲左十分鐘啊
對唔住啊
之後同佢一齊搭車
途中我覺得有機會拎第三
莊婉婷姐姐佢地就第二啦
（預言又黎喇）
去到金鐘
陪佢買乳酪之後上去A出口
個時九點正
Miss Lai未黎
但就見到好多唔同學校既學生同老師黎晒
九點二
MIss Lai黎喇
再過多陣
有個哥哥黎左
原來係幫莊婉婷姐姐搞ppt既
九點三
Miss Lai話上去睇下先
咁我地就同Miss Lai上去
個個哥哥就繼續等
原來個場地係港大嫁
D房同我預計既差唔多
我地先去S22
已經有好多人黎左
D工作人員話有file要update既話就出去
咁就同謙就跟左個工作人員去S24
去到就睇到人地D ppt喇
人地個D係好靚好多資料嫁
反而我地個個……唉……
過返去一陣莊婉婷姐姐同個個哥哥上左黎
但蔡恆生未黎到
過左陣就開始抽籤
高小之後就到我地
我費時去啊
就叫謙去
點知……
第一隊
極驚
個時蔡恆生返黎
莊婉婷姐姐抽
又第一隊
1/36既機會都抽到
唉……算啦
九點十就我地開始喇
我講完介紹之後
同謙換位個時
我同佢講左聲對唔住
我真係講得唔好
我又講完教學方面又同佢講
等評判問問題個個時間我又講
我真係表現得唔好啊
第一個問問題既係上次教寫報告書既Miss鄭
佢問「如果唔見PDA或者無電點算」
謙提左我——後備機
我就話「我地既報告書都有提及到
市面上係有D後備電池既
我地係建議學生隨身攜帶嫁
而唔見PDA方面
就好似唔見學生證一樣
學生係有負任去通知校方
如果資金足夠既話
學校係可以提供後補電腦既」
第二個就問「如果內聯網down就點算」
（其實我係唔就嫁）
我就話「down左既話就可以用返學校server
即係現時我地交錄音功課既地方」
第三個問「你地想點安裝無線網絡呢」
我就答「咁我地報告書提及每層需要二至六個point」
唉……好差啊我
返埋位就同佢講多次對唔住
唉……
之後第二間都幾好既
好表面囉
但佢地個調查就比人針左
第三間
係初賽時贏左最佳創意獎既
但佢們既presentation係搞到我啞晒囉
連個D「的」、「了」都照讀
個ppt仲要壞左
無言
第四間有隊啦啦隊
好笑
表現都係麻麻
第五間就係我賽先認為會冠軍既
得一個男仔
佢仲要整flash
好勁啊
仲要用D勁pro既字
可惜咁又比人針
原本香島係第二間嫁
不過佢地無黎
之後就同莊婉婷姐姐佢地一齊過返S22
高小組既賽果我就唔敢估
初中就估第五個個男仔第一
第二就第二間或者第四間
第三就我地
高中我就講話佢地第三
頌到我地個組
創意獎個時同時頒第一個優異
第二個優異係第四間
個時我同謙就「give me five」喇
我地一定三甲
個司儀講埋香島無黎就領季軍
明顯
我們囉
第二竟然係個個男仔
第二間就冠軍
無言
班女仔喊
唉……
高中組我指親邊隊輸就真係輸晒
汗……
佢地真係第三啊
之後就係冠軍presentation既時間
高小個個幾好
不過係個內容好窄囉
初中……唔服
高中個個真係好勁啊
頭3:34秒係播短片
之後就補充返段片
好勁啊
完左之後
謙去換衫
我地成班係出面等
講返頭先D野
岩岩講起server個問題
第二個評判同我「內聯網係有backup嫁」
我地即刻狂笑
頒完獎之後我一直攬左呢兩個獎
唔想放手啊
去到地鐵站
就要比謙喇
I miss them
之後就去金鐘廊食野
我食拉麵啊
買個時仲見到高小創意獎班小朋友添
食完就走喇
MIss Lai去遮打花園邊邊
莊婉婷姐姐同個個哥哥走
我就同蔡恆生走
我去到青衣城就邊同阿君傾計邊返屋企

--------------------------------------------------------

一開始拎第三既感覺係好開心
但慢慢……就唔開心喇
始終係輸左
對唔住啊……
尤其係謙
其次就係楊淦熙、大家姐、三家姐、彭妹
對唔住啊各位
呢個比賽
要多謝一班人
第一當然係謙啦
第二就係Miss Lai
無佢我又點會參加呢
之後就有阿欣、阿君、阿ken、彭妹、大家姐
仲有好多好多
好多謝各位啊
今次我拎唔到第一
希望大家原諒啊

下晝出左去陪同君練band
係小童出面個公園等佢
等佢既時間個感受好大
始終好耐無黎喇
之後入去
過左等阿ken同個女仔黎左
之後比人趕晒出去
一陣姐
連阿君都出埋黎
阿ken同阿君走左去
就同個個女仔傾計
佢叫阿Ling啊
我仲教佢數添
之後就一齊行去青衣城接個叫steven既男仔
之後同阿君買野食
咁就同阿ken佢地分開左喇
佢食完之後我就過返阿ken個邊
聽左佢唱四隻歌
水準比上次差
途中佢地去左接一個叫Simi既女仔
大家一齊行去青衣城
個時嬲嬲地
去到青衣城
見到個叫阿蚊既女仔
係唔鐘意佢囉
之後上左KFC
過左陣
就同三個人去M記
送左佢地返去之後
就去三聯掃書
（我到宜家仲係好嬲啊
無心情打咁長啊）

唔知係唔係因為了左件心事呢
好好訓啊昨晚
訓到唔知醒
遲左半個鐘啊
驚
好彩返到去都係七點半咋
on duty個時Miss Lai話寫左clip比我同佢
仲比左「心繫」既野我
咪咁遲嫁
DEAR個時我借左《當差來了的》比葉淑
我就睇《窮爸爸》
睇睇下蔡偉全派返D「新」既成績表比我地睇
又傳多次課外活動既紙
原本我想寫埋drama嫁
不過算啦
仲見到個奇景
熹熹竟然寫Table-Tennis Team
天啊
阿邦都唔搵你啦
仲敢話自己係？！
eng又唔記得帶GEE喇
就邊教朱古力做數
邊同欣sd sms
我將阿丹部機比阿欣試啊
因為我個位好難試啊
Maths又黎計一大堆野喇
悶
小息就去搵Miss Lai
見到謙黎左
彰叔又黎左
就同彰叔傾計
連陳頎昇都黎埋
一直都唔敢搵Miss Lai啊
因為佢同個高form極沉重咁傾野
打左第一個鐘之後
Miss Lai就黎搵我地四個喇
先搵彰叔
彰叔個度係比返D note同SITC個網
陳頎昇同謙一齊報左「心繫」
之後到我同佢既wireless
約左放學開會啊
之後就上Chem
一黎就有個細quiz
我個台我第一個搞掂啊
都算係咁啦
之後就玩實驗
第一個係將D「碳粉」加acid就變好靚既湖南色既水
見住D碳粉跳幾下就變左做淡藍色既凐
第二係D「糖」加acid就會有NH3
驚啊
我地都未開始就見班男仔已經燒到出煙
仲要係山火個種煙
驚啊
佢地好似無感覺咁
我地燒個時
小小煙就驚到熄喇
第三個係D「白粉」加acid就會出CO2
最驚係……要我地自己落
恐怖啊
珊珊倒左少少
D白粉就噴下噴下
之後驚到我隻手唔多穩
搞到珊珊整左D落我隻手到
好彩無事
整出黎好似汽水
過左個陣氣之後都仲有D泡仔升上黎
第兩個小息睇到本週記
不過……我唔想睇囉
之後就去on
geog又講個D野
悶到我真係訓左
驚
PTH周笑搵我黎「達」人
無奈
聽左段好恐怖既PTH
lunch又係咁啦
同佢地食完就上IS Lab.
in我既係梁溢昌
in完就落返choir
之後就返上班房
等埋欣先入
點知……係王美娟
歐陽無返啊
之後就做數
做埋8.5添喇
第二堂就陳定文（S先生）代
放學差D唔記得要搵Miss Lai
好彩我落到去佢都未上完堂
之後佢叫我上54等佢
過左陣佢地就黎喇
傾到4:15就傾完喇
之後就等埋鄧靖一齊走
我地落左葵芳
首先買左丹件禮物
之後就買左新銀包
之後就請佢地兩個食野
最後就同鄧靖整眼鏡

今日又早返
原因都係個個
落車個時七點二咋
落左車見到阿瑜
就一邊行一邊傾壇既野
之後上到去我就上prefect room睇下
果然係未開
之後就上返去繼續同阿瑜傾
之後再落去搵connie姐姐簽到
之後就開始我on duty
見到woods又見到蔡sir
蔡sir知我贏左讚我叻啊
^^
今日roll call Miss Lai講
講到極快啊
快到係聽唔到嫁
之後就頒第一、二、三同埋操行獎
上到去阿丹比左本電影書叫我揀
中史今堂教左少少野
又搞習作
之後係maths
又繼續講個D
好差啊我
之後唔多想on所以無on
之後就落去CL
又係好無聊咁上
間中同阿丹傾野
臨落堂我sd左我個日記比阿丹
落左堂就同Miss Lai傾下
最後十日喇
佢覆都覆過
唉……
我可以點啊……
Miss Lai叫我自己整住先
但……我得咩？
之後上返去on
叫左黃婉婷過黎
叫佢幫我同佢講
唉……唔知佢聽唔聽
上返去上eng
今堂listening
但做之前我地做左dict corr先
我竟然46啊
難得
Daniel比左張紙我
係話聽日面試嫁
之後就努力做lost同maths
lunch今日彭妹出去食
我就同黃婉婷食
之後又on
竟然同蔡sir撞埋一齊
哈哈（唔係TSO啊）
ASS今日係class
首先係睇片
呢D片睇到我心都麻喇
之後就睇返新既級名
班就無升
級升12名
唉……仲係好差啊
珊珊上到三時就走左喇
放左去練波
阿邦遲左啊
唉……
同關諾允打左陣就無得打喇
就做功課
做到我嬲啊
計錯左兩題啊
之後阿邦叫我同徐德怡打
明顯又輸啦
更加嬲啊
之後蔡sir落左黎
叫我同佢打
一陣就轉左佢教我接發球
平均食三球之後先認到
唉……好差啊我
之後到阿邦同佢打
邊打邊傾波
6:48就走喇
搭車就同阿欣傾電話
再睇返個兩條題
搞返掂喇
------------------------------------------

好想搵人同我傾計啊
好辛苦啊我
D比賽點算啊
我一個人真係撐唔到嫁
第一個想搵阿ken
點解呢……可能因為佢比到信心我掛
其實我今日都唔知點解好想溜冰
可能係因為睇左段片之後就覺得自己擁有既唔想失去掛
唔知佢睇唔睇到呢
唉……不過佢都唔多睬我咁
唉……
第二個係阿君
不過……明顯係無望啦
第三就大家姐
有個咁好既基督徒
真係幾好嫁
我知阿欣會睇嫁
但我想講
我唔想同你講
我唔想你會擔心我啊
我會好take care你呢個fd嫁
當你願意同我分擔既時候
我好歡迎你做我既listener嫁
ok?

---------------------------------------

（以上個名單杯麵都有份嫁）
好開心啊
阿君搵我仲傾電話啊
真係真係好開心啊
了結左一件好大好大既心事
好多謝阿君啊
起碼多個人同我分擔
有段文字
我覺得都好值得放上黎
[機會
就好似時間咁
你唔去爭取自然就會失去
決定權係你手上
你想點做就做啦
始終都會有好多人去支持你
我信你既決定會得到其他人既支持
縱使有時決定會令其中一邊好痛苦
但早決定好過遲決定
長痛不如短痛
拖
只會令大家更痛苦]
但……
其實我自己係做唔到嫁
唉……
好無用啊
期待聽日同阿君傾計啊