發覺已經有一排冇打過日記...
今日我細佬要返學校跳舞
我睇住佢跳
完全唔知佢跳咩...
但仍然覺得佢好突出
好落力!!
加上佢著個套衫好特別,好容易認得出
原來係學校練完之後佢仲要系商場對出個廣場表演...
我都有睇佢表演,個一刻我有兩種感覺
一.仲係覺得佢好突出(仲要企正中間位...）
二.好熱!!!(雖然已經一手拎住傘,一手拎住把扇)
好快佢就表演完
之後我地立即去左商場...(太熱啦...)
=============================================
阿媽買左KINDER出奇蛋
我同細佬妹一人一隻
睇落去都叫公平既
出奇蛋入面有玩具嫁嘛
咁阿爸就同我講
''你都咁大個人啦,都唔玩玩具嫁啦,將個玩具俾左細佬啦''
我話''唔係呀嘛''(雖然自己唔玩,但都唔想俾佢,更何況我個玩具係三個之中最好睇既...)
我阿爸就話''係呀,你都唔玩,唔俾人地玩下咪哂左''
我細佬開始發現左我個玩具原來係架車
之後仲要我俾佢
個刻好嬲,點解一定要俾佢
蛋又係佢地揀先
我已經係拎最後個隻
咁佢唔好彩關我咩事
而家仲要我俾佢?
唉...
俾咪俾囉！
咁鍾意玩自己玩飽佢
次次都係咁
鍾意D野就一定要人地俾左佢
都唔顧下人地感受
雖然只係一件好小既事
但都唔係好開心...
|
