| «‹ January 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2008 年 4 月 3 日 星期四  |
| 承諾等於食生菜 |
分類: 未分類 |
============================================================================
琴日,傾傾下計講起承諾
令我不禁諗起之前既佢
''佢''好鍾意同我講承諾
但可惜咁多個承諾之中
都冇一個曾經兌現過
''佢''所講既承諾就等於食生菜咁簡單
而我聽既假承諾太多
所以我再唔鍾意聽到任何既承諾
因為我對所謂既承諾已經冇哂信心
發覺當日好傻,點解會相信佢既承諾
佢呃我一次,我可能唔知
呃我第二次,我未知,係我太無知
但呃得一次,就會有第二次,第三次,第四次
但人總會有聰明既一日
就算再笨既人,都總有一日會發現俾人呃
做唔到承諾,係因為個承諾太難,
咁既然個承諾咁難做到,
咁當初就唔好隨隨便便就講出黎啦
真係希望愈,失望愈大
我唔會講任何既承諾
因為我怕到最後我做唔到...
============================================================================
[一次不忠,百次不用]
我好容易相信人
因為我相信身邊既人,係唔會呃我
但當個個人呃過我一次之後,我就唔會再相信佢
因我唔想再俾同一個人呃多次
系前幾日,有一個同學佢講既野唔可信
但我仲信佢,阿媽就叫我唔好咁天真
唔好咁容易就信人,小心俾人呃
但我就話,系佢未呃過我之前我都仲會相信佢係唔會呃我既
或者真係天真左d,
佢都未呃過我,我又點可以唔信佢呢?
但天真並唔係等於低能
唔好以為你呃左我,我唔會知
但我知道左,都未必會講你知
但我可以肯定既係:
只要呃過我一次,我就唔會相信個個人!(我好記仇,大家小心d^^)
============================================================================
不要承諾,心領了!
|
2008 年 3 月 31 日 星期一  |
| 2008-03-31 |
分類: 未分類 |
=====================================================================
唔經唔覺
個假期又再一次咁過完啦
ｄ功課真係做到我死
我好離譜,最尾個三日先開始做功課
好彩,我仲做得切
如果唔係我而家邊有咁得閒系度打日記喎^^
其實我係有做一樣既
個樣係視藝既BOOKREPORT
我真係唔想做呢樣
我諗住唔理佢啦
我又冇有關呢Ｄ既書
想搵上年個Ｄ又搵唔到喎
我明明就放左系個書架個度
但唔知點解冇啦啦就唔見左啦
都唔知係咪系度玩我＞＜
唉,算啦
唔做一樣又唔會死既
我都係唔好理會好Ｄ啦！
好慘呀！！！
聽日一返去就要世史測驗
又要中文默書喎,認真攞命！
=====================================================================
我今日做左一樣好搞笑既野
今日下午五點幾個時
有人打電話俾我,打黎屋企
咁我又唔想聽喎
咁我又叫我Ｄ家人唔好聽個個電話啦
電話響左好耐
我突然攞起個手提
關左佢,我個時講左句
佢打黎屋企冇人聽,咪會打黎我手提,唔好啦,等我熄左佢先！
我阿媽聽到,覺得我突然聰明左
唔係呀嘛,佢咁講就姐係話我之前唔聰明啦！
好衰呀佢,但我而家諗返起都幾好笑^^
=====================================================================
聽日就要返學啦
但返兩日之後又唔洗返
又放假,我同我阿媽講
我阿媽又係講個句:
〔好心佢就放埋佢啦！]
小姐,我都想放埋佢呀
但無奈地,我唔係校長呀嘛！
=====================================================================
呢排電話成日都響,佢講左我好多電話費呀佢！
我仲記得有一次,我訓訓下覺
俾佢嘈醒.......
唉,算啦,細路仔係咁嫁啦......
===================================================================== |
2008 年 3 月 19 日 星期三  |
| 2008-03-19 |
分類: 未分類 |
============================================================================
哈哈,
我終於等到今日啦
返埋今日學,放假啦！
真係好開心呀^^
但要面對一大堆功課就唔多開心啦
唔止功課,放假之後仲有一大堆小測呀,
測驗呀,系度等緊我....
諗起放假,好開心!!!
諗起功課,好想死....
============================================================================
放假當然冇可能終日系屋企冇所事事啦
我都係時候要諗下
系放假個時,可以去邊度玩下,行下
唔好搞到成個假期都好無聊咁同Ｄ功課一齊過!
打住咁多先啦
============================================================================ |
« | 3 | 4 | 5 | 6 | 7 | 8 | 9 | 10 | 11 | 12 | ... | 35 | »
|
